PDA

View Full Version : shinjangda....



salam
03-11-04, 10:33
Shinjangda “Halaket Déngizi”ni Késip Ötüdighan Ikkinchi Tashyol Yasilidu

Shinhua tor békiti Ürümchi 2-noyabir xewiri. Muxbirning Shinjang tashyol layihilesh-tekshürüsh yurtidin igilishiche, Teklimakan qumluqini toghrisigha kesip ötüdighan ikkinchi tashyolni qurushqa dair tekshürüsh-delillesh ishliri yéqinda tamamlan’ghan, bu qurulush kelgüsi 3 yilda püttürülidiken. “Halaket déngizi”ni késip ötüdighan bu tashyol Aqsu – Aral – Xoten tashyoli bolup, birinchi qumluq tashyolining gherbige toghra kélidu. Mezkur tashyol Teklimakan qumluqining jenubidiki Xotendin bashlinip, Xoten deryasini boylap shimalgha sozulup Teklimakan qumluqidin ötüp, yéngdin berpa qilin’ghan

bostanliq sheher Aralni hemde Tengritéghining jenubidiki yéngidin güllen’gen sheher Aqsuni öz’ara tutashturidu. Bu qétim qurulidighan bölek Aral – Xoten yol böliki bolup, omumiy uzunluqi 423.5 kilométir, bu bölek Xotenning Yurungqash deryasi köwrükining sherqiy qirghiqidin bashlinip, Aral shehiridiki Aral – Tumshuq tashyoligha yéqinlishidu. Pütün liniyide ottura derijilik köwrüktin 3 i, kichik köwrüktin 7 si, asti-üstidin qatnash wasitiliri ötüshidighan köwrüktin biri qurulidu, qurulush ikkinchi derijilik tashyol ölchimide bolidu, bu türge texminen 1 milyart 500 milyon yüen meblegh sélish mölcherlen’gen. “Halaket déngizi”diki birinchi tashyolni néfit tarmaqliri 1995-yili pütküzüp ishlitishke bashlighan bolup, dunya boyiche köchme qumluqqa qurulghan bu tunji tashyolning uzunluqi 552 kilométir idi.

Waqit 03, November, Wednesday @ 00:00:00 CST -din Nur