PDA

View Full Version : Inqilabchilarda bolushqa tégishlik pezilet we iqtidarlar



Unregistered
21-08-09, 17:51
Inqilabchilarda bolushqa tégishlik pezilet we iqtidarlar

Inqilabchilarda bolushqa tégishlik pezilet we iqtidarlar
Ghayimiz: wetenni azad qilish. El-wetenning qeddini kötürüsh.
Nöwettiki nishanimiz: uyghurlarning herbiy, iqtisadi, siyasiy küch-quwwitini ashurush.
Hemmimizge ayan bolghinidek: nöwette, ghayimiz ulugh. Shu ghayini ishqa ashuralaydighan küch-quwwitimiz ajiz. Düshmen küchi yuqiri. Sirtqi qollash yétersiz. Ulugh ghayini ishqa ashuridighan inqilab qoshuni ajiz, yétersiz. Waqtimiz nahayiti qis. Yollar intayin japaliq.
Ajiz bolghan inqilab qoshunining aldimizdiki éship qalghan yétersiz waqit ichide nurghun qatmu-qat éghir müshküllerni yéngip, ulugh ghayini ishqa ashurush mumkinchiliki yoq. Emma inqilab qoshunining ajizliqini we uning düshmen'ge taqabil turush küchining ghayet zor derijide yétersiz ikenlikini hés qilidighan inqilabchilirimiz nahayiti az.
Ghayimiz, biz menggü adaqqi qoghlishidighan arminimiz, eng eqelliy hayat telipimiz. Ghayisiz yashash bizge eng eqelliy hayat telipidinmu ayrilish dégenliktur.
Ghayidin biz menggü ayrilmaymiz!!!
Shu emeliyet hemmeylen'ge ayan bolsunki: millitimiz xitay tajawuzchilirining ghayet zor herbiy, siyasiy, iqtisadi bésimi we zor kölemlik assimilyatsiyisi sewebidin ölüm aldida jan talishiwatidu!!! millitimizge éship qalghan waqit jiq emes!!! shu éship qalghan waqit ichide burunqi sür'et, burunqi istratégiye boyiche méngiwersek, millitimiz ölüshi mumkin!!! millitimiz assimilyatsiye bolushi, yoqilishi mumkin!!! pütünley yoqalmighan, assimilyatsiye bolmighan teqdirdimu, öz qeddini qayta tiklikidek maghduridin menggü kétishi mumkin!!! démek, inqilab weziyiti, wezipisi we ghayet zor texirsizlik hemmimizni zor teshwishlerge sélishi kérek!!! hemmimiz qattiq krizis tuyghusida bolushimiz zörür!!!
Inqilab yoli ghayet zor japaliq, qilidighan wezipiler, mangidighan yollar intayin uzaq. Nöwettiki inqilab qoshunining ghayet zor wezipilerning höddisidin chiqishi nahayitimu tes. Inqilab qoshunini zoraytishimiz kérek. Inqilab qoshunining küchini burunqidin, hazirqidin nechche hesse, nechche on hesse, nechche yüz hesse, nechche ming hesse, nechche on ming hesse ashurushimiz kérek. Shundaq bolghandila inqilab qoshunimiz ashu büyük arminimizning höddisidin chiqalaydu. Shundaq bolghandila ghayimiz emelge ashidu. Shundaq bolghandila azadliq, hörlük xiyaldin emeliyetke ashalaydu.
Inqilab qoshunimizni qandaq qilip kücheytimiz?
Béziler déyishi mumkin: hemmimiz bir teshkilatqa oyushushimiz kérek, dep. Emma réalliq nuqtisidin élip éytqanda hemmeylenning bir teshkilatqa oyushushi mumkinmu? Nöwettiki eng muhim wezipini közde tutqanda uyghurlarning ichki herbiy, iqtisadi, siyasiy, bilim küch-quwwitini ashurush üchün weten-ichi sirtidiki herqandaq uyghurni seperwerlikke keltürüsh hemmidin muhim. Bularni weten sirtidiki melum bir teshkilatqa tewe qilish aqilanilik emes.
Yene béziler déyishi mumkin: biz uyghurlar zadi oyushqaq emes, dep. Emma bu gep toghrimu?
Ehwalimizgha qaraydighan bolsaq, ghayimiz bir. Tilimiz bir. Dinimiz bir. Peyghembirimiz bir. Perwerdigarimiz bir. Wetinimiz bir. Pezilitimiz herxil, iqtidarimiz herxil.
Undaqta néme seweb bizni uyushturmaydu? Méningche, eng axirida otturigha qoyghan sewebtek, pezilitimiz herxil.
Béziler mewhum dunyada milletke paydiliq ishlarni ün-tinsiz élip baralaydiken, héchqandaq shan-shöhret talashmay élip baralaydiken, milletning küchini ashurush üchün bir-birini qilche bilishmey, ton kiygüzüshmey, chawak chélishmay ortaq küchke aylinalaydiken. Emma némishqa béziler réal dunyada millet üchün paydiliq ishlarni köplep qilalmaydu? Milletning herbiy, iqtisad, siyasiy, bilim küch-quwwitini ashurushqa tüzük küchiyelmeydu? He désila bir-birini nishan'gha élishidu.
Seweb yenila, pezilette, iqtidarda.
Inqilab qoshunidiki yol bashchilarning, inqilabchilarning pezilet we iqtidarigha bolghan telep bashqa herqandaq kishige qoyulghan teleptinmu yuqiri bolushi kérek.
Yol bashchi beeyni bir séhirlik magnit. U ortaq ghayidiki nechche ming ademni öz peziliti bilen özige ixtiyarsiz ram qilghuchi.
Yol bashchi beeyni bir bulaq. U nechche onming inqilabchining ghayet zor bilim teshnaliqi, meniwi teshnaliqini ün-tinsiz qandurghuchidur.
Yol bashchi beeyni bir gigant palwan. U öz eqil-parasiti bilen özige egeshken herbir inqilabchini, xelqini düshmenning orunsiz zereridin saqlighuchi.
Yol bashchi insaniyettiki barliq güzel peziletlerni özige mujessem qilghuchiki, uningdin hettaki düshmenlermu eyminidu. Xelq uninggha mejburluqtin emes belki ichki héssiyatidin qayil bolidu.
Yol bashchi beeyni bir muhebbet buliqi, uningdin on nechche ming inqilabchilarla emes, belki nechche milyon xelq ün-tinsiz méhir-muhebbet, söygü élip qelbini yashartidu. Ortaq ghayidiki hemme insanni öz söygüsi arqiliq bir nishan'gha ekileleydu.
Yol bashchi inqilabchilar ichidiki eng küchlük iqtidar igisiki, uninggha hemme inqilabchilar, xelq chin dilidin qayil bolidu. Öz teqdirini, öz hayatini yol bashchining sépige atiyalaydu. Düshmenlerni kukum-talqan qilalaydu.
Yol bashchi beeyni cholpan yultuzki, uninggha egeshken xelq nishan'gha üzlüksiz yéqinlaydu. Nishanni adashturup qoyushtin, yolni adashturup qoyushtin alaqzade bolmaydu. Ümidlik qedemler bilen qorqmay algha basidu. Nishan'gha yéqinlashqanliqini körgenséri qelbidiki ishench yalqunliri téximu yalqunjaydu. Yol izdep pitirap ketkenler, ortaq yolgha üzlüksiz toplinidu.
Yol bashchi xelq ichidiki eng küchlük wijdan igisidurki, uning öz wijdanigha qoyghan telipi xuddi peyghemberler bilen tenglishelishi kérek.
Yol bashchi öz inqilabchiliri, öz xelqining zerer tartqanliqini, zulum tartqanliqini körgende yürikide yum-yum yighlighuchidur.
Yol bashchi özige telepni her jehettin eng qattiq qoyghuchidur.
Yol bashchiliq hergizmu shöhret emes. Emel emes. Abruy emes. U bir mes'uliyet.
Yol bashchi peqet we peqet teqdirini özige tapshurghan xelqkila jawabkar.
Yol bashchining shan-sheripi peqet we peqet xelqning küch-qudritining éshishidur.
Yol bashchining inawiti peqet we peqet inqilab qoshunining küch-quwwitining zoriyishidur.
Yol bashchining üstidiki mes'uliyetning wezni eng éghir bolghinidek inqilabchilarningmu üstidiki mes'uliyiti eng éghirdur. Öz mes'uliyitini tonumaydighan inqilabchi inqilapchiliq salahiyitige uyghun emes.
Inqilabchilar qoshunidiki inqilabchilarning öz-özige bolghan telipi qanche ashqanséri inqilabchilar qoshunining küch-quwwitimu üzlüksiz éship mangidu. Inqilabchilar qoshunining küch-quwwitini qanchilik derijide ashurush inqilabni qanchilik sewiyide élip bérishqa munasiwetlik nahayiti muhim mesile. Shunglashqa inqilabchilarning pezilet we iqtidar ötkilini ching tutush inqilabimizdiki eng muhim ötkeldur.
Birinchi, inqilabchilarda hazirlashqa tégishlik peziletler:
1. El-weten'ge paydiliq, uyghurlarning herbiy, iqtisadi, siyasiy, ijtima’iy halitini yaxshilashqa paydiliq herqandaq ishtin bash tartmasliq. El-weten'ge ziyan keltüridighan herqandaq ishlarda bolmasliq.
Bolupmu hazirqidek el-weten eng xeterlik ehwal astida, herqandaq seweb, bahane bilen el weten'ge paydiliq ishlarni, uyghurlarning herbiy, iqtisadi, siyasiy, ijtima’iy küch-quwwitini ashurushni shertsiz qollash we uninggha bir kishilik hesse qoshush eng eqelliy uyghurluq pezilet telipidur.
2. Islami perzler we uyghurlarning paydiliq qaide-yosunlirigha ilaj bar riaye qilish.
Xitayning 60 nechche yillardin béri dinsizlashturush siyasiti we islamdiki nurghun bid'et pikirler sewebidin nurghun kishilerning islami ilimlerge bolghan chüshenchisi taza yaxshi bolmaydighanliqi éniq. Emma ashu islami ilimlerdin eqelliy xewerdar bolush, özimizning paydiliq örp-adetlirimizni bilish we uninggha riaye qilishmu oxshashla muhim pezilet telipidur.
3. Islam dinigha, uyghurlarning toghra bolghan exlaq-mizanlirigha hörmetsizlik qilidighan herqandaq ish-heriket, söz-qiliqlarni qilmasliq.
Bir kishi herqanche iqtidarliq bolup ketsimu, mubada u kishi ejdadlirimiz we bizning tewerrüklirimizni depsende qilish ish-heriket, sözliride bolsa, ishinimizki u kishidin hemme adem yirginidu. U kishidin hemme adem qachidu. Shunglashqa herqandaq inqilabchi bu nuqtini éside mehkem tütishi kérek.
4. Özining xatalishish mumkinchilikini herqachan éside ching tutush.
Adem ishlarning hemmisidila daim toghra bolup bolalmaydu. Elwette özige ishinish kérek. Emma özümge ishendim, dep özining xatalishish mumkinchilikini, özige daim diagnoz qoyushining zörürlükini isidin chiqirip qoymasliq.
5. Bashqilarning herqandaq pikir-teleplirini toluq tingshash. We pikirlirige qarita toghra bolsa qobul qilish, muwapiq bolmisa chüshenche bérish. Emma u kishining pikrige toluq hörmet qilish, özige pikir bergen ademni téximu bek izzetlesh, hörmetlesh.
Biz üchün eng söyümlük, eng muhim, eng hörmetlik ademler esli bizge teklip-pikir bergüchilerdur. Biz üchün eynek bolghuchilardur.
Mubada eynek bolghuchilargha biz zerbe bérip, eynekni chéqiwetsek, "padishahning kiyimi" dégen chöchektiki yalingach, exmeq, shöhretperes, nadan padishah bolup qalmamduq.
Oxshimighan teklip-pikirlerning bolushi bir adem üchün, bir teshkilat üchün, bir jem'iyet üchün intayin muhim. Nahayitimu muhim.
6. Bashqilarning ish-herikiti, sözliri toghrisidila pikir bayan qilish, hergizmu u kishining étiqadi, ghururi, kishilik izzitige hujum qilmasliq.
Adem hergiz mukemmel bolup bolalmaydu. Herxil seweblerdin u kishining ish-heriket, sözliride biz namuwapiq, dep qarighan tereplerning bölishi tebiiy. Mubada biz pikir bérishni zörür, dep qarighan waqtimizda peqet shu kishining biz namuwapiq, dep qarighan ish-heriket, sözlirigila pikir bérish. U kishining burunqi qilghan paydiliq ishlirining hemmisini bir tayaqtila yoqqa chiqirip, u kishining izzitige hujum qilmasliqimiz kérek.
7. Özining meyli qesten yaki uqmasliqtin xata qilghanliqini, sewenlik ötküzgenlikini hés qilghan haman meyli qandaq sharait, qandaq seweb bölishidin qet'iynezer kechürüm sorash we tüzitish.
Adem herxil seweblerdin sewenlik, xataliqlarni sadir qilishtin saqlinalmaydu. Emma biz yüzüm chüshüp kétidu, dep bu sewenlik, xataliqlarni sadir qilghanliqimizdin kechürüm sorash, epu sorashtin bash-tartsaq. Bizning zalim xitay jallatliridin, mustebitlerdin qanchilik perqimiz qalidu?
Künni beribir étekte tosqili bolamdu? Kishi sizning qilghan xata ishingizni, sewenlikingizni ejeba bilmey qalamdu?
Mubada siz özingizning qilghan xata ishingizni étirap qilsingiz, kechürüm sorisingiz we tüzetsingiz, bashqilar aldidiki inawitingiz téximu bek ashmamdu. Bashqilarning sizge bolghan hörmiti, muhebbiti téximu bek kücheymemdu?
8. Bashqilargha pakitsiz, asassiz töhmet chaplimasliq, qarilimasliq, guman qilmasliq.
Bezi waqitlarda ademni heqiqeten guman'gha salidighan ishlar yüz bérip turidu. Mubada siz bu gumanni köpchilik bilen yüz körüshtürimen, désingiz tamamen bolidu.
Özingizning néme sewebtin, qandaq sharaitlarda, qandaq chaghlarda özingizning melum kishi, melum teshkilat, melum ish toghriliq shübhilinip qalghanliqingizning sewebini otturigha qoysingiz bolidu. Yéterlik pakit bolsa, pakit bilen otturigha qoysingiz, pakit bolmisa yéterlik perez bilen otturigha qoysingiz bolidu.
Lékin gumanxorluq bilen asassiz, pakitsiz perezlerge tayinip qarshi terepke hujum qilsingiz, eksiche özingizni ongaysiz haletke chüshürüp qoyisiz.
Qisturup ötüshke tégishlik ish shuki, yéqinda melum tor bétide "wetinim.org munbiridikilerge" dégen témida hujum qilish ishi bolup ötti. U kishi öz maqaliside tüzük bir asasi yoqla wetinim.org munbiridikilerge haqaret qildi. Wetinim munbirining arqa körünüshi gumanliq, dégen shübhilirini otturigha qoydi.
Bundaq shübhilerning bölishi, intayin normal ish. Lékin haqaret derijisige kötürülüshi we qilchilik pakit, asas, ilmi perezlerning otturigha qoyulmasliqi shu kishining öz-özini reswa qilghanliqi bilen barawer boldi.
Shundaqtimu köpchilikning wetinim munbiri toghrisidiki shübhiliri orunsiz bolup qalmisun, dep "wetinim munbirining arqa körünüshi" namliq maqalida bir qatar ilmi perezler we deliller arqiliq shübhe keltürüsh üchün zörür bolidighan asaslarni otturigha qoyduq. Shundaqla ilmi pakitlar arqiliq bu asaslarning biriningmu put-tirep turalmaydighanliqini köpchilikke ashkara qilduq. Haqaret qilmiduq. Mubada haqaret qilghan bolsaq ishinimizki, gerche gépimiz toghra bolsimu, bizning ashu kishilerdin pezilet jehette perqimiz qalmighan bolatti.
9. Herqandaq kishi bilen herqandaq chaghda haqaretleshmeslik.
Haqaret herqachan herqandaq milletning exlaq-mizanida qarshi élinmaydu. Haqaret qilghuchi meyli uning gépi orunluq-orunsiz bölishidin qet'iynezer, özining sapasining töwenlikini ashkarilap qoyidu. Özining adimi terbiyilinishining neqeder pucheklikini ashkarilap qoyidu.
Kishini heyran qalduridighan ish, chet'ellerdiki ortaq ghayide biz, dep yürgen kishilerning, hetta bu kishilerning bezibir lidérlarnimu öz ichige élip öz-ara mesxire, haqaret hujumigha ötüshi. Bizning 60 yilliq inqilabimizning néme üchün téxi bir pirsentichilik ishi qilinmighanliqining sewebini melum derijide chüshendürse kérek.
10. Herqachan shöhret, abruy temeside bolmasliq.
Ademdiki shöhret, abruy sirtqi zinnet emes. Adem shöhret, abruy temeside bolghanséri shöhret, abruy shu kishidin yiraqlishidu. Bu bir emeliyet.
Biz burunla éytip ötkünimizdek, biz peqet we peqet allah we xelq aldidila jawabkarmiz. Héchqandaq dölet, héchqandaq teshkilat, héchqandaq nam-ataq bizning allah we xelq aldidiki jawabkarliqimizgha ara turalmaydu.
11. Bashqilargha herqachan teshebbuskarliq bilen yardemde bolush.
Bashqilarning turmush, xizmet, öginish... Nurghun éhtiyajlirigha teshebbuskarliq bilen yardemde bolush. Ulargha köyünüsh, ularning emeliy mesililerni hel qilishigha bir kishilik yardem qilish.
12. Herqachan bilim öginishtin, öz-özini tekshürüp turushtin bash-tartmasliq. Bashqilar teripidin kelgen tégishlik tekshürüsh, nazarettin hergiz bash tartmasliq.
Adem bilim arqiliq özini kamalet tapquzidu. Ishlirini ronaq tapquzidu. Öz-özini tekshürüsh arqiliq özini mukemmelleshtüridu. Téximu bek algha siljiydu. Mubada bulardin ayrilghan ademni qandaq tesewwur qilish mumkin? U kishiler bizning inqilab aldidiki, xelq aldidiki, allah aldidiki mes'uliyet, burchlirining höddisidin qandaq chiqidu?

Yuqiriqilar inqilab qoshunimizdiki inqilabchilargha qoyulghan eng eqelliy exlaq-pezilet telepliri bolup, bulargha el-weten dep atlan'ghan herqandaq adem choqum emel qilishi zörür. Kimiki bu ishlargha sel qaraydiken u kishining inqilabimizgha keltüridighan ziyanlirimu nahayiti jiq bolidu. Meyli u kishi qandaq salahiyette bolsun, u chaghda biz u kishining niyet-iqbalidin shübhilinishke, gumanlinishqa heqliqmiz we zörür pakitlar arqiliq u kishini inqilab qoshunimizdin tazilashqa heriket qilimiz.
Inqilab qoshunidiki herbir inqilabchi yuqiriqi 12 telepke hergiz sel qarimighay. Özini mushu 12 ölchemge taza bir qoyup, diagnoz qoyup baqqay.
Jem'iyette peziletsiz ademlerning jiqliqi hemmimizge ayan. Lékin bu peziletsiz kishilerning inqilabchi qiyapitige kiriwélip, inqilab qoshunimizni chiritishi, parchilishi milliy inqilabimiz we xelqmiz üchün qilin'ghan eng chong asiyliq. Yuqiriqi ölchemning herbiri intayin qattiq ölchem. Hemmisi intayin muhim. Yuqiriqi ölchemning xalighan birige riaye qilmasliq, shu kishining pezilitining durus emeslikini bildürüpla qalmastin belki u kishining niyitining durus emeslikinimu bildüridu. Herqandaq inqilabchi bu teleplerni éside menggü tutqay.
Bir ademning xitaygha qarshi turushi yaki xitay türmiside herxil sewebler bilen yétishi, hergiz u kishining niyitini, pezilitini bahalashtiki ölchem bolalmaydu. Qet'iy bolalmaydu.
Borhan shehidi shing shisey türmiside yatqan. Kéyin némilerni qildi?
Yuqirida biz bir inqilabchida bolushqa tégishlik hemme pezilet ölchemlirini bayan qilduq. Bularning hemmisi bir inqilabchida choqum bolushqa tégishlik ish.
Töwende biz inqilabchilarda bolushqa tégishlik iqtidar telipinimu otturigha qoyimiz. Töwendikilerdin hazirche xalighan birini hazirlighan bolsimu bolidu. Yaki hemmisi bolsa téxi yaxshi.
Ikkinchi, inqilabchilarda hazirlashqa tégishlik iqtidar telepliri:
Gerche dunyadiki hemme bilimlerning özige xas ishlitilishi bolsimu, emma biz nöwettiki ghayimiz, réalliqimiz, éhtiyajimiz tüpeylidin, inqilabchilargha bolghan bilim telipinimu töwendikidek bayan qilimiz.
1. Herbiy bilimler.
Buningda (1) herbiy istratégiye. (2) Eskerlik. (3) Urush qilish. (4) Jasusluq. (5) Herbiy axbarat igilesh. (7) Herxil qoral yaraqlarni ishlitish. (8) Herxil qoral-yaraqlarni yasash. Qatarliq bilimlerni körsitidighan bolup. Bu nöwette xelqimiz eng éhtiyajliq bilimlerdur.
2. Karxana, iqtisad bilimliri.
Buningda (1) karxana qurush we bashqurush. (2) Maliye we iqtisad bashqurush. (3) Xelq'ara pul-muamile. (4) Qanunluq pul tépishish usul-chariliri. (5) Meblegh sélish tür uchurliri. ... Qatarliq bilimlerni körsitidighan bolup, xelqimiz üchün yene bir eng muhim bolghan bilimlerni körsitidu.
3. Siyasiy, qanun bilimliri.
Buningda (1) xelq'ara siyasiy, herbiy istratégiye. (2) Xelq'ara qanunlar. (3) Xelq'ara siyasiy teshkilatlar. (4) Diplomatiye. (5) Teshkilat, döletchilik bilimliri, (6) uyghur siyasiy tarixi ... Qatarliqlarni körsitidighan bolup, bu bilimler bizning nöwettiki inqilabimiz üchün intayin paydiliq.
4. Kompyutér bilimliri.
Buningda (1) tor, uchur alaqe. (2) Yumshaq détal tüzüsh.(3) Xakkérliq. (4) Wirus. ... Qatarliq bilimlerni körsitidighan bolup, bular bizning inqilab jeryanidiki herqaysi xizmetlerning ish ünümini, sür'itini, hejmini kücheytishte intayin zor rol oynaydu.
5. In’gliz tili.
Gerche dunyadiki bashqa tillarni öginish, bilish biz üchün ziyanliq bolmisimu, emma nöwettiki inqilabning eng zörür, eng éhtiyajliq bilim, uchurlirining kélish menbesini közde tutqanda in’gliz tili nöwettiki weziyette biz üchün bashqa herqandaq tillardin öte muhim.
Ghayimizni ishqa ashurush üchün, ghayimizni ishqa ashurushqa eng zörür bolidighan bilimlerni öginish biz üchün eng paydiliq. Bashqa bilimler weten azad bolup bolghandin kéyin paydiliq bolsimu, emma nöwettiki küreshning, inqilabning jiddiy éhtiyajini közde tutqanda bu besh bilim bashqa herqandaq bilimdin üstün turidu.
Bu nuqta herbir el-wetenning ghémini qiliwatqan kishilerge ayding bolsunki. Bizning körüshimiz yuqiriqi besh bilimler arqiliq yene bir baldaq yuqiri örleydu. Mubada biz bu bilimlerni tézlikte öginiwélishqa heriket qilmisaq, inqilabimiz mahiyetlik algha ilgiriliyelmeydu.
Edebiyat tetqiqati, bashqa tebi’iy penler tetqiqati, sen'et... Wehakazalar biz üchün muhim bolsimu, nöwettiki inqilabimiz, xelqning hörlük körüshi yuqiriqi besh bilimdin bashqa bilimlerge anche éhtiyaj emes. Qalghan bilimler xelqimiz toluq hör-azad bolup bolghandin kéyin esqatidighan bilimlerdur.
Bashqa bilimlerni bilidighan ixtisas igilirini biz xalighan waqitta herqandaq dölet, herqandaq millettin teklip qilalaymiz. Emma bu besh türlük bilimlerni bilidighan, biz üchün héqiqi ishleydighan ademlerni özimizdin bashqa ademlerdin menggü tapalmaymiz!!!
Islammu, démokratiyimu, amérikimu, türkiyimu deydighan bash-axiri yoq talash-tartishlar ayaghliship, milliy inqilab birliksep tüzülüshi kérek!!! awwal wetenni xitaydin, xelqni zulumdin qutquzush hemmimizning eng muqeddes wezipimiz!!!
Milliy inqilab birliksépi 12 türlük pezilet ölchimining hemmisini özide mujessem qilghan, yuqiriqi besh türlük bilimlerning eng kémide biride wayigha yetken héqiqi ismi-jismigha layiq layaqetlik inqilabchilargha mohtaj!!!

Unregistered
21-08-09, 23:10
Ajayip yahshi yezipsiz....oquwetip oylap kettim, mushuncilik oyni oylap yazalighan insanda, shu hisletlerning qanciliki bardu? dep

Unregistered
21-08-09, 23:17
Ajayip yahshi yezipsiz....oquwetip oylap kettim, mushuncilik oyni oylap yazalighan insanda, shu hisletlerning qanciliki bardu? depye
bundak adamde bu ahlak ketti yok, yeziwatkan nersisiga karapla kot kot bir nima dep karayman

Unregistered
22-08-09, 02:47
kim chaplighanni korep olturup kotuldishiwatamsen? hoy kotkotlar, maqalini oqushe, xeqqe baha qoymay. buni yazghan ademde her halda senlerdin kop ashu seni heyran qaldurghan xislet.

Unregistered
22-08-09, 04:40
bir obdan yezilgan makalining menisini qushanmay , yazguqiga baha beriship ketiptu bu hiyal paraslar . yukarki yezilganlar atrapimizdiki shundak rial narsilar, men shahsan yukarki yazganni ozamga olqam kiliman, aldi bilan her bir uygur ozimizning idilogiyasini tazilishimiz kirak, meyli rehbar bolush , bolmasliktin kati nazar , aldi bilan ozimizning rohiyitimizni saplayli!!

ramazininglarga mubarak bolsun!!!!!!!!!!!

Unregistered
22-08-09, 05:52
Memtimin Hezret ependi,
Menmu sizni yukurdiki kirindiximdek taza quxunuxke tirixsammu quxinelmigen birsimen. buningdin mini kara kosak birsi ohxaydu dep oylap kalmang. men ademning kelimige emes xu ademning kiliwatkan ixlirigha karap baha birdighan, yazmilargha asan ixinip ketmeydighan, oguzge qikiwilip ixttin korkmaydighan texwikatka aldanmaydighan birsimen.gerqe wetendiki sizning hayajanlik yazmingizdin {Buni ozingiz dep otupsiz} tormuzlinip, oylax, oylinix, tepekkur kilixini yokutup hayajanlik inkilapta ozining yaxlik hayatini kayip etken kirindaxlirimgha yaki iqinix yaki pehirlinix tuyghusida ganggirap kiliwatkan bolsammu. men sizning kehrimanlighizni anglighan waktimda, sizni quxinix uqun sizning hayatingizdiki kiqikkine turmux kurunuxlirige isiliwaldim. ozingizgimu melumdek bezide turmuxingizdiki kiqikine ixlar sizning kandaklighingizni asanla yorutup bireletti. xu wakitlarda sizge egexken uyghur yaxliri tagh dawanlarda, aq-kosak, dom yitip dum kopop inkilap kiliwatkan, ozining hayati bedilige millet, weten dep otturgha qikip sizge egexken xu dewrde, men sizni ajayip bizelgen isil oylerde yaxawatkiningizni ,hetta bir kaqa-kumuq tizidighan ixkabingizning 10ming dollarlik bahada ikenlikini, oghlingizning alahide mektepte terbiyiliniwatkanlighini anglidim.{sizge egexken xu balilarmu oghlingizdek, yax balilar idi}. Anqe uzun otmey sizge egexken bir kirindiximizning olup ketkenligini, uning ayalining, ballirining bolsa bikixsiz kalghanliktin qarisiz halda almotodiki bir kazak ademge ikkinqi hotunlukka teggenlikini anglighan waktimda, 10ming dollarlik ixkabingiz koz aldimgha kiliwaldi. eger muxu ixlar ras bolsa sizge karghularqe ixinip ozini kurban kilghan uyghurlirimgha qongkur hisdaxlikimni bildurmen. likin baxkilarni yiteklep mangghan sizdek ademning bu hildiki adem bolmaslighini tolimu arzu kilimen. qunki bumu uyghur uqun bir hil ighir yokutux. esli bundak uxxak ixlarni yizixni halimayttim. likin texwikatliringiz alkixlargha irixiwatkan hazirki minutlarda, yenila bihude qong yokitixning bolixini halimaymen.
Men sizdek depdepilik sozlerni, hayajan jumlilerni ixlitixni yahxi kormeymen, qunki hekiki rial turmux bizning kallimizdiki romantik turmuxdin tupdin perklinidu. Depdepilik sozler, hayajanlik jumliler nahayiti asanla baxkilarning pikir kilix, oylinix iktidarini tormuzlap koyidu.

Sizge, oghlingizgha amanlik tileymen. sizge egixip ozining yaxlik hayatini kayip etken barlik kirindaxlirimgha hisdaxlighimni bildurmen.

Aman bolung!