PDA

View Full Version : Guangdungluqlargha ochuq xet



Unregistered
02-07-09, 20:21
Guangdungluqlargha ochuq xet




Jungxua xelq jumhuriyitining qanunluq girazhdani bolush salahiyitim bilen qanunda belgilen'gen söz erkinlikidin behrimen bolup 26 – iyundiki weqede qaza qilghan qérindashlirim heqqide weqe sadir qilghuchilargha ikki éghiz yürek sözümni qiliwélish hoququm bar dep qaraymen.

(mezkur xettiki mezmunlar peqet guangdungdiki <<Shuri>> oyunchuq zawutining yataq binasigha bösüp kirip uyghur qérindashlirimizni qoghlap yürüp urup yarilandurghan, öltüriwetken Xitayzulargha qaritilghan.

Essalamu eleykum Xanzu qérindashlar!

Men musulman bolghanliqim üchün silernimu allahning bendisi dep qarap allahning salimi bilen gep bashlashni layiq kördüm. Din erkinliki bar dölitimizde elwette dinimizgha hörmet qilidighanliqinglargha ishinimen! ?

Tordin, siler yollighan süretlik filimlerdin körduq. Qérindashlirimizni urupsiler, öltürüpsiler! belkim aqiwitini oyliship qilghansiler yaki oylashmayla qilghansiler. . .

Bir top boliwélip qoghlap, urup, öltürüp qandaq héssiyatta boldunglar? Ikki qolunglarni égiz kötürüp xushalliqtin towlap, sekrep kétishliringlargha qarap dölitimizde ishlen'gen yapon basqunchilirigha qashi jengler eks ettürülgen kinolarni eslep qaldim. Shu kinolarda herqétim düshmenni meghlup qilghanda jengchiler shundaq sekriship kétetti. Bundin burun undaq xosh bop baqmidinglarghu deymen he? Lékin Xitayzular bilen az sanliq milletler ezeldin qérindash tursaq némishqa düshmen'ge mu'amile qilghandek mu'amile qilisiler?

Deslep bu xewerni torda körgende bezi qérindashlirimiz ghezeptin yérilghudek boldi. Bezi qérindashlirimiz munasiwetlik orunlardin weqening sewebini tekshürüp chiqishni telep qildi. Bir chaghda Xitayzuche torbetlerde <<Alte uyghur birliship ikki Xitayzu ayalgha basqunchiliq qilghan, shu sewebtin jédel kélip chiqqan>>dégen xewer tarqaldi. Biz bu gepke ishinishke amalsiz qalduq. Chünki u zawuttiki uyghur ishlemchiler aqköngül, ishchan déhqan baliliri bolup ularning aptonum rayonning re'isi nur bekrining buyruqi bilen ishligili bérip undaq peskesh ishni qilishi mumkin emes. Biz uyghurlar ezeldin shükri – qana'etchan xelq. Ular yaxshi ishlep azghine mu'ashini élip öyidikilerning yükini azraq bolsimu yéniklitelise shuninggha xush idi.

Shundaq qildi dégen teqdirdimu silerdek bilimlik, sapasi yuqiri kishilerning qanun arqiliq hel qilmay jédel chiqarghininglar silerning sapayinglar toghriliq bizni qayta oylinishqa mejbur qildi. Biz silerni medeniyetlik, sapasi yuqiri, qanun éngi küchlük dep qarayttuq. Emeliyette bizmu basqunchiliktek rezil, insan qélipidin chiqqan ishqa qarshi! eger peqet basqunchiliq qilghanlarnila urghan bolsanglarmu könglimizde <<Özining shori>> dep oylap artuqche oylap ketmeyttuq. Lékin siler topliship hemme uyghurni urupsiler. Süretlik filimdin körishimizche bir qiz balinimu urup öltüriwétipsiler. Ejiba umu basqunchiliq qilghanma?

Shinjangda mundaq ish bolghan:

Ikki uyghur yigiti bir Xitayzu qizini bulimaqchi bolghanda yoldin ötüp kétiwatqan bir uyghur yigiti kökrek kérip otturigha chiqip u qizni qutuldurup qalghan. Netijide u bedinige pichaq yégen. Bextke yarisha u yigit qutquziwélindi.

Biz mana mushundaq millet ayrimay naheqchilikke qarshi turidighan millet. Silerning qizliringlarni jénimizni tikip qoghdaydighan tursaq siler qopup tömür kaltek bilen urup öltüriwetsenglar bu ishni qandaq chüshendürisiler? Ademmu ya néme siler? Qanunimiz shundaq adil tursa siler öz aldinglargha topliship öchünglarni alsanglar bu qanunni közge ilmighanliq bop qalmamdu?

Yéqinda yekende bir Xitayzu oqutquchining özining balisidek uyghur oqughuchigha peskeshlik qilghanliqini bilgen chéghimizdimu biz topliship tömür kaltekler bilen u Xitayzu oqutquchini urmighan. Qanun bilen bir terep qilish üchün soghuqqanliq bilen qongimizni qisip olturghan. Eger silerge oxshash topliship u mekteptiki Xitayzu er – ayal oqutquchilarning birinimu qoymay urup, bezilirini öltüriwetken bolsaq silerge oxshap qalattuq. Bizghu siler qilghanni qilmaymiz. Chünki biz étiqadliq, eqil bilen ish köridighan millet.

Kéyin basqunchiliq qilghan, dégen xewer yalghan bolup chiqti. Siler shu ikki éghiz yalghan gepke aldinip, ishning heqiqiy sewebini tekshürmeyla adem öltüridighan sarangmu?

Eger rast bolghan bolsidi bizmu u qérindashlirimiz üchün qayghurup ketmigen bolattuq. Biz pakliqni söyidighan, ghorurluq millet. Qizlarning pakliqini özimizning jénidinmu muhim bilimiz.

Emse bu jédelning sewebi néme? Siler milliy bölgünchilik qilmaqchimu? Milliy kemsitish qilmaqchimu?

Siler milliy bölgünchilik qilishqa seweb tapalmaysiler. Chünki biz ezeldin milliy bölgüchilik qilip baqmiduq. Hetta yéza – qishlaqlardiki tamlarghimu herxil milliy bölgünchilikke qarshi sho'ar - chaqiriqlarni yazghan biz. Uzaq zamandin sözlimeyli, yéqinqi zaman tarixidiki üch wilayet inqilabi mezgilidimu shinjangni sowét ittipaqi hamiysidiki dölet qilishqa urun'ghan shéng shiseyni shinjangdin qoghlap chiqirip shinjangni azadliq armiyige tapshurup bermiduqmu? Milliy armiyemu 5 – korpusqa özgertilip azadliq armiyige qoshuwétildighu? Biz milliy bölgüchilik qilmisaq, silerni qérindash millet, aka millet dep chong körüp hörmetleydighan tursaq, (gaz, altun. . . Dégendek teb'iy bayliqlarni bergenlikimizni tilgha almay turay boldi)silerning milliy bölgüchilik qilghininglar némisi? Kalla barmu ya silerde?

Siler milliy kemsitish qilishqimu seweb tapalmaysiler. Biz bultur sichüende yer tewrigende körüp baqmighan, tonumaymiz, démey turup mu'ashimizning qanche bolushidin qet'iynezer, pulimizning az – köplüki bilenmu hésablashmay hemme bes – beste sichüendiki qérindashlirimizgha pul i'ane qilghan iduq. Hetta bezi ata – anilar yer tewreshte ata – anisiz qalghan balilarni béqiwalghan, ularni héchkim kemsitmigen. Yene mushundaq ish bop qalsa biz i'ane bérishke teyyar! biz milliy kemsitish qilmaymiz. Chünki biz adem bilen adem barawer deydighan dunya qarashqa ige medeniyetlik millet.

Bezi torbetliringlarda Xitayzu qérindashlar bizni bek haqaretlep kétiptu. He dése shinjangliq oghrilar, shinjangliq choshqilar. . . Dégendek geplerni qilip bizni yoqitiwétish toghriliq sho'arlarni towlap kétiptu. Biz silerge shundaq taqashtuqma? U ishlemchilermu hökümetning buyruqi bilen barghan tursa. Biz silerni ichi tarliq qildimikin dep oyliduq. Chünki 600 ishchi ishqa orunlishish üchün 600 Xitayzu ishchini ishtin boshitip bashqa jayda ishqa orunlashturushqa toghra kélidu. Emdilikte siler <<Shinjangliqlargha bu yerde néme bar? Bizning yurtimizgha kelmisun!>> désenglar köp millet olturaqlashqan dölitimizde yashawatqan puqra deydighan gepke uyghun kélemda mushu? Undaq oylisanglar némishqa shinjangdiki Xitayzularni qayturup ekiliwalmaysiler? Siler shinjangdiki Xitayzularni qayturup eketsenglar uyghurlarmu özlikidin shinjanggha yénip kélidu. Ularning shinjangdiki ish orni heryili shinjanggha milyonlap kiriwatqan Xitayzu ishlemchiler teripidin igilinip bolun'ghachqa hökümet ulargha köngül bölüp ichkiride xizmet qilishqa orunlashturghan. Hökümetning buyruqigha qarshi chiqip yürikinglar nechche silerning?

Bezi torbetlerde silerni 800 – 1000 adem topliship urdi, dep yéziptu. Shexsen men bu gepke ishenmeymen. Siler 800 yaki 1000 adem qolunglargha tömür kaltek éliwélip birleshsenglarmu quruq qol 600 uyghurgha teng kélelmeysiler. Chünki biz dégen qorqmas, jenggiwar xelq. Hindistanning yéngilmes qoshunini paytextigiche qoghlap hindistanni munqerz qilip qoyushqa azla qalghan atliq korpus del biz uyghurlardin teshkillen'gen. Shunga qaysi bir tor bette déyilgen 5000 Xitayzu toplashti, dégen xewer bir qeder emeliyetke uyghun.

Towa. . . 5000 Xitayzu birliship 600 uyghurni urup yürse buninggha saqchilar arilashmisa. . .Bu néme dégen wehshilik? Néme dégen adem qélipidin chiqqanliq he?

Méningche ashu saqchiningmu xizmet istilida mesile bar iken. Süretlik filimda körüshimizche saqchi qarap tursimu bir chatiqinglar yoq tayaq yep hoshsiz yatqan ademnimu toxtimay urup kétipsiler. Némanche öchlük qilisiler bizge?

Ichkiridin sayahetchiler kelse tilip bermeydighan tawuzimiz, aldigha qoymaydighan milliy ta'amlirimiz qalmaydu. Hemmisi shinjangliqlar bek méhmandost xelqken, dep közi qiymighan halda kétidu. Biz silerge shundaq yaxshi mu'amile qilsaq siler ashundaq tayaq yep hoshsiz yatqan(belkim qaza qilghandu) ademnimu qilche tep tartmay küchep urghili tursanglar emdi silerni néme déyish kérek? Uni az dep bir chette qarap turghanlar süretke élip <<Téxi ölmeptu!>> déyiship ölmigenlikige narazi bolushiwatsa. . . Silerde wijdan dégen nerse yoqma?

Süretlik filimde silerning saqchilarning adalet yolida köz yumuwélishi bizni bu milliy mesile iken, dégen qarashqa keltürdi.

Oylap baqtinglarmu eger biz 5000 uyghur qolimizgha tömür kaltek éliwalsaq néme bop kéter bu jahan?

Lékin biz undaq qilmaymiz. Qanunning bu mesilinimu adil bir terep qilidighanliqigha ishinimiz. Milliy bölgünchilik qilish jungxua milletlirige nisbeten élip éytqanda intayin chong nomus! milliy kemsitish qilish 21 – esirde yashawatqan herbir ademge nisbeten élip éytqanda intayin chong nomus! biz bundaq peskesh ishlarni qilishtin uyilidighan peziletlik millet.

Mushu weqe méni silerni 1000 yildin kéyinmu adimiylik, edep – exlaq, insanperwerlik jehette bizge teng bolalmaydiken, dégen qarashqa keltürdi. Men bu qarishimning waqitliq xata qarash bop qélishini ümid qilimen, elwette emeliyitinglardin körüp.

Sewebning qandaq bolushidin qet'iynezer qérindashlirimiz qaza qildi. Yarilan'ghan yaki bashqa yarilanmighan qérindashlirimizning qeyerdilikinimu uqmaymiz. Allah ularning yarisigha shipa bersun! silerning qérindashliringlarning yarisighimu shipa bersun! könglige insap bersun

Biz hemmimiz bir dölette yashawatqan xelq. Silerning bizni közge ilmasliqqa héchqandaq heqqinglar yoq. Emma silerdek qebih, rezil, insan qélipidin chiqqanlarni biz közge ilmisaq toghra bolidu. Méningche pütün dunyadiki adilliqni yaqilaydighan, heqqaniyet üchün köresh qilidighan, insanperwer kishiler silerning bu qilmishinglardin qattiq ghezeplinidu, silerge échinidu. 21 – esirdimu mushundaq ishlarning chiqishi yene kélip türkiye prizdénti abdullagulning dölitimizde ziyarette boluwatqan mushundaq weziyette yüz bérishi silerning méhmannimu hörmet qilmaydighan qa'idisiz ikenlikinglarni ashkarilap qoydi. Siler uyghur diyarigha tunji qétim kelgen türkiye prizdéntigha az sanliq milletlerge qandaq qaraydighanliqinglarni körsitip qoydunglar. Bundin kéyin dölitimiz bayanatchiliri dölitimizde milletler barawer, inaq – ittipaq, din erkinliki, insaniy erkinlik yolgha qoyulghan, dep bayanat élan qilsa mushu weqedin xewiri bar kishiler ishinermu?

Meyli qandaqla tehlil qilmayli silerning qilghininglar tüptin xata. Siler jinayetchilerni qanunning adil bir terep qilishigha tapshurup bérishinglar kérek. Qaza qilghanlarning a'ile – tawabatliridin kechürüm sorishinglar, jümlidin pütün uyghur xelqidin kechürüm sorishinglar kérek.

Biz bu ishtin kéyinmu yenila silerning dilinglargha insab tileymiz. Silerning qelbinglardiki bizge bolghan öchmenlik uruqlirining qurup kétishini, dölitimizning milletler barawer bolghan sotsiyalistik dölet bolup chiqishi üchün bir kishilik hessenglarni qoshushunglarni ümid qilimiz. Biz mana mushundaq keng qorsaq, epuchan, méhriban, aqköngül xelq.


26 – iyundiki weqede qaza qilghan qérindashlirim üchün haza tutuwatqan mezgilde héssiyatqa bérilip xata sözlep qoyghan yerlirim bolsa toghra chüshinishinglarni töwenchilik bilen soraymen!


http://www.wetinim.org/forum/viewthread.php?tid=1713

Unregistered
03-07-09, 07:42
Qerindishim dawamini oquyalmayla qaldim, peqet chidiyalmidim. dadam ölüp ketkendimu bunchilik yighlimighandimen. ajayip tesirlik we sewiyelik yezipsiz rexmet sizge. emdi biraz yaxshi bulup qaldim dawamlashturay..........

Unregistered
03-07-09, 17:58
Bu weqening Qisasining qasyi derijide elinishi,Uyghurning kelejegining qandaq bulishi bilen bewaste munasiwetlik!

Uzini bir Uyghur dep bilegen hemme kishler meyli Dunyaning qayiride bulshidin qetti nezer bu Qisasni elishqa urnishi kerek!inshah Allah menmu yalghuz jenimgha köre bir ishlarni pilanlawatimen,belkim bu mining bu meydanda axirqi qetim pikir bayan qilishim bop qeishi mumkin...birlik baraberlik hemmidin muhim!amma hörlük we sawapning yolliri köp

Hemminglarning könglige insap,wujudigha wijdan tileymen,kurushkiche aman bolghaysizler!