PDA

View Full Version : Guangdung ölkiside yüz bergen yene bir qanliq weqe - Foshen weqesi bayqalmaqta



Unregistered
15-07-09, 16:50
Guangdung ölkiside yüz bergen yene bir qanliq weqe - Foshen weqesi bayqalmaqta
Muxbirimiz shohret hoshur
2009-07-14
26 ‏- Iyun shawgüen weqesi yüz bergen küni, guangdungning foshen shehiridimu weqe chiqqanliqi, bu weqedimu uyghurlarning ölgenliki we yaridar bolghanliqi heqqide radiomizgha bir inkas keldi. Inkasta bildürülüshiche, weqede 12 uyghur ölgen, 7 uyghur yarilanghan.


video.sohu.com Din élindi.

video.sohu.com Din élinghan bu sürette, bir uyghur qiz ishchining undin artuq xitay ishchiliri teripidin rehimsizlerche kalteklinip, éghir zeximlinip, ölük halette yatqan körünüshi.


Bu melumatni nowette foshen saqchi dairiliri ret qilmaqta. Emma inkastiki melumatlar, weqe üstide chongqurlap tekshürüsh élip bérishning zörürlükini hés qildurmaqta.

Mushu ayning 4 ‏ - Küni guangju shehiride yashawatqan bir uyghur qizi cheteldiki bir uyghur oqughuchi bilen intérnét chayxanisida kürüshüp, mezkur weqeni sözlep bergen.

Töwende aldi bilen mezkur söhbetning awaz xatirisige qulaq salghaysiler:

Soal: baya xx chayxanisida, bezi melumatlarni bériwatattingiz, sözingiz késiwétildi. Shu weqeni manga sözlep bérishni xalamsiz?

Jawab : bolidu sözlep bérey. Bir heptining aldida qeshqerning baliliri bilen mushu ichkiride - Méning ariliqim bir saetlik yol, xenzular arisida azraq ishlar bolup, xenzular chaniwetken gep؛ 12si öldi... 12 Uyghurni chanap öltürüwetti. Yettisi yaridar.

Soal: ölgen 12si uyghurmu?

Jawab: hee. Yene 7si bar doxturxanida.

Soal: nede bolghan ish bu?

Jawab: guangdung foshen. Guangdungning foshen dégen yéride.

Soal: bu ashkarilanghan ishmu, yaki kömülüp qalghan ishmu?

Jawab: hee ashkarilandi, bu yerde uyghur saqchilar bar emesmu, hemmisi bardi. Jüme küni namizigha hemmsi bardi. Uqmighanlar mawu jüme küni yene baridighan bolduq. Mayerde résturan achidighan chong bir akash ba emesmu, ashu uqmaydighan uyghurlargha hemmisge uqturdi. Mawu jüme küni baridighan bolduq. Mayerde guangdung teweside diyenshide élan qilmidi. Emma ashkarilandi.

Soal : weqening sewebi néme iken? néme üchün uyghur balilarni öltürüptu?

Jawab: uni uqup ketmidim, qara jemiyetler demduq, shular bilen uyghurlar arisida bir ishlar chiqip, manda bir bolghan ish iken.

Soal: démek 12 uyghurning ölgini éniq deng?

Jawab: hee, yene yettisi bar doxturxanida éghir.

Soal: ölgenler arisida xenzularmu barmiken?

Jawab: yoq.

Soal : bu qachan yüz bergen ish?

Jawab : 8 künning aldida, 8 kün, bügün 8 ‏ - Küni.

Soal: guangdungda dédingizmu?

Jawab: guangdung foshen

Soal: hökümet qandaq bir terep qilmaqchi iken ?

Jawab: uni uqmidim, bu yerdiki hemme peychusolarda uyghur saqchilar bar, shular yighilip bérip tekshürüp keldi. Ular qandaq némige keldi, men uqmaymen. Lékin men kürdüm, teypingjyen demda? shu yerge kiripmu körduq, tonglitip qoyuptu.

Soal: hökümet buni yoshurmaqchi oxshimamdu?

Jawab : hee. Bu xitaylar shundaq oylaydu, bilmisun depchu, lékin ashkarilinip boldi, lékin uyghur saqchilar jiq tursa. Mumkin emes yoshurup bolalmaydu.

Soal: uyghur saqchilar qandaq qarawatidu bu ishqa?

Jawab: méning bir saqchi dostum bar. Biraq bu bir xizmet, manga démeydu. Emma manda qarisam, bu ishni yaxshi bir terep qilghusi bar.

Soal: rehmet, muhim uchur berginingiz üchün.

Jawab: sizgimu rehmet, méning ismim xx, xx da ishleymen.

Soal: cheteldiki uyghurlargha deydighan gépingiz barmu?

Jawab: men xenzuche oqughan, uyghurchini yaxshi sözliyelmen, hemme uyghurlarning salamet bolushini xalaymen.

Biz mezkur weqeni éniqlash üchün, guangdung ölkisining foshen sheherlik saqchi idarisigha téléfon qilduq. Saqchi terep weqening yüz bergenlikini inkar qildi؛ yeni yéqin mezgil ichide, bu sheherde uyghurlarning ölüsh we yarilinish weqesi yüz bermigenlikini bildürdi.

Foshendiki ikki doxturxanigha téléfon qilghinimizda, bu doxturxanilarning chong doxturxana ikenliki, isimliki bolmay turup, yaridaralarni éniqlighili bolmaydighanliqini bildürdi. Biz yene foshenge yéqin bolghan shénjén shehiridiki bir uyghurdin ehwal igiliduq. U bundaq ehwallarning guangdungda daim yüz bérip turidighanliqini, bolupmu uyghurlargha qarshi saqchilar bilen qara jemiyetning birlikte heriket qiliwatqanliqini bildürdi.

Aldinqi küni engiliyide chiqidighan guardyan gézitining xewer qilishiche, shawgüendiki bir xitay puqrasi, özining shawgüendiki qanliq weqege biwaste qatnashqanliqini bildürgen hem shawgüen weqeside 2 kishi öldi dégen xewerning saxta ikenlikini éytqan. U muxbirgha mundaq dégen: " közimiz körgen uyghurni urduq؛ karwatning astigha möküwalghanlirinimu tartip achiqip urduq. Arqidin jesetlerni bir yerge toplap qoyup kettuq. Men az dégende 7 - 8 Uyghurning ölgenlikini öz közüm bilen kördüm".

Nöwette uyghurlar mesilisi pütün xitayda sezgür bir tima bolup turmaqta. Uyghurlar heqqidiki uchurlar qattiq kontrol qilinmaqta. Yuqiriqi melumatlardin qarighanda, foshendiki weqe xitay qara jemiyet ezaliri bilen shu yerdiki uyghur yaymichi yaki ushshaq tijaretchiler arisida yüz bergenliki éhtimalgha yéqin körülmekte. Weqe shawgüen weqesi bilen bir künde yüz bergen, emma weqening shawgüen weqesi bilen alaqisi bar - Yoqluqi sir halette turmaqta.