PDA

View Full Version : Germaniye Parlaminti Erziyet Komissiyonining tewisiye qarari



WUC/DUQ
29-06-09, 18:16
http://www.uyghurcongress.org/Uy/News.asp?ItemID=1246303630

Tewisiye Qarari

Germaniye Parlaminti Erziyet Komissiyoni Germaniye Parlaminti we Hökümitige sunidu

Erziyet Komisyonining 2009-yili 5-ayning 28-kunidiki yighinda qobul qilindi


PROT. NR.16/82

PET 31605104044222


Tewisiye Qarari töwendikiche:

Dunya Uyghur Qurultiyi teripidin sunulghan eriznamini

1. Germaniye hökümitige, Tashqi Ishlar Ministirlikige pakit matiriyali süpitide yollash

2. Germaniye Parlamintidiki herqaysi partiye gruplirining diqqitige jiddi sunush

Tewisiye Qararining asasi:

Dunya Uyghur Qurultiyi ning eriznamiside Germaniye Parlamintigha, Yawropa we Xeliq'ara jamaetchilikke Xitay hökümitini Uyghur xelqining insaniy heq-hoqoqlirini depsende qilish we ularni zulum teqiplerge selishtin qolini yighishi üchün besim ishlitishke murajet qilghan.

Dunyaning herqaysi jayliridiki Uyghur teshkilatlirining merkizi bolghan Dunya Uyghur Qurultiyi ning reisi Rabiye Qadir xanim mektubida, öz teshkilatining Beijing Olimpik tenheriket musabiqisi bashlinishtin burun we olimpik musabiqisi mezgilide Uyghur xelqighe qaritilghan yingi bir nöwetlik kishilik hoqoq depsendichiliki dolqunining meydan'gha kilishidin qattiq teshwishte ikenlikini bildürgen idi. Bu teshwishlik endishiler kiyinki künlerde özining rasitliqini ispatlidi. 2008-yili 1-aydin 6-ayghiche bolghan qisqighine muddette, Shinjang ölkiside yashawatqan Uyghurlargha qarita elip birilghan hujum qilish, tutqun qilish, itip öltürüsh we ölümge buyrush digendek weqeler köplep sadir boldi. Xitay hökümiti olimpikni süy'istimal qilip, emeliyette basturushni kücheyitken idi. Xitay hokumiti dawamliq türde insan heqlirini qoghdashtiki tüp ehdinamilerge xilapliq qilip keldi. Yawropa parlamintining, Amrika Kon'girisining we yene nurghunlighan kishilik hoqoqni qoghdash teshkilatlirining azsanliq Uyghurlargha we ularning heqlirige hörmetlesh heqqidiki talay ötünishliri Xitay hökümiti teripidin sistimliq halda nezerdin saqit qilinip keldi.

Xitayda we chet'ellerde yashawatqan Uyghurlar bundaq qismet aldida üzini yardemchisiz his qilishti. Xitayda, Uyghurlar teripidin kötirilgen herqandaq bir naraziliq sadasigha “bölgünchi”, “esliyetchi”, yaki “dölet düshmenliri” digendek tamghilar bisildi. Epsuslinarliqi, qismen Uyghurlar özining bundaq ümütsizlik höküm sürgen qismitige zorawanliq qollunush bilen jawap berdi. Misalen: 2008-yili 8-ayning 4-we 10-künliri Qeshqer we Kuchada Uyghur jengchiliri bilen Xitay bixeterlik qisimliri otturisida toqunushlar meydan'gha chiqti. Buninggha Xitay hökümiti pütkül Shinjang teweside bigunah Uyghurlarning öylerge qanunsiz basturup kirish, qanunsiz axturush, xalighanche tutup solash we ölümge buyrush qatarliq tiximu qattiq zorawanliqliri bilen jawap qayturdi.

Dunyadiki Uyghurlarning merkizi teshkilati bolghan Dunya Uyghur Qurultiyi tinich itiraze bildürüsh we diplomatiylik yollar arqiliq zulumda yashawatqan Uyghur xelqining öz teqdirini özi belgilishi üchün pidakarliq körsetmekte. Emma, Dunya Uyghur Qurultiyi yalghuz özigila tayinip yuqarqidek zorawanliqlarning meydan'gha kilishini tosup kitelmeydu. Shunglashqa, Dunya Uyghur Qurultiyi Germaniye Parlaminti, Yawropa parlaminti we xeliq'ara jamaetchilikning Xitay hökümitige besim ishlitip Uyghurlarning omomiy weziyitini yaxshilashqa qistishini, bolupmu hemmidin awal Uyghurlargha qaritilghan ighir teqipni bikar qilishini we Uyghurlarning kishilik hoqoq weziyitini yaxshilashni tewsiye qilishqa murajet qildi.

Bezi konkiritni mesililer Parlaminitqa tapshurulghan arxipta tepsili körsitildi.

Erziyet Komissiyonigha Parlamintning bu mesililer heqqide mexsus tekshürishide paydilinishi üchün yene bezi pakitliq matiriyallar keltürüldi. Elwette, otturigha itilghan her bir mesilining hemme teripini ayrim-ayrim muzakire qilish imkaniyiti bolmighanliqini toghra chüshünüshni soraymiz.

Erziyet Komissiyoni yuqarqi erizname heqqide tashqi ishlar ministirlikidin ikki pikirni aldi. Bu pikirlerni nezerge alghan asasta Parlamintning bu toghradiki tekshürishining netijisi töwendikidek boldi:

Erziyet Komissiyoni Xitaydiki, jümlidin Shinjangdiki Uyghurlarning kishilik hoqoq weziyitini dawamliq türde yiqindin közitidu. Nöwette, Xitay hökümitining neziride (Uyghurlar) "bülgünchi" digen gumani köz qarash kücheygensiri Shinjang ölkisidiki az sanliq Uyghur musulmanlirining weziyiti tiximu jiddiyliship barmaqta. Erziyet Komissiyoni Xitay hökümitining özini özi idare qilishni istigüchi barliq tereplerge qattiq qol tedbirler bilen taqabil turidighanliqini ihtiyatchanliq bilen tonup yeti.

Erziyet Komissiyonining 3 kishilik xizmet guruppisi Parlamint wekillirining Xitayni tekshürüp közdin kechürüsh xizmet ramkisi ichide, 2009-yili 4-ayda Xitaygha qilghan sepiride Uyghurlar asaliq yashaydighan Shinjang ölkisigimu bardi. Ular bu jeryandiki uchrishishlarda Komissiyonning xizmet guruppisidiki ezalar özi bilen uchrashqan Xitay wekillirige kishilik hoqoq depsendichilik mesilisi heqqide mexsus toxtaldi. Bu söhbetlerning zadi qanchilik ünüm hasil qilghanliqigha bir nime diyish hazirche qiyin turmaqta.

Erziyet Komissiyoni Germaniye hökümitining Yawropa ittipaqidiki bashqa döletler bilen Xitay otturisida elip biriliwatqan ölüm jazasini toxtitish we elemdin qaldurush toghrisidiki köp tereplimilik söhbetliride Xitay hökimitini Uyghurlargha barawer muamile qilish we ularni hedigendila qara-qoyuq halda tirorluq we bölgünchilik bilen guman qilmasliqini otturigha qoyup kiliwatqanliqini qizghin qarshi alidu. Texi yiqindila, yeni 2008-yili 11-ayning 4-küni elip birilghan Germaniye-Xitay qoshtereplimilik kishilik hoqoq dialogida Germaniye hökümitining kishilik hoqoq boyiche ali wekili yuqarda iytilghanlarni bija keltürdi. Erziyet Komissiyoni yene Germaniye hökümitining Yawropa birligidiki döletler bilen yiqindin masliship Xitay hökümitini Uyghurlarni öz ichige alghan halda her bir qolgha ilin'ghan bigunah kishilerning ehwali heqqide birmu bir hisap birishke qistash tedbirini alghanliqini qarshi alidu.

Germaniye hökümiti bu we buninggha oxshash tedbirlerni ilishi we bu heqtiki tirishchanliqini tighimu jari qilalishi üchün, Erziyet Komissiyoni Dunya Uyghur Qurultiyining bu eriznamisini hökümetning bundin kiyinki tedbirlirini elishigha paydilinishi üchün Germaniye Parlaminti we Tashqi Ishlar Ministirlikige pakit matiriyal süpitide yollashni we Germaniye Parlamentidiki herqaysi partiye-gruplarning diqqitige jiddi silishni resmiy teklip qilidu.



(Eskertish: Bu Tewisiye Qarari, Erziyet Komisyonining bashliqi Kersten Naumann xanim teripidin 2009-yili 6-ayning 24-küni, Dunya Uyghur Qurultiyi ge yollighan nusxisigha asasen, Dunya Uyghur Qurultiyi bash katiplighi teripidin terjime qilindi )

Unregistered
30-06-09, 05:29
Yaraysiler Ezmetler!Harmighaysiler!mana bu Tinichliq bilen elip berildighan inqilap................Dunyadiki bashqa Teshkilatmu Üzi turwatqan Dowlet parlamentigha bu xil matiryallarni dawamliq yollap tursa yaxshi bolghan bolatti???????

Unregistered
30-06-09, 10:47
silerge kop rehmet ! huda buyrisa bu hittaylarningmu az wahti kaldi.