PDA

View Full Version : biz neme qilishimiz kerek?



RFA xewiri
11-08-09, 05:41
Chetel elchixana xadimliri ürümchige teklip qilindi

Muxbirimiz jüme
2009-08-10

"5 - Iyul ürümchi weqesi" qanliq basturulup bir aydin kéyin, yerlik xitay hökümiti xitayda turushluq bir qisim chetel elchixana xadimlirini uyghur élide ziyarette bolushqa teklip qilghan bolup, shinxua agéntliqining xewer qilishiche, bular uyghur élide 5 kün ziyarette bolidiken.


Xewerde körsitilishiche, uyghur élini ziyaret qilishqa xitayda turushluq 26 döletning elchixana xadimliri teklip qilinghan.

Ziyaret söhbet sheklide élip bérilidighan bolup, ziyaretchiler shu arqiliq uyghur élining tereqqiyat ehwali, xitayning uyghur élige qaratqan diniy siyasiti qatarliqlar bilen tonushup chiqidiken.

Uyghur élige kélidighan elchixana ziyaret ömikige, amérika, yawropa ittipaqi, norwégiye we shwétsiye qatarliq ellerdin bashqa yene, türkiye, seudi erebistan, ereb birleshme xelipiliki, pakistan, malayshiya we qirghizistan qatarliq musulman elliri we bir qisim afriqa elliri elchixanilirimu xadim ewetken.

Halbuki xewerde, bu chetel elchixana xadimlirining ürümchide söhbet sheklide uyghur élining ehwali bilen tonushqandin sirt, musteqil tekshürüsh élip baridighanliqi yaki barmaydighanliqi heqqide tesiliy melumat bérilmigen.

5 - Iyul ürümchi namayish basturulup, köpligen uyghur yashliri tutup kétilgendin kéyin, chetellerde paaliyet élip bériwatqan uyghur teshkilatliri, xelqara jemiyetning ürümchide musteqil tekshürüsh élip bérishi kéreklikini telep qilghan idi.