PDA

View Full Version : bu axbaratmu?



Unregistered
14-05-09, 15:24
Dunya Uyghur Qurultiyining III. nöwetlik Wekiller Qurultiyi toghrisida Axparati - Tuesday, May 12, 2009




Dunya Uyghur Qurultiyining III. nöwetlik Wekiller Qurultiyi toghrisida Axparati



Dunya Uyghur Qurultiyi ning 3 – nöwetlik omomi wekiller Qurultiyi, 2009 – yili 5 – ayning 21 – künidin 25 – künigiche Amerikining paytexti Washingtunda chaqirilidu.

Bu qetimqi Qurultaygha birleshtürülüp, Qurultaydin ilgiri yeni 5-ayning 18-19-künliri, Dunya Uyghur Qurultiyi, Wakaletsiz Milletler Teshkilati (UNPO) we Amerika Demokiratiyeni Ilgiri Surush Fondi (NED) ning birlikte sahipxanliq qilishi bilen, “Kommunist Xitay hakimiyitining Sherqiy Türkistandiki zulmetlik 60 yili” digen temida xelqaraliq ilmi muhakime yighini chaqirilidu.

Bu qetimqi tarixiy ehmiyetke ige qurultay we xelqaraliq ilmi muhakime yighinigha, Qurultay rehberlik heyitining mesul xadimliri, Qurultay teripidin bekitilgen resmi wekiller, Dunyaning herqaysi jaylirida paaliyet elip beriwatqan uyghur teshkilatlirining asasliq mesulliri, cheteldiki uyghurlar ichide tonulghan jamaet erbapliri, alim we mutexesisler, diniy zatlar, shundaqla xelqaraliq kishilik hoqoq teshkilatlirining wekilliri, Amerika Kongresining ezaliri, chetellik siyasi küzetküchiler, Uyghur mesilisini tetqiq qiliwatqan chetellik alim we mutexesisleri ishtirak qilidu.

5-ayning 18-19-künliri, “Kommunist Xitay hakimiyitining Sherqiy Türkistandiki zulmetlik 60 yili” namliq yighinda, chetellik we Sherqiy Turkistanliq tetqiqatchilar teripidin, kommunist Xitayning 60 yildin buyan Sherqiy Türkistanning herqaysi sahelirige qarita yürgüziwatqan atsimilatsiye siyasitige omomi yüzlük baha berilip, Uyghur xelqi nöwette duch keliwatqan jiddi mesililer we uyghurlarning kelgüsi teghdiri mesilisi heqqide etirapliq ilmiy muhakime we bahalash elip berilidu.

Qurultay, 5-ayning 21-kuni, Amerika Kongresining yighin zalidiki resmi echilish murasimi bilen bashlinip 5-ayning 25-kunigiche dawam qilidu. Dunya Uyghur Qurultiyining ötken 3 yil ichide elip barghan omomi xizmetliri xulasilinip we közdin kechürülüp, bundin keyin yürgüzmekchi bolghan yengi istiratigiyesi we xizmet pilani muzakire qilinip, chetellerde elip beriliwatqan Sherqiy Turkistan milliy herikitining yengi yol xeritisi bekitilip chiqilidu.

Qurultayning rehberlik heyiti domokratik usulda qaytidin saylap chiqilip, Qurultayning nizamnamisigha qarita dunya weziyitige we dawayimizning ehtijayigha mas halda qaytidin yengi tüzütüsh kirgüzilidu, Qurultay qarmighidiki organlar heqqide tertipke selish we toluqlash elip berilidu.

Hemmige melum bolghinidek, milliy rehbirimiz Rabiye Qadir bashchiliqidiki Dunya Uyghur Qurultiyi, weten ichi we sirtidiki barliq Sherqiy Türkistan xelqining xelqaradiki birdin – bir toluq hoqoqluq xelqaraliq orgini bolup, Qurultiyimiz Sherqiy Türkistan milliy dawasini elip berishta, BDT insan heqliri omomi bayannamisining we unung siyasi, iqtisadi, ijtimayi, dini we medina heqlirini öz ichige alghan pütün shertnamilirining rohigha toluq hörmet qilip, demokratip pirinsiplargha tayanghan halda Sherqiy Türkistan xelqining ebedi erkinliki we öz teqdirini özi belgilesh hoqoqini qolgha keltürüsh, Sherqiy Türkistan mesilisini xelqaralashturush, Xitay hakimiyitining Sherqiy Türkistandiki jinayi qilmishlirini dunya jamaetchilikige anglitish, pash qilish we insani heq – hoqoqlirini qoghdash yolida jiddi xizmet qilip kelmekte.

Dunya Uyghur Qurultiyi–milliy birlikimizning, barawerlikimizning we ittipaqliqimizning simowuli we asasi bazisi bolup, birlik we barawerlik – weten ichi we sirtidiki pütün helqimizning nöwettiki ortaq arzusi we dewirning teqezzasidin ibaret.

Bügünki Dunya Uyghur Qurultiyi hergizmu tasadipi otturigha chiqip qalghan emes, belki shanliq tarixqa, muntizim teshkili we ammiwi asasqa, xelqaraliq siyasi noposqa ige bolup, Qurultiyimiz, 1933 we 1944 – yilliri qurulghan ikki musteqil jumhuriyitimiz teripidin weten samalirida jewlan qildurulghan ay – yultuzluq kök bayriqimizning chetellerdiki heqiyqi warischisi, shundaqla chetellerde 60 yildin buyan Kommunist Xitay hakimiyitige qarshi elip beriliwatqan milliy herikitimizning wekillik orginidin ibaret.

Xelqimizning küchlük teliwi, dewirning teqezasi, teshkilatlirimizning we siyasi paaliyetchilirimizning teshebbusi bilen, 2004 - yili Aprilda Germaniyening München shehride chaqirilghan birleshme qurultayda, < Sherqiy Turkistan (Uyguristan) milliy qurultiyi bilen Uyghur>ning birlishishi netijiside, weten ichi we sirtidiki barliq Sherqiy Türkistan helqining heliqaradiki birdin – bir toluq hoqoqluq ali rehberlik orgini - qurup chiqilghan we buning bilen, Xitay hökümiti teripidin, dep qaralghan ikki qurultay bir merkez we bir lagir astida birliship, Dunya siyasi sehniliride paaliyet élip bériwatqan barliq Sherqiy Turkistan teshkilatlirining birlik we barawerlik asasida ortaq heriket élip bérishining mustehkem teshkili asasini turghuzup chiqqan idi.

Hemmizge melum bolghinidek, milliy herikitimizning xelqaralishish qedimining tezlishiwatqanliqidin sarasimige chüshken Xitay hakimiyiti, xelqimizge qaratqan atsimilatsiye herikitini, zulum we besimini hessilep ashurup barmaqta. Bügün uyghurlarning milliy mewjutluqi terixtin buyanqi herqandaq waqittinmu bekerek zor xewipke duch kelmekte. weten ichidiki xelqimizning echinishliq weziyiti hemmimizge besh qoldek ayan. Xelqimiz weten sirtida elip beriliwatqan milliy herikitimizdin zor ümit kütmekte, bundaq bir tarixi sharayitta biz özara birlik–ittipaqliqqa, hemkarliqqa herqandaq waqittikidinmu bekrek muhtaj halda turmaqtimiz.

Bu qetimqi qurultiyimiz, hemmimiz üchün yengi bir purset, milliy herikitimizde yengi bir dewirning bashlinishidin ibaret. Shunga barliq teshkilatlirimiz, wetenperwerlirimiz, siyasi paaliyetchilirimiz we barliq qerindashlirimiz weten – milletning tüp menpeetini hemmidin ela bilip, orunsiz talash – tartish we ixtilaplarni bir chetke qayrip qoyup, ortaq ghayimiz we nishanimiz üchün birlikte heriket qilishimiz, shu arqiliq xelqimizning bizdin kütken ümidlirini yerde qoymasliqqa tirishishimiz lazim !



Dunya Uyghur Qurultiyi

2009-yili 5-ayning 12-kuni

Unregistered
14-05-09, 17:27
kompartiye xitapnamesige oxshaydiken.puuuuuuuuuuuuuuuuuuuppppppppppppppp

Unregistered
15-05-09, 15:25
Huddi bir qattiq bir nerse arqingizdin qadilip, aghzingiz puuuuuuuuuuuuuuuuuuupppppildap ketkendek turamdu qandaq !

kompartiye xitapnamesige oxshaydiken.puuuuuuuuuuuuuuuuuuuppppppppppppppp

Unregistered
15-05-09, 17:19
siz qesten yazamsiz yaki bilmey yazamsiz?