PDA

View Full Version : Ürümqi Qirghinchiliqida Ölgenlerning Sani 140 Neperge Yetti



ETIC hewiri
06-07-09, 04:16
Ürümqi Qirghinchiliqida Ölgenlerning Sani 140 Neperge Yetti

Shan Dong ölkisining Shao Güan shehridiki bir oyunchuq zawutida Sherqiy türkistandin mejburi yötkep kelingen 600 neper Uyghurning minglighan Fashist Xitayning qanliq hujumigha uchrighanliq weqesige naraziliq bildürüsh meqsiside 7 – ayning 5 – küni Ürümqide elip berilgen Uyghurlarning tenichliq sheklidiki namayishi Xitay saqchi – eskerliri teripidin wehshilerche qanliq basturuldi.

Chetel metbuatlirida bu qanliq weqe, < 5 – iyol ürümqi qirghinchiliqi > dep ataldi.

< Xin huan axbarat agentliqi > teripidin 7 – ayning 6 – küni elan qilinghan sanliq melumatlarda körsütüliche, hazirgha qeder Ürümqi qirghinchiliqida ölgenlerning sani 140 neperge, yarilanghanlarning sani 816 neperge yetken.

Namayish jeryanida yene 261 mashina köydürüp tashlanghan, 203 dukan we 14 olturaq öy weyran qilinghan.

Tünögündik etibaren Ürümqide herbiy halet yürgüzülgen bolup, bolupmu < Xin jiang uniwersiteti > gha tutishidighan yollar pütünley qamal qilinghan.
< aptonom rayonluq jamaet xewipsizlik nazariti > ning naziri Liu Yaohuaning bildürishiche, hazirgha qeder kochidin teriwelinghan jeset sani 57 neper bolup, qalghanlar doxturxanida ölgen.

Liu Yaohua yene, namayishqa bashlamchiliq qilghan yüzligen Uyghurning qolgha elinghanliqini, < qutratquluq qilghan > 90 neper gumandarning jiddi axturuluwatqanliqini, qolgha chüshken < gumandarlar > ni soraq qilish üchün bashqa wilayetlerdin 100 din artuq saqchining yötkep kelingenlikini bayan qildi.

< aptonom rayon > ning reyisi Nur Bekri 7 – ayning 6 – küni seherde qilghan teliwiziye nutqida, Ürümqidiki namayishning, 6 – ayning 26 – küni Shan dong ölkisining shao güan shehride yüzbergen qanliq weqe sewebidin kelip chiqqanliqini etirap qildi.

Emma Nur Bekri, Xitay hakimiyitining Ürümqidiki qanliq qirghinchiliqini yoshurush üchün, tigh uchini Rabiye Qadir xanimgha we unung rehberligidiki < Dunya Uyghur Qurultiyi > gha qaratti.

Nur Bekri öz nutqida, atalmish < 3 xil küpchler > ning, 6 – ayning 26 – küni Shao güande yüzbergen weqedin paydilinip topilang peyda qilishqa urunghanliqini, Shao güande ölgen ikki neper Uyghurnung jesidining hökümet teripidin qayturup kelingenlikini, weqedin keyin, Shan dong ölkisi bilen birliship diloni tekshürüwatqanliqini tekitligen.

Xitay hökümiti bu qetim Ürümqide elip barghan qirghinchiliqigha, < 5 – iyol urush, cheqish, bulash weqesi > dep baha berdi.

Tünögündin etibaren Sherqiy türkistandiki pütün Uyghurche internet torliri mejburi taqaldi, chetelge ulunidighan telifun leniyesimu üzüwetildi.

Chetel metbuatlirining xewiride körsütülishiche, yuqarqi reqemler peqetla deslepki sanliq melumatlar bolup, ölgüchilerning sani yene köpüyüshi mumkin.

Chetel metbuatlirining we xelqaraliq kishilik hoqoq teshkilatlirining < 5 – iyol Ürümqi qirghinchiliqi > gha bergen deslepki bahasi bolsa, bu hadisining kelip chiqishigha tamamen Xitay hakimiyitining uyghurlargha qaratqan derijidin tashqiri besim we zulum siyasiti sewepchi bolghan bolup, Sherqiy türkistan rayoni xelidin berila partilash aldida turghan bombigha aylinip qalghan idi.

Xitay hakimiyitining Uyghurlargha qaratqan dinsizlashturush, milliy maaripini Xitaylashturush, mediniy miraslirini weyran qilish, Uyghurlarni ichki ölkilerge mejburi ishlemchilikke iwetish, < 3 xil küch > digen namda qanunsiz tutqun qilish, qiynash we öltürüsh … qatarliq siyasetliri weten ichi we sirtidiki uyghurlarning qattiq naraziliqini qozghap kelgen, netijide ularning sewrisining teshishigha sewepchi bolghan idi.

Mahiyette bolsa Uyghurlarni Ürümqide kochilargha chiqip namayish qilishqa mejbur qilghan birdin – bir amil – Xitay hakimiyitining chekidin ashqan zulum we besim siyasiti idi.
Emma Xitay hakimiyiti özlirining jinayi qilmishlirini yoshurush üchün, < 5 – iyol qirghinchiliqi > ni qandaqtur < cheteldiki bölgünchilerning küshkertishi > ge baghlashqa urunup kelmekte.

Unregistered
06-07-09, 06:01
Shan Dong amas Guang Dong.


ey ulug allah, xu xiit ketken uyghur kiz oghullarmizning yatkan yirni jennet kilghaysen, ularning ailisige sabir ata kilghaysen, amin

Unregistered
06-07-09, 08:23
tüzitish : xewerdiki < Guang dong > digen isim < Shan dong > dep xata yezilip qaptu, tüzütip oqughaysizler

ETIC