PDA

View Full Version : RFA xewiri



Saadet Partiyesi
11-08-09, 06:06
Saadet partiyisi xitay konsulxanisining xétige reddiye berdi
Muxbirimiz arislan
2009-08-07
Türkiyining waqit géziti idarisi xitayning istanbulda turushluq konsulxanisi teripidin bir parche xet tapshuruwalghan bolup, u xette, waqit géziti anti chin yeni xitaygha qarshi axbarat tarqitish bilen eyiblengen, u xette yene, türkiyining saadet partiyisini eyiblep xitaygha qarshi qanunsiz yighin uyushturdi dep tenqid qilghan.


RFA Photo / Arslan

Sürette, saadet partiyisi istanbul shöbisining muawin bashliqi we tashqi ishlar mesuli mustafa kaya ependi.


Waqit géziti xitay konsulxanisining yazghan xétini 7 ‏ - Ayning 26 ‏ - Künidiki sanida élan qilghan idi.
Saadet partiyisi yéqinda saadet partiyisining enqerediki merkizide axbarat élan qilish yighini échip, xitay konsulxanisining xétige reddiye bérip bayanat élan qildi.

Saadet partiyisi sherqiy türkistanda boluwatqan zulumgha qarshiliq körsitish meqsitide, chaghliyan meydanida ötküzülgen we minglarche kishi ishtirak qilghan yighingha alaqidar, xitayning " kélish menbesi éniq bolmighan bir türküm partiye we teshkilatlar xitaygha qarshi qanunsiz yighin uyushturdi " dep ipadiligen xétige qattiq étiraz bildürüp reddiye qayturdi we xitay elchilirining xata sözligenlikini, bilimsizlikini we siyasiy sewiyisining töwenlikini otturigha qoyghanliqini bildürdi.

Saadet partiyisi tashqi ishlar muawin bashliqi doktur oya aqgünench axbarat élan qilish yighini échip, 12 ‏ - Iyulda türkiye xelqining iradisini otturigha qoyghan chaghliyan meydanida échilghan yighinni saadet partiyisining uyushturghanliqini we xelq ammisining her qaysi sahelerdin nurghun kishining qatnashqanliqini, resmiy qatnishishni telep qilip kelgen her türlük siyaset, pen ‏ - Maarip saheliridiki ijtimaiy teshkilatlardin 250 teshkilat we jemiyetler, tenterbiye guruppiliri, ishchi‏ - Xizmetchiler uyushmisi, ijtimaiy teshkilatlar bolup nurghun teshkilat qollap ‏ - Quwwetligenlikini, chaghliyan meydanidiki 'sherqiy türkistan' yighini türk xelqining ghezeplik hés tuyghusi, qayghusi shundaqla zalimgha körsetken qarshiliqi we zulumni toxtitish chaqiriqi ikenlikini bildürdi.

Biz bu heqte téximu köp melumatqa érishish üchün saadet partiyisi istanbul shöbisining muawin bashliqi we tashqi ishlar mesuli mustafa kaya ependi bilen söhbet élip barduq.

Soal: hörmetlik reis ependim, xitayning enqere we istanbulda turushluq elchisining saadet partiyisining 12 ‏ - Iyul küni chaghliyan meydanida ötküzgen sherqiy türkistan yighini heqqide " kélip chiqish menbesi éniq bolmighan bir türküm siyasi partiye we teshkilatlar xitaygha qarshi qanunsiz yighin uyushturdi " dégen bayanatigha nisbeten siz qandaq qaraysiz?

-- Heqiqeten her zaman bizning qelbimizning chongqur qatlamlirida zulum we iskenje tartiwatqan sherqiy türkistanliq qérindashlirimiz bar. Saadet partiyisi bolsun yaki milliy küresh teshkilati bolsun biz bir qérindash, biz siyasiy partiyide xizmet qilish üchün, ijtimaiy turmushta xizmet qilish üchün teyyar. U yerdiki qérindashlirimizgha yardem qilish üchün tirishiwatimiz, biz sherqiy türkistangha alahide qarash bilen birge, zulumni toxtat déyish chaqriqida chaghliyan meydanida sherqiy türkistan yighini achtuq. Bu yighinning ikki meqsiti bolup, birinchisi, sherqiy türkistanda zulum barliqini dunyagha anglitish, dunya jamaitining diqqitini sherqiy türkistangha qaritish, sherqiy türkistanda zulum boluwatqanliqini, dunyaning sherqiy türksitangha qulaq salmaywatqanliqini, dunyagha heq ‏ - Hoquq, adalet héchbir sheyini közge ilmay, basturush, shiddet, qattiq qolluq we öltürüsh rehimsizlik bilen emeliyleshtürülüwatqan bir rayonning barliqini bildürüsh idi . Shu sewebtin xitay elchisi" kélish menbesi éniq bolmighan partiye we teshkilatlar qanunsiz yighin uyushturdi " dep ipadilep u yighinni qollap ‏ - Quwwetligen teshkilat we organlarni nishangha aldi. Xitayning istanbuldiki konsuli siyasiy sahede bilimsizlikini yeni saadet partiyisining kélip chiqish menbesini bilmigüdek derijide siyasiy bilimi yoqluqini ashkarilidi. Eger 100 kishidin sorisingiz, saadet partiyisi türkiyining eng chongqur yiltiz tartqan siyasiy partiyilerdin biri ikenlikini her kim bilidu. Mustafa kaya ependi xitay konsulxanisigha xitap qilip mundaq dédi: sen bu xildiki yighinni, bu xildiki heq telep qilish kürishini, bu namayishni, zulumni toxtat déyish shuarini qanunsiz depsen, bu yighin pütkül iltimas we telepler sunulup istanbul waliyiliqidin merkizi saqchi idarisining wasitisi bilen ruxset élinghan bir yighin. Qanunsiz déyish xitayning sherqiy türkistanda yürgüzüwatqan zulumlirini yoshurush üchün oynawatqan oyunlar.

Hörmetlik mustafa kaya ependim. Siler saadet partiysi namida xitaygha biwaste reddiye bérip resmiy bir xet yazdinglarmu?

-- Elwette biz uninggha jawab bérip shundaq déduq: siler bizning élip barghan sherqiy türkistan yighinimizni, qelbimizning sherqiy türkistandiki qérindashlirimiz bilen birge soqushini ipadilep élip bériwatqan küreshlirimizni, bu birlik sépimizni bozalmaysiler. Bizning ular bilen bolghan munasiwitimizni ajizlashturalmaysiler. Biz buni enqerediki merkizimizde axbarat élan qilish yighini uyushturup resmiy shekilde élan qilduq. Ular néme dise désun, bizning köz qarishimiz özgermeydu. Sherqiy türkistan mesilisi bizning mesilimiz. Sherqiy türkistanda zulum tügigenge qeder biz üstimizdiki qilishqa tégishlik wezipimizni toxtatmaymiz. Xitayning herbiy küchi, iqtisadi küchi qanchilik bolushtin qetiynezer, bu zulumni tügitish üchün saadet partiyisi, türkiye xelqi qarshiliq bildüridu. Belki pütkül dunya musulmanliri oxshash qarshiliq bildürüshi lazim we bu zulumni toxtitish üchün, xitayni iqtisadi, siyasi we ijtimaiy sahelerde chember ichige élish lazim.

Sherqiy türkistan mesiliside 5 yilning aldidikige qarighanda téximu köp ilgirilesh boldi. Téximu köp insanlar sherqiy türkistan mesilisige qulaq sélishqa bashlidi.

Yuqiridiki awaz ulinishidin, bu heqtiki melumatimizning tepsilatini anglaysiler.

Unregistered
11-08-09, 11:15
Turkiye digen Uyghurlargha uni-buni dep kuchep koyup,bu ketim hitaydin yadro energiye bilen bashkuruldighan su asti herbi parahotni setiwelish teyyarlighida.jinning kesti shaptulda digendek,uzun yillardin beri bu turkiye doliti uyghurlarning dolet,millet menpeetini hitaygha kozur kilip kelgen.hitaydin kurukluktin hawagha,kurukliktin kuruklikka,sudin hawagha katarlik rakita bombilirini hem erzan ok-dora,miltik-pilimotlarni setiwalghan.

Unregistered
11-08-09, 14:27
Turkiye digen Uyghurlargha uni-buni dep kuchep koyup,bu ketim hitaydin yadro energiye bilen bashkuruldighan su asti herbi parahotni setiwelish teyyarlighida.jinning kesti shaptulda digendek,uzun yillardin beri bu turkiye doliti uyghurlarning dolet,millet menpeetini hitaygha kozur kilip kelgen.hitaydin kurukluktin hawagha,kurukliktin kuruklikka,sudin hawagha katarlik rakita bombilirini hem erzan ok-dora,miltik-pilimotlarni setiwalghan.

Uyghur toghurluq nachar muamilide bolsa texi tillaysiz. yaxshi muamilide bolsa texi. sizche qandaq qilip berse bolatti!