PDA

View Full Version : Ilham tohti qan dewasi qilghan.



uni unuttuqma?
10-08-09, 05:56
6.26 qanliq keche kimni oygha salmaydu

Ilham tohti


6-ayning 26-küni yuz bergen qanliq weqe, youtobe arqiliq neq meydanda yuz bergen weqening mahiyitini bizge ashkarilidi. Men bu weqeni "uyghur bilen xenzular ottursidiki sürkilish" diyishke qilche tilim barmaydu, men bu weqeni 1949-yilidin béri jonggoda yüz bergen bir qétimliq milli öchmenlik xaraktérini alghan eng éghir "irqi qatilliq" dep atashni muwapiq kördum. Shawgüenlkler éniq qilip éytqanda shawgüenlkler bir qisim xenzular uyghurlargha nisbeten jinayet ötküzdi.

bu qanliq weqe meni qattiq azabqa qoydi. Körünüshte yer uyghurlarning qéni bilen boyaldi,sansizlighan radikal xenzu lar uyghurlarni qoghlap turup uruwatidu, éghir tayaqtin yerge yiqilip midirlash küchimu qalmighan uyghurlarmu wehshilerche kaltekliniwatidu, yene beziler kaltek bilen qebih urulushidin hoshini bilmey yerde yatqan qérindashlirimni "bu shinjangliq téxiche ölmeptu...", "anangni sikey! Bu terepte adem kop téximu qattiq uruwatimiz" dewatqanliqini anglaysiz.ular hetta yash uyghur qizinimu qoghlap urdi! Adem qélipidin chiqqan bu haywanlar, ular teripidin qattiq zexmilendürülüp hoshsizlan'ghan ademni urushqa qandaq qoli bériwatqanda? ! Ular hetta uyghurlarni urup éghir zexmilendürgenligidin, hetta öltürgenlikidin hayajanlinip xoshal boluwatidu.

körünüshte saqchilar, zawut qarawulliri uyghurlarning jesitini qutquzush mashinisigha éliwatidu...... Shawgüenlkler torda hayajanlinip 6-ayning 22- küni kech saet 10 din bashlap ettigen 6 giche uyghurlarni izdep, qoghlap qattiq urghanlighini ....bu ariliqta 20 zorawanliqqa qarshi saqchi mashinisi, 30 tin artuq saqchi mashinisining kelgenliki lékin ularning qarapla turghanliqini , burun bundaq jim turidighan yawash saqchi bar dep oylapmu baqmighanliqini yazdi,.... Ular yene zawut yataq rayonidiki 100 din artuq taziliq ishchisining ikkinchi küni 2 saettin artuq waqit serp qilip yerdiki qanlarni aran tazilap bolghanlighi yazdi.

Bu xil weqe shinjangda bolghan bolsa qandaq bolghan bolatti? Eger shinjangda tümen'ge yéqin uyghurlar bir nechche yuz xenzuni urghan bolsa qandaq bolar idi? Tümen'ge yéqin uyghur emes ,birnechche onla uyghur yighilip namayish qilghan bolsa yaki naraziliq paaliyiti élip barghan bolsa toluq qorallan'ghan herbiylerni ishqa salghan bolatti. Yene nurghunlighan bu weqege qatnashqan hetta qatnashmighan tughqanlar, dost buraderler tutqun qilinip türmige tashlan'ghan bolatti, yene bir qisim uyghurlar térrorischi, bölgünchi, radikal islamchi dégen qalpaq bilen étilghanmu bolatti! Emeliyettimu shu! Méning bu sözlirimni yalghan, sen oydurup tépiwatisen, shinjangda uyghurlar xenzularni ursa melum bir ademning yalghan gep tarqitishi bilen bolghan bir qétimliq addi sürkülüsh dep bir terep qilinidu démekchimu?

Hazir weqening heqiqi ehwali téxi élan qilinmighan bolsimu lékin beziler, bezi küchler, bezi hakimdarlar bu peqet zawuttin ishtin boshitilghan birsi zawuttin och ilish uchun uyghurlar xenzu qizgha basqunchiliq qildi, digendek yalghan gepni tarqatqanliqidin bolghan dep chüshendürwatidu. Uyghurlargha munasiwetlik délo yaki weqeni ispatsiz békitish ular uchun shundaq qolay, shundaq asanmu? Yaki bu uyghurlargha chétishliq her qandaq mesilini békitishte ichki jehettin békitiwalghan mizanimu? Bu qétimqi uyghurlargha qarita öchmenlik, zorluq, irqi hujum esli xenzular nomus qilsa boludighan, eyibleshke tigishlik weqe éniqki uyghurlar ziyankeshlikke uchurghuchi. Hazir hökümet élan qilghan xewerge qarighanda 2 uyghur ölüp 100 ge yéqin uyghur zexmilen'gen. Lékin ta hazirghiche meyli shinjangdin bolsun meyli shyawgüendin bolsun birer xenzuning uyghurlardin epu sorighanliqini yaki ziyan'gha uchrighuchi uyghurlarning aile tawabiatidin epu sorighinini körmiduq, ular nomus qilishni bilmemdighandu? Ularda xenzular hetta uyghurlarni urup yarilandurghan hetta öltürgenlerni aqlawatidu,xenzu ériqchilirining sani shunche kop, küchi shunche küchlükmu? Bu yalghan xewerni taratqan sansizlighan xenzu torlirining ichide birmu tor taqiwétilgini yaki ochuq eyipligini yoqqu?yaki yalghan chöchek tartqan sansizlighan xenzu torliridin birersimu bu qilmishi toghruluq epu yaki oylinish maqalisi yazghini yoqqu? Uyghur biz tori üch yil ichide hich qandaq sewebsiz 8 qétim taqiwetilgen'ghu? Yene taqisang taqa! Xelq uchun sözlimigen ,xelqning ahu peryatigha ,'awazigha hemdem bolmighan torning néme kériki? Ichkirige uyghur emgek küchini yötkeshni özining muyim xizmetlirining biri dep qarap, ajayip teshwiq qiliwatqan uyghur aptonom rayoni téxi bu weqe toghruluq soz achqini yoq. Bu xildiki weqelerni köptürüp, jawildap teshwiq qilishqa adetlen'gen shinjang axbarat wastiliri bu toghruluq xewer yaki hich qandaq chüshenche berginimu yoq. Ular uyghurlarning béshigha kelgen yamanliq we külpetlerni yoshurushqa adetlen'genliki yene bir qétim xelq -alem aldida ispatlimaqta.

Atalmish xenzu kishilik hoquq paaliyetchilliri, künde erkinlik, démokratiye dep warqiraydighan, maqale yazidighan xenzudinmu biri chiqip heqni soz qilmidighu? Ularning neziride uyghurlargha qaritilghan irqi kemsitish, milli zorawanliq, milli qirghinliq normal hadisemidu? Yaki ular uyghurlargha kishilik hoquqning kériki yoq, ular hoquqsiz hayatqa adetlen'gen dep qaramdighandu?

Hop! Ular belkim oz hokümitining sözige ishenmigenliktin, yalghan sözige ishinip rezillik bilen bu irqi kemsitish, irqi öchmenlik, irqi qirghinchiliqata ünsiz sükütte turuwatqandu! Ular yekende yuz bergen xenzu oqutquchining uyghur nareside qizni depsende qilish weqesidimu sükütte turdighu? Hetta bu weqe toghruluq torlarda sözlishishnimu chekligen idighu? Perizimche torda bo weqege inkas yazghan uyghur tordashlarmu belkim "ular teripidin" tutulghanda yaki qara tizimlikke kirgüzülgendu? ! Yalghan söz -chöchek tekshürülüsh arqiliq éniq bolattighu? Undaqta dawamliq qutratquchularning gépige ishenmenglar deydighan xenzular bu qétim yene qandaq yéngi sözlerni tépip chiqar? Neq meydandin ilin'ghan filimidin qarighanda gerche köpligen saqchilar neq meydan'gha yétip kelsimu hökümetsiz halette qéliwergen. Junggoning saqchiliri peqet xenzularningla bixeterlikini qoghdashqa mes'ulmu? Shinjangda uyghurgha munasiwetlik atalmish weqelerning qaysi biri bu qétimqi shiyawgüende yuz bergen weqedin eghir? Lékin biz qaysi bir weqede saqchi yaki " eng söyümlük kishilirimiz" dep teriplinidighan armiye tereptin oq chiqirip basturulmighan? Qaysi bir weqe térorrést herikiti dep békitilmigen. Bultur xotende uyghur ayalliri élip barghan tich yighilishmu térroréstlar, radikal dinchilar, bölgünchiler teripidin qilindi dep birinchi künila xaraktéri békitiken'ghu? Yene nechche onlighan kishi saqchixanigha élip kélinip soraq qildighu? Zindan'gha tashlan'ghinimu bar téxi! Jinayiti addi qutratquchi! Bölgünchi! Térorréschi! Ular ananggha basqunchiliq qilghanmu? Yaki ular qaysi bir xenzuning péshige tikketken?shiyawgüendiki weqening xaraktérini néme dep békitmekchi?bu ishqa birinchi kündin bashlapla merkezning qol tiqqanliqi éniq boldi.merkez siyasi byurosining ezasi zhouyongkang ,merkez siyasi byurosining ezasi, guangdong hökümitining partiye sékrétari wangyang qatarliq hoquqluq merkez rehberliri muhim yol yuruqlarni berdi we testiq saldi. Éniqki merkez siyasi byurosi bu weqede segeklik bilen muamilide boluwatidu. Köpligen uyghurlar merkezdin ümid kütmekte, merkezning bu hil weqelerni qandaq adil bir terep qilidighanliqini, qandaq xaraktér békitidighanliqini kütmekte. Elwette, shinjangdiki milli siyasetning ijra qilinishida özgirish bolushini, yaman weqening oylinish, yaxshi burulush élip kélishini ümid qilmaqta.

Téxi yéqindila shinjang dairliri özliri köp pul xejlep ishligen téléwiziye filimde, ichkirige bérip ishlewatqan uyghur qizlirining ichkiride nahayiti ghemxorluq ichide bextlik yashawatqanliqini maxtinip teriplep shinjang 2-qanalda qoyghan'ghu? Bügün bu uyghur emgekchi küchlirining ichkiridiki biteley sergüzeshtilirige néme dep jawap bermekchi? Bu biteley uyghur emgekchiler siler teripidin teshkillinip ichkiri ölkilerge élip bérilghan, silerning mes'uliyitinglarchu? Qaysinglar teshkillesh, bashqurush, ijra qilish mes'uliyitini üstünglerge élip ornunglardin chushusiler? Ichkiridin xenzu emgekchi küchlirini milyonlap shinjang uyghur aptonom rayonigha gha élip kélish bilen bir waqitta uyghur emgekchi küchlirini her xil teshwiqat bilen ichkirige yötkep kélish siyasitini yene dawamlashturmaqchi? Uyghur emgekchi küchlirining sapasi töwen, xenzuche uqmaydu shunga uyghurlarning ishsizliq nisbiti éghir digendek sepsetiler yene kishini qayil qilalarmu? Yaki sapasi töwen xenzuche bilmeydighan uyghurlar tereqqi qilghan xenzu rayonlirida ishleshke muwapiq, oz ana tilinimu yahshi sözliyelmeydighan sawatsiz, yérim sawatsiz gensuluq, sichuanlik, henenlik xenzular shinjangda ishleshke muwapiq dep qaramsiler? Chong xenzuchiliq ning xetirini suslashturush, chong xenzuchiliqning mewjut ikenlikini inkar qilish bilen bir waqitta chong xenzuchiliqqa yéshil chiraq yéqip bérishining xetiri mana men dep ispatlandighu.

Ésinglarni yighiwelinglar! Shaoguanlik xenzular özining uyghur emgekchi küchlirige qarta élip barghan irqi kemsitish, irqi zorawanliq, irqi qirghinliq arqiliq silerge jawap berdi. Yene shu xata siyaset pilaninglar dawamlishidighan bolsa hakimdar millet xenzuning arisidiki awazi eng küchlük ichkiriliklerning yeni xenzularning qattiq qarshiliqigha uchraydighanliqinglar éniq ispatlandi.ular uyghurlar kebi qoydek yowash emes.

Partiye, döletning shinjanggha qaritilghan siyasiti toghra ijra qilinsa bu hil weqe yuz bergen bolarmidi? Aptonomiye qanuni, emgek qanuni,....siler uchun qeghez üstidiki rengmu--ye?

Axirida uyghur qérindashlarning bu weqege hisyatchil inkasta, hetta öch élish dégendek xiyallarda bolmasliqini, yamanlarning qiltiqigha chüshüshtin hezer eylep bashtin ayaq qanuni usul bilen hel qilishqa tirishishini ümid qilimen. Bu qétimqi weqede uyghurlar ziyankeshlikke uchrughuchidur, hökümet axbarat wastiliri bergen xewerdin qarighanda merkez we munasiwetlik qanun orunliri bu weqede pozitsiyisi éniq yeni qanun mizandur. Qanunsiz inkas bashqilarning uyghurlargha qilghan jinayitini sétiwalghanliqi ibaret-xalas.

esli Menbesi: www.UyghurBiz.cn

( 2.iyun yollanghan)

Unregistered
10-08-09, 07:05
alla ilham tohtini hittayning alwasti kolidin aman kilsun. u ozining jan kaygusini kayrip kuyup , hakni sozni sozligan ziyali, ozining ajizligini yanggan kishi hakiki batur boludu, alla bizga manu mushundak isil kishilarnimu ata kiliwetiptu, umutsizlanmisakmu bolidikan , hayat shunqilik kiska , insan pakat ozining wijdanini akliyalaydigan birar ishni kilganda andin ozini ang bahitlik hisapliyalaydu.

Unregistered
10-08-09, 10:29
nime uqun yillardin buyan iqkiridin hitaylar uyghur wetinige hiq bir karxiliksiz ,ikkilenmey 7yaxtin 70 yaxtikisi bolsimu keliweridu,lekin uyghur biqariler nurghun besim mesilen 2 yillik haxagha tutulux yaki nika heti kisip bermesliktek xertler bilen yaxlarni ,nikah yexidikilerni asas kilip hitay xehirige turkumlep toxuliwatidu ? hitayning

Unregistered
10-08-09, 11:10
Tor addrisi xata bolup qaptu. Toghrisi: http://uighurbiz.cn yaki http://uighurbiz.net

Unregistered
11-08-09, 07:18
nime uqun yillardin buyan iqkiridin hitaylar uyghur wetinige hiq bir karxiliksiz ,ikkilenmey 7yaxtin 70 yaxtikisi bolsimu keliweridu,lekin uyghur biqariler nurghun besim mesilen 2 yillik haxagha tutulux yaki nika heti kisip bermesliktek xertler bilen yaxlarni ,nikah yexidikilerni asas kilip hitay xehirige turkumlep toxuliwatidu ? hitayning

Tazauuu bi nimikinsi edix. " nime uqun" ligini tehi bilemeyvatkan bi kapak kallimu sin yaki ozingge ozing soal koyup oynavatapsiya baykux. "nime uqun" diseng; biz Uyghurla " hazirghiqe "neme uqun" ge javap tepmay yuruvigixke.