PDA

View Full Version : Döletning düshmenliri kim ?!



Unregistered
07-06-09, 03:12
Döletning düshmenliri kim ?!

Derexning düshmini ichide bolidu, u mite yaki qurut diyilidu.
Qarimaqqa saghlam turghan derexni peqet qurutla ichidin yep tügitidu. Bu qurutni kim tutalaydu ?.....


Minnetdarliq bildüreyli dep bir sho’ar chiqti.....Kimge minnetdarliq bildürimiz ?!.....Döletke !....
Toghra minnetdarliq bildürimiz...Emma awal silidin, andin bizdin.....Deslep chongdin kelsun.....Dölet bizge minnetdarliq bildürishni ügtip minnetdarliq bildürsun.......
Nimishqa demla ?....
Ijarekémeytip,koniliqni,yoqitayli-didi...Kémeyttuq,yoqattuq...Yerlerni,qoshayli-didi...Qoshtuq....Jongsenfukiyeyli-didi...Kiyduq.....Yene chögilep,töt kishilik guruhni pipen qilayli didi...Maqul-dep qilduq...Yerlerni böleyli didi...Böldüq....Medeniyet yadikarliqlirini qoghdayli didi..Maqul, mana alsila dep qoghdaydighan’gha ötküzüp atimiz salghan qurulushni pulgha köridighan bolduq...Emdi yer tewreshke chidamliq öy salimiz didi...Kések-lay bilen tizip chiqqan tariximizni chaqtuq.....
"3 ke qarshi,5ke qarshi" herkettin tartip xuddi aldigha bir qedem keynige ikki qedem mangidighan yüzi rengdar changchilikeshtek méngiwerduq.......
Yer islahatida ching dewridiki miras yerlerge qeder islahatqa qoshtuq.Kopiratsiyeleshtürüshte at-harwidin tartip gomindangdin burunqi miras yerlerge qeder omomgha qoshtuq. Zimndar-pomichiklarni yoqitayli, ishchi-déhqanlar rehberliki dep, bir nechche yalangtösh sarangni kaltekchi qilduq.
Biz xeli maqul dep qilmighan ish qalmidi.....
Medeniyette dunyawi inqilap qilimiz dep chinshixuang ölimalarni tirik kömüp,namilarni köydürgendek yurtning heqsözlüklirini yalingachlap urup öltürüp, üzündidin bashqa hemme kitap-namini köydürüp qoqas qilduq. Hetta chinshixuangdinmu ashurup erlerning saqili ayallarning chachlirigha qeder qirip-késip memliket boyiche kertim chach, kosa ingek qilmaqchimu bolduq.
"qanxor jallat" dewalghan gétlér, térotériyiside chérkawgha bérishni tosimaptiken. Emma biz mawzédongning süritige qarap ishqa bérishni, bir qacha yobdannimu ruxset sorap ichishni moda qilduqqu !?
Way gétlér.....Way gétlér....Xélila yaxshi ademning balisikensen eslide.........
U chaghlarda,kim ökte qopsa shu del döletning düshmini idi.
Emma kéyin bu düshmen biz emes ,bizni shundaq qilishqa mejburlighan rehberler düshmen chiqip qaldi.
Emdi bilduq, shu zamanda heq sözligen,"döletning düshmini" dep urup öltürülgenler döletning heqiqi dostiken emesmu!!...
Medeniyet inqilawidiki eng buzuqchi, zalimlar emelyette nechche milyondin ashidu . Emma biz töt tal ademge jinayetni yüklep qalghinini qutuldurup qalduq. Shu urughi buzuqlarni bügün yene yoq dep éytalamduq?!
Dimek döletning düshmenliri yenila bar. Etrapimizda marilap, baytaldin ayghirning kaltikini, qoshqardin saghliqning iznasini izdep yuruydighu......


Qandaq emdi dep baqsila....Kim kimge minnetdarliq bildürse bolghidek ! ...
Dölet bilen birlikni ,merkez bilen ortaqliqni saqlash üchün biz shundaq qilduq. Xataghimu maqul diduq,tüzitiwalsimu kérek yoq diduq. Yene qaytilisimu egishiwerduq.....Qandaq? Biz minnetdarliqqa layiqkenmizmu........
Xeliqning jonggo qurulghandin buyanqi qoshqan hessiliri teshwiqatta kadirlarning yéteklishi bilen diyilidu...Ter töküp töt tal pul tapsaq...Uning rehberliki, buning yéteklishi dep sözlep kétidu teshwiqatlarda .
Tasla qalidu, biz tapqan balinimu özining qiliwalghili...Qisir guylar.....
Pash qilish sanduqliri dat bésip turidu...Kimni pash qilimiz....Dadisigha balisini pash qilamduq....Köte undaq rengwazliqingni.....Pash qilghung bolsa, minglap moluq shexsi yerlerni...Heshemetlik dachilarni sürüshtüriwal....Igisini tapsangla..Parixor emeldarni tapisen....
Quyruq körsitip öpke satti dep anglighan....Shatraq urghan qongini bashquralmay, "bashqurushup béremla" digenni anglimighan.......Sen, nede oqighan bu dersni......Xelq hakimiyet yürgüzidu digen’ge san toshqazmaqchima....
Yénidin pul chiqarmay bizning baj pulimizgha bir xalta un bilen birer ajizni yoqlap qoysa télwizorda hepte kün’giche dawrang salidu...Yüz koy pulni qoligha tutquzup, xijilliqta aran turghan bicharini zomuzor hijaytip, xuddi ölümdin qutquzup qalghan nijatkardek filimler ishleydu...
Bilemla ,awu télwizor digen’ge birer mehsulatni maxtap élan berse sékonti milyon koymish....Emma mawu "sodiger"ler nechche yüz koyghila özini yérim sa’et élan qiliwalidu emesmu.....Tijaretke mahir, qaqwash guylar....
Exlaq qurilishi digen nime u !?....Eshu yüzi qélin nomussiz ademler bizge exlaq toghriliq ders ötemdiken....Hu! pala nimemni.......Sendin japa tartip kantoluq qildighan oghri yaxshi....
Döletning düshmini kim !?...

Kéyin pipen qildighan siyasetni kim tüzdi!.......
Hökümetning pulini, xeliqning qan-terini kim yidi!?....
Ikki gepning biride kim xeliq ichidin düshmen izdidi?....Kimu bizgila qoqaq sélip dölet xeliqning otturigha ishenmeslik peyda qiliwatqan....?
Döletke kim düshmen bolalaydu....Hoylisida ketmen-gürjekke, töt témi bilen puchuq hoylisigha aran igidarchiliq qilalaydighan bizdek ademlerma.....Yaq, yaq..........Hergiz bolalmaydu. Chünki xeliq tinichliq, barawerlik astidiki döletni söyidu.
Milyonlap armiyisi,saqchi we qorallaq saqchi küchliri, asmanda ayrupilani yerde bironik-tankiliri,suda herbi paraxotliri bar döletke bizni düshmen bolushqa righbetlendürmekchima....Qolida tömürning suniqimu yoq xeliqni, döletni söyüsh muhebbiti tolup tashqan bir xeliqni kim düshmen qatarigha qoshuwatidu !?...Düshmen bolushqa zorlawatidu !?
Hazir hajetxanidimu uzunraq olturushtin qorqidighan bolup qalduq. Gémoroyken dimisun dep, hajetxanidimu xiyal sürüp oltarghili bolmaydu...Ma töhmetchi guylarning derdide....
....Ularning qiltiqigha hergiz chüshmeymiz......Biz qiltaqqa dessep ghiq toyghan....5xil küchke qarshi tursh, sinipiy düshmenlerni yoqutush, ......Idiyini birlikke keltürüsh,...Basensi, arsensi bolup ikki exmeqni qoghdash......Biz bundaq qiltaqlarni tola körüp toyup ketken......Topa yiyishke razi bolsimu, éhtiyattin öt-chöp yimeydighan toshqandek eqilliq bop ketken.

Linbiyolar pütün jonggoluqni ata-bowisidin kéchip, esli-nesebini untup, qip-qizil rohqa ige ademler bolsiken digen xiyalda inqilap qiptiken.Ularning xiyali mahiyettin döletke paydiliq. Emma keltürdighan egeshme ziyini döletke mislisiz soruqchiliq boldi.................
Xyali yaxshi bolsila döletning dosti bolamda....Herket-niyiti xata bolsa bügünki kündimu oxshash....Solaymiz....Éghirraqlirini atimiz......
Eshundaq telwiler kim bolishidin qet’inezer, u döletning düshmini! ular herqanche dölet menpe’eti dewalsimu emma mahiyiti oxshash....Bügünmu ularni pipen qilish kérek ! merkezning yolyoriqigha awaz qoshup, ularning mes’uliyitini sürüshtürüsh kérek !.........
Qara-qoyuq siyaset, ilmiliktin yiraqlashqan échish sho’arliri bilen hökümetning obrazini , xeliqning hisyatini dexlige uchritiwatqan kim !?....Elwette qolida hoqoqi , qongida hökümranliq orundiqi bar, déplomidin bashqa héchnimisi yoq, siyasetwazlar...
Minglighan adem japa tartip, milyonlighan xeliq testiq sélip nurghun qanun tüzduq......Adem olturup anglisa, aldirimay oqisa közige yash kélidu...Qanun digen shundaq bolar.....Emma "qanunni menpe’et" deydighan buyrikat ongchi idiyidikiler nime qilmidi..."öz jayigha qarap ish körüsh, yerlik siyaset bilen birleshtürüsh" digendek teypinem waqtidiki künlükni kötüriwélip uning qara sayiside qolidin kelgenning hemmisini qildi....
Undaq adem nime qilimiz ortaq qanun tüzep.....Bu qanun peqet bashqilargha, özimiz yep baqmighan miwining shöpikini körsitip" bizmu miwe yewatimiz" digendek bir ish bolmamdu....
Wolga deryasi idil dep atilidighan, mongghuliye daliliri we bizning bu tupraqlar ötüken diyilidighan zamanlarda rumning elchisige, bulghar xaqani almishxan shundaq deptiken:
"siler deryada birla béliq, ormanda birla kiyik, yaylaqta birla chéchek bolsa dep oylaysiler. Emma tengri yaratqan bu rengdar dunyani kim özgerteleydu ?! bir küni silerning bu achközlükingler béshinglargha chiqidu".

Zaman özgerdimu ?. Yaq !. Héchqanche özgermidi. Peqet nam-ataqla özgerdi. Bowilar hezer dep atighan déngiz, hazir kaspi dep atilidighan boldi.
Almishxan, yawropa edebiyat-sen’et güllinish dewrinimu körmigen, ikki gepning biride shinxey inqilawining tesiri dewalidighan héliqi inqilapning tesirige uchrash sheripige érishmigen. Sotsiyalistik özgertishtining qandaq boldighanliqini bilmeydu. Gégil pelsepesi bilen koministik partiye xitapnamisini oqimighan. Jonggoning insaniy hoqoq herkitidin’ghu ming yil burunla ölüp ketken.....
Emma u, qimiz, qétiq bilen gösh yep at üstide yürüydighan chala sawat adem bolsimu, ming yil ilgirila insaniy barawerlikni hés qilghan.................
Ene shu insaniy hoqoq kapaliti toghrisdiki sözler bolghan, bu ziminda ming yildin kéyin nimiler bolmidi.....Almishxan heykilini tikleptikenmu ?!..Eshular tiklidi.....Almishxan "xeliq üchün xizmet qilimiz"dep towlaptikenmu !?....Yaq...Eshu düshmen’ge emes,xelqige nochilq qilalaydighan tirik heykeller towlidi...
Way bayqushlar......Boldila....Biz üchün xizmet qilmisangmu-qilma....Emma ziyan salma....
Döletning düshmini zadi kim ?!

2-dunya urushida némislarning bir génirali bir parche kilastik resim üchün bir binagha bomba tashlashni tosaptiken.
Emma bizchu ?!...Chaqe-chaq .....Chéqiwatimiz...Teliyimizge chandurmay parche-purat yer tewrep bériwatmamdu.......Ming yilning yaqi buzulmighan restiler,medeniyet inqilawidimu chéqilmay aman qalghan qedimiy kochilar bügün chéqiliwatidu. Séning közengge sighmighan, shingshiseydinmu aman qalghan qurulushlarni qolimiz bilen buzduq. Geplirimiz qaltis "zamaniwi sheher, yürüshleshken olturaq rayon".......Qizil shelper tartip qoysila, hemme ish qizil bolup kétemdiken.....
Unchilik sodining épini bilmeydu dep oylighanma..Yaltiraq gep qilsang......Kuwadiratini ming somdin, yaki besh yüz somdin alisen...Andin her kuwadiratni nechche mingdin satisen......Aran shu eqil barma sende ...Way yalghan alijanap......
Shangxeydiki kona qurulush we binalarni qandaq qilip saqlap qalghanliqi toghrisida, dölet qedimqi medeniyet we qurulushlar mutexessisi "her bir sheherning özige xas alahide qurulmisi bolidu.Buni asrash we hörmetlesh shu sheherni we ahalining tarixini hörmetlesh bolidu" dewatmamdu....Qarighanda shangxeylikler xéli hörmetlik oxshimamdu....Ularning pishaniside "hörmetlik yoldashlar" dep qashqisi bar oxshimamdu.......
Mewlane jalaliddin wapat tapqanda,musulmanlarkalamu-shérifni,xiristi’anlar injilni ,buddistlarnom-sutralirini oqushup hemmisi özyösüni boyiche mewlanige teziye bildürüp chiqiptiken.Hazirmu rengdar kishiler rengdar shekilde xatirleydiken.....
Bizchu ?!.......Yoldashlardin bolmisa, nezir-alqish qilalamduq....
Bizde mewlane azmu ?!....Bizde yilda xatirligüdek közi ochuq ketken qehriman merhumlar yoqmu ?!......
Chinggizxan jan üzgende, shamanning kamliri, musulmanning molliliri we néstorining derwishliri béshida qarap turup uzitip qoyuptiken.
Sili dep baqsila ?.....Bu zimin, bu xelq kimlerni uzitip qoymighan....Héch bolmisa eshundaq béshida qarap turup,aghzigha su témitqidek adem bolsa yaxshi emesmu.....
Hey...Y.....Siyasida hile-neyrengnimu mertlik bilen qilalaydighan adem qanchilik deyla.....
Döletke minnetdarliq bildürimiz.....Emma döletmu bizge minnetdarliq bildürsun.....
/180px-
Bowilirimiz, toqquz jaydiki térilghularni....Paxta zawut, tügmen...At-kala, tömür harwilar bilen omomi mülükchilikke hesse qoshuptiken.....Buning bedilige ularning dölettin alghan "mukapati" az emes. Bizge kelgendimu küchimizning yétishiche döletke ghelle-paraq, baj tapshurup, teshwiq-siyasetlirige awaz qoshup kéliwatimiz. Shunga men " biz minnetdarliqqa layiq" dep hésaplaymen.
Shunga dölet choqum bizge minnetdarliq bildüridu. Bu minnetdarliq xelq qurghan,xelq zamaniwilashturghan döletning shereplik burchi .
Döletning heqiqi düshmini sirtta bolmaydu. U choqum mewjut ichki qisimda bolidu.
Büyük chingning heqiqi düshmini kim idi !?....Elwette, parixor, nepsaniyetchi, zalim emeldarlar......
Jongxua min’go nime üchün ghulap chüshti ?!....Elwette chirikleshken tüzülme bilen wetenperwerlik éngi yoqilip, xeliqtin yiraqlashqan emeldarlar .......
Sözlep kelsek pakit taghdek.....
Dimek, döletning düshmini, del dölet yüzige atalmish yaxshi niyette bilen qara sürkewatqan bir ochum rengwaz mitiler........
Qomul sheher sheher ichi yéza jigde quduq kent.
Abduréhim abletxan.

2009-yili 5-ayning 29-küni

Abduréhim abletxanning bilogi.
http://ablathan.blogbus.com

Unregistered
07-06-09, 04:48
ajayip yizilghan bir makaliken hemme kerindashlarning okup qikishini tewsiye kilimen.