PDA

View Full Version : Milliy Qehrimanlirimiz Qelbimizde Menggü Hayat!



Elqisasi Minhelheq!
04-08-09, 08:43
Sherqiturkistan Birliki Teshkilatining Bayanati

_____Milliy Qehrimanlirimiz Qelbimizde Menggü Hayat!


Bügün 2009-yili 4-Aughust, yeni Abdurahmanjan Azat, Qurbanjan Hémit we Kuchar Partizanlirining Xitay zulumigha qarshi kökrek kérip otturgha chiqip, Xitay tajawuzchillirigha ejellik zerbe bérip, pütün dunyani zil-zilige keltüriwetkenlikining bir yilliq xatire küni. Biz bu xatire künde weten üchün jénini pida qilghan we Türmilerde éghir iskenje astida yashawatqan milliy qehrimanlirimizgha qanliq-qisas oti bilen yéniwatqan qelbimiz bilen éhtiram bildürümiz we ulargha aliy shan-sherepler yollaymiz!

Mana mushu künlerde, Abdurahmanjan Azat, Qurbanjan Hémit we Kuchar partizanliri milliy shan-sheripimizni qoghdash yolida riyalliqqa eng mas kélidighan, xelqara tesiri zor bolidighan, az bedel tölesh hésawigha xitaylardin qanliq hésap alalaydighan, töligen bedilidin qolgha keltürgen netijisi nechche yüz hesse yoquri bolghan, kolliktip qan tökülüshning aldini élip, nam-abroy, shan-sherep we shexsiyetchilliktin pütünley haliy halda herket qilidighan küresh yolini talliwélip, Uyghur xelqining milliy iradisini dunyagha jakalighanidi.


Ularning Shu ay, shu künlerde eziz wetinimiz Sherqiturkistanda keskinlik bilen élip barghan siyasiy küreshliri, jahangirlik bosughisida shirin chüsh köriwatqan Xitay tajawuzchillirigha qaxshatquch zerbe bérip, ishghaliyetchilerni xelqara jamaetchilik aldida reswa qiliwetkenidi.Bu munasiwet bilen Xitay tajawuzchillirining awal millitimizni dessep ötüp, andin pütün merkiziy asiyani ayaq asti qilishni könglige pükken urush mashinisi wetinimiz Sherqiturkistanning qeshqer we Kuchar Sheherliride arqa-arqidin chongqur patqaqqa patqanidi. Shu munasiwet bilen weten ichi we siritida Xelqimiz shatlandi, Xitaylar qan qusti. Xitaylar chidimasliq bilen öktemlik qilip yüzligen qiz-yigitlirimizni öltürdi we minglighan qiz-yigitlirimizni qarangghu türmilerge menggülük tashliwetti.Biz hergizmu bu künlerni untup kételmeymiz!

U künlerde Abdurahmanjan Azat, Qurbanjan Hémit we Kuchar Partizanliri eng eqilge uyghun bir zerbe bérish yolini tallap, jasaret bilen ortigha chiqip, Xitay tajawuzchillirigha qaxshatquch zerbe bérip, Sherqiturkistan xelqining tartqan azap-oqubetliri üchün qisas alalidi.Ular yene özlirining issiq qéni hésawigha pütün dunya jamaetchilikige, Xitayning hazirqi dölet téritoriyesining sherqi shimalida Uyghuristan/Sherqiturkistan dégen bir untulup kétiwatqan, Xitay tajawuzchilliri teripidin 1949-yilning axirida bésiwélinghan bir döletning barliqini qaytidin xatirletti.

Xitaylar dölet diktatorsini ishqa sélip, gerche Shu qétimqi milliy küresh sépimizdiki bir qisim qérindashlirimizni qattiq basturuwetken bolsimu, erkinlik üchün élip bériliwatqan küreshlirimizni bir minutmu toxtitalighini yoq.Xelqimiz her bir qedemni nahayiti zor bedeller hésawigha bésiwatqan bolsimu, qimmetlik tejiribe-sawaqlarghimu yéterlik derijide ige boldi.

Xitaylar Abdurahmanjan Azat, Qurbanjan Hémit we Kuchar partizanlirini qirip tashlighan bolsimu, ularning arqisidin iz bésip kéliwatqan milyonlighan milliy erkinliki üchün küresh qiliwatqan ezimetlirimizni hergiz yoq qilalamaydu.Xitaylar haman bir küni heqqaniyet soti aldida soraqqa tartilmay qalmaydu!

Biz bu munasiwet bilen Abdurahmanjan Azat, Qurbanjan Hémit we Kuchar partizanliri qatarliq Sherqiturkistan inqilapchillirining wetenning musteqilliqi, millitimizning höriyiti üchün körsetken pidakarliqlirigha apirin oquymiz we ularning yatqan yérining jennette bolishini bir alladin tileymiz.Shuning bilen birge 60 yildin béri Sherqiturkisztanning azatliqi yolida zor bedellerni töligen shéhitlar aililirige bolupmu 2009-yili 7-Ayning 5-Künidin hazirghiche qirilip kétiwatqan we xitayning qarangghu zindanlirigha tashlanghan, milliy ghururi we insaniy qedri-qimmiti depsende qiliniwatqan minglighan, onminglighan milliy qehrimanlirimizgha aliy ihtiram bilen salamlar yollaymiz we ulargha we Ularning aile-tawabatlirigha Alladin rehmet, sebre-taqet we aman-ésenlik tileymiz...!


Sherqitürkistan Birliki Teshkilati

04-Aughust, 2009 Gérmaniye


Menbe: http://hantengri.blogspot.com/

Unregistered
04-08-09, 14:04
Ular menggu bizning ugunush ulgimiz!Xitaylar herqanche qilipmu millitimizni tiz puktrelmeydu,yengilidu, meghlup bolidu...