PDA

View Full Version : Ah, Qehrimanliq!



Unregistered
21-07-09, 06:56
Ah, Qehrimanliq!


M. Azat



Bir milletning heqiqi xaraktiri, u milletning wetini düshmen teripidin ishxal qilinghandin keyin otturigha chiqidu.

Her qandaq usta owchi, ow itigha itni, ow bürkütige bürkütni owlitalmaydu. chünki, ular öz neslining göshini yimeydu.

Owchilar teripidin boyni zenjirlinip béqilip, öz neslini owlashqa sélinghan insanlar bilen ow iti, ow bürkütining perqi nime? ow iti bilen ow bürkütining qabiliyiti bar, qehrimanliq rohi bar, ghururi bar. owchi ulargha muhtaj. ow insanining qabiliyiti yoq, qorqunchaq, ghurursiz. owchigha muhtaj.

Azatliqqa telpüngen bir milletning rohini nabut qilghuchi eng zeherlik madda-qorqunchaqliqtur.

Qorqup yashashning azawi ölümdin yaman.

Ghurur, shan-sherep qoghdalmighan yerlerde satqinlarning nesli köpeygen bolidu.

Qehrimalar Düshmenning, Qorqunchaqlar qérindishining yaqisigha ésilidu.

Qehrimanlar yashash üchün emes, yashitish üchün küresh qilidu.

Qehrimanlar -yardem qilghuchi, qorqunchaqlar gheywet qilghuchidur.

Yengi tughqan tongguz öz kuchigini yep kétidu.

Qehrimanlar, bir jemiyetning ümid we shepqitidin tughulidu. kélichekke ümit, bir-birige shepqet tügep ketken jemiyetni ümit, shepqet énirgiyesi bilen teminligüchiler yenila qehrimanlardur.

Qorqunchaqlarni kéchining qarang'ghulighi disek, qehrimanlar kündüzning aptiwi dur.

Tarqaqliqning esli menbesi __ qorqunchaqliqtur.

Düshmen, ming neper qorqunchaqtin emes, bir neper qehrimandin qorqudu.

Qorqunchaqlarningmu,hesetxorlarningmu,munapiqlarni ngmu ortaq düshmini-qehrimanlardur.

Qehrimanlarning weten üchün jan bérish shijaiti __ Allahning sowghisidur.

Iman bar yürekte qorqunchaqliq, qorqunchaqliq bar yürekte iman bolmaydu.
Qorqunchaqlar imansizliqlirini, wijdansizliqlirini aqlash üchün qehrimanlarni “telwe”dep eyipleydu. Erkinlik yolida bérilgen bedellerni, zalim düshmenning qanxorlighidin emes, qehrimanlarning “telwe”ligidin köridu.

Hichkim, özining qorqunchaqlighidin maxtanmaydu. chünki, qorqunchaqliq eyiptur. Biraq qorqunchaqlar bahana tapsila qehrimanlarni eyiplesh arqiliq özlirining gunahkar wijdanini rahetlitish üchün térishidu.

Qorqmas yürekke ige bolush, térishchanliq bilen özleshtürgili bolidighan bilimge oxshimaydu. U, anidin baligha süt bilen ötidighan érsiyet amili.

Yolwastin-shir, müshüktin-aslan tughulidu.
Yolwaslar owni özi owlaydu. yashighan taghlarni bashqilarning igelliwelishigha yol qoymaydu. müshük, ömür boyi yaqa-bulunglarda bashqilardin éship qalghanlarni yep jan baqidu. kim bez berse uni xojayin dep bilidu.

Ölümning aldida qachqanlar, börining aldida qachqan padigha öxshaydu, ölümni qoghlighanlar, börilerni sür-toqay qilghan yolwasqa oxshaydu.

Nadanliq we qorghunchaqliqtin kélip chiqqan bash-bashtaqliq, bezi milletlerning qulluq zenjirige baghlinishigha, bezi milletlerning yoqilishigha sewep boldi.

Azat, musteqil yashawatqan milletlerning nurghun qehrimanliri ölgen bolsimu, ularning qehrimanliqliri azat millet bilen barawer yashawatidu. chünki, qehrimanlar ölsimu, qehrimanliq ölmeydu.

Mehkum İnsan'gha hayatni söydürgen eng muhim amil__ erkinlik arzusidur. arzuni rialliqqa aylandurush üchün mihnet, bedel lazim. bedel tülenmigen arzuning uxlighanda körgen tatliq chüshtin yaki romantik xiyaldin perqi yoqtur.

Düshmen köz yeshi tökken'ge yoqalmighinigha oxshash, gheywet-shikayet qilghan bilenmu yoqalmaydu.

Bowaqlar yiqilmay mengishni üginelmeydu. meghlup bolmay turup, ghelibe qilishning sirlirini ügengili bolmaydu. Yengilmes boksur chimpiyonlirining ghaliplighi-uning minglarche qetim yéngilishi, milyunlarche qétim mush yéyishi bedilige kelgen.

Milli ghurur, milli qehrimanliq, milli birlik rohidin mehrum milletlerning zulum körishi, kemsitilishi we xarlinishigha aldi bilen u milletning özi jawapkar bolishi lazim.

Bir chong millet, esir bir kichik milletke ich aghritip, uni azat qilip qoyghanlighi texi tarixta körülmidi. munqeriz milletning azatlighi, u millet qehrimanlar qoshunining shijaitige baghliq.

Qorqmas yürek ezimet bolush démek __ özini waqitsiz ölümge étip halak bolush digenlik emes. belki, ghaye yolida qet’i, soghuqqan, tewrenmes, sewirchan, mentiqiliq bolush, küch we eqilni orunluq we toghra serip qilish démektur.

Erkinlikke telpün'gen mezlum milletning qehriman awangartliri üchün eytqanda, qorqmasliq-peqetla ölümdin, düshmendin, xeyim-xeterdin qorqmasliq depla shüshünilmesligi lazim. eng muhim bolghini, öz millitining ichki qismidiki nadanliq, chéchilangghuluq, qorqunchaqliq, boshangliq, men-menchilik, öz qehrimanlirigha bolghusi xata chüshenche, pitne-pasat, wapasizliq, haqaret, hetta süyqesit…lerdin qorqmasliq.

Millitidin wapa,sadaqet,abiroy kütmestin, millitini cheksiz söygen,eng qimmetlik jenini öz ichige alghan barliq menpetlirini milliti üchün ikkilenmestin teqdim qilish rohigha ige kishiler -mlliy qehriman ,digen tengdishi yoq sherep tajini keyishke layiqtur.

Ichki mesilelerni hel qilish üchün, tosalghu we jebri-japa ichide ilgirlesh eng merdane qehrimanlargha nisip bolidighan pezilettur.

Qehrimanlar kuch-quwwetni düshmen'ge bolghan ghezep-neprettin emes, öz xelqige bolghan söygü-muhebbettin alidu.

İnsanlarni yaritish Allahqa mensup, biraq, tirik insanlarning ölgen rohini tirildürüsh we janlandurush u millet qehrimanlirining ishi.

Közge körünmes tömür qepezler ichide qalghan, hoquq, erkinlik we barliq ixtisadi imkanlardin mehrum, rohi chüshken, exlaqi buzulghan, qorsaq toyghuzushni bexit dep bilidighan, bir-birini azarlashni köngül échish hésaplaydighan, pütün bu bexitsizliklerning menbesi bolghan zalimning bir qétimliq tebessumi bilen, ömür boyi chekken azap-uqubetlirini unutup ketidighan xelqlerningmu qehrimanliri bar.

Beziler, halsizlinip yiqilghan qehrimanlarning üstige dessep ötüp “qutqazghüchi”körün'gen zalimning iteklirini söyidu. Heqiqi qehriman, ene shundaq öz ghururini ayaq asti qilghanlargha emes, ularning insani xususiyitini, insani qimmitini yoqatqan tüzüm we bu tüzümni yaratqan zalimlargha nepret qilidu.

Qorqunchaqliq we qisqa yoldin katta menpietlerge érishish üchün, Öz wijdanini,öz qoli bilen öltürüwetkenler,özlirini “eqilliq”, hayatning “yoli”ni bilidighan , qehrimanlarni “eqilsiz”, “axmaq” hésaplaydu.

Heqiqet görge kömülgen jem`iyette, kéche - kündüzdek, kündüz _ kechidek shekilge kirgenligini peqet qehrimanlarla köreleydu.

Yéngilish _ meghlup bolush, ölüsh _ yoqulush emes.

Bir milletni qorshawgha alghan ölüm chembiri tarayghansiri, u millet aniliri shunche köp qehriman perzent toghushqa bashlaydu.

Padining qotan'gha solunishi normal ehwal.

Taghdiki yolwaslarning qepezlerge solinip, haywanatlar baghchisida körgezmige qoyulishi, qehrimanliqqa qilinghan eng éghir haqarettur.

Yolwaslarni uzun zaman ach qoyup, özige bolghan ishenchini, hayatqa bolghan ümidini tamamen yoqutup, muhtaj halgha keltürüp sirikchilerning oynitishi __ qehrimanliqqa qilin'ghan qebih mesxire.

İnsanni heyran qalduridighini; sirikchining yolwasni mulayim qozigha aylandurghanlighi emes, belki, yolwasning aldida turghan xujayin bir penje urushqa berdeshliq bérelmeydighan derijide ajiz ikenligini uyunchaqqa aylan'ghan yolwasning xatiriliyelmesliki. wujudidiki kuch-quwetning hich qachan azaymighanlighini hés qilalmaslighidur.


2009.yanwar

http://www.wetinim.org/forum/viewthread.php?tid=17&extra=page%3D1

hesret
21-07-09, 07:42
qirindishim yahshi tehlil qilipsiz, mushundaq algha undeydighan maqalilar koprek bolsa.rehmet

Almutilik kiz
21-07-09, 23:55
tazimmu yahshi yezilghanken, okup kop oylanghan edim.
Shi tor bette "Sendin soravatimen NUr Bekri" namlik makale bar edi, bu yerge copy-paste kilay dep oylisam uni zadi tapalmidim, 7 July yezilghan edi, 9 july yok boldi. Kimde bolsa bu yerge koysa yahshi bolatti.