PDA

View Full Version : Ilham Toxtigha veten ichidiki baha



Unregistered
03-04-09, 01:09
TOWENDIKI BETTIKI Qaysi Uyghurning derdi yoq degen maqalini oqusingiz, Ilham Toxti heqqide veten ichidiki bir ziyalining inkasini anglaysiz

http://bbs.kaxtexi.cn/

Unregistered
03-04-09, 10:58
TOWENDIKI BETTIKI Qaysi Uyghurning derdi yoq degen maqalini oqusingiz, Ilham Toxti heqqide veten ichidiki bir ziyalining inkasini anglaysiz

http://bbs.kaxtexi.cn/

Wetendiki u betlerdin eliwettimu? kandak? men yukarki temidiki makalini tapalmidim. kochuriwalghan bolsanglar bu yerge yezip koysanglay. aldin rehmet.

Unregistered
03-04-09, 12:05
Wetendiki u betlerdin eliwettimu? kandak? men yukarki temidiki makalini tapalmidim. kochuriwalghan bolsanglar bu yerge yezip koysanglay. aldin rehmet.

barken. men hazirla oqup chiqtim. köchüriwalghili bolmaydighan oxshaydu. shu betke kirip, sol yaqtin töwenki 2- " nadir témilar" dégen bölektiki qurlargha qarisingiz köreleysizken. bir qétim oqup chiqing.

uaa_admin
04-04-09, 07:37
Qaysi uyghurning derdi yoq

Uyghurlarning ichi dertke tolup ketti . Bu dertning mingdin birini hörmetlik ilham toxti ependi éghizidin chiqardi . Jungguning asasi qanunini qoghdighan , döletning bir pütünlikini himaye qilghan , milli tiritoriyelik aptonomiye qanunini qoral qilghan asasta dadil sözlidi . Uning sözi milyonlighan uyghurlarning yürek sözi idi . Bu sada weten ichi -sirtini lerzige saldi . Hörmetlik ilham toxti ependi hés qilghan bu dertni uyghur diyaridiki bashqa ziyaliQaysi uyghurning derdi yoq
Uyghurlarning ichi dertke tolup ketti . Bu dertning mingdin birini hörmetlik ilham toxti ependi éghizidin chiqardi . Jungguning asasi qanunini qoghdighan , döletning bir pütünlikini himaye qilghan , milli tiritoriyelik aptonomiye qanunini qoral qilghan asasta dadil sözlidi . Uning sözi milyonlighan uyghurlarning yürek sözi idi . Bu sada weten ichi -sirtini lerzige saldi .
Hörmetlik ilham toxti ependi hés qilghan bu dertni uyghur diyaridiki bashqa ziyalilar hés qilmighanmidi ?

Emeliyette , bu dertlerni hés qilmighan birmu uyghur yoq . Bu hemmining béshigha teng kelgen , hemme yerge chéchilghan dert .
Uyghur ziyalilar qoshuni hemmidin awwal bu dertni hem bu dertning menbesini yaxshi bilidu .

Türme , hoquqidin ayrilip qélish , ma'ashidin ayrilip qélish unwanidin ayrilip qélish .......... Qatarliq endishiler ularni chish yérip bir nerse diyish jasaritidinmu ayrip tashlighan . Nurmuhemmet yasin , toxti murat , abdughéni memtimin ; Ge oxshash yash ziyalilarning türmide yétishi " toxuni boghuzlap maymun qorqutush " hiylisining ünüm qazan'ghanliqining delili bolup qalghan . Yene nurghunlighan mötiwer ziyalilarning xatiriside " medeniyet zor inqilabi "ning wehimisi saqlinip qalghach ular özliri titrep yashighanni azdep warislirinimu özsayisidin ürküydighan qilip qoyghan .Uyghur ziyalilirining öz millitige ige chiqalmasliqi , öz ewlatlirining teqdirige ige bolalmasliqi , haman derdini ichige yütüp yashishi uyghur jemiyitining pighanini örletken , yashlirimizni qanunsiz qarshiliqlargha mejburlighan amillarning biri hésaplinidu .

Dini rijimning küchiyishi , qosh tilliq ma'arip , aqqunlar mesili , ishsizliq , milli kemsitish ..............Qatarliq nurghun sahelerdiki adaletsizliklerni pash qilish , aptonum rayon qulaq salmighan ehwal astida ,merkizi hökümetke erz- shikayetler qilish , ziyalilar namidin imzaliq ochuq xetler yézish , qanunluq namayish qilish we ish tashlash arqiliq milletning omumi naraziliq inkaslirini ipadilesh ishliri ziyalilarning mejburiyiti idi . Bu yene öz nöwitide hörmetlik <ئىلھام توختى >ependi tilgha alghan "qanunluq oyghinish herkiti " hésaplinatti .

Uyghur ziyaliliri bu wezipilerning höddisidin chiqalmighandikin , derdi yürigige patmighan yashlar herxil shekildiki <Zorawanliq> yollirini tallap , milletning zarini eng wehshi usullarda jakarlashqa bashlidi . 2008- yili yüz bergen " tötinchi awghust semen yoli weqesi " buning tipik misali . Bu weqe pütün dunyani lerzige saldi . Jungguning " inawiti" ge qattiq tesir yetküzdi . Xelq'ara metbu'atlarni uzun'ghiche mezkur weqening dawringi igellidi . Buning aqiwiti qandaq boldi ?

Wang léchuen we nur bekri ependiler <Üch xil küchlerge qattiq zerbe bérish > sho'ari astida tazilash élip bardi . " muqimliq hemmidin muhim " dégen pirinsipni xelqimizning pütkül éhtiyajliridin üstün orun'gha qoydi .
Ilgirikidekla weqening peyda bolush sewebini sürüshtürüp olturmidi . Yaki ilmi analizlar élip bérip bundaq weqening qayta yüz bérishning aldini élishning qanunluq hem ri'ali chare -tedbirlirige köngül bölmidi . Eksiche zorluq bilen basturush siyasitige muraji'et qilindi . Nurghun yashlirimiz türmige bent qilindi . Ziyan döletkimu , uyghurlarghimu boldi . Bundaq weqening aldini élish eslide ziyalilar qoshunining mes'uliyiti idi . Uyghur ziyaliliri mushundaq qorqunchaqliq bilen kétiwerse , mewjut mesililerni hel qilishqa tirishmisa , abduraxman azat , qurbanjan himitqa oxshash ghezep -nepretlirini qoralliq qarshiliq bilen ipadileshke urunidighan yashlarni yene meydan'gha kelmeydu , dégili bolamdu ? Junggu we chet el mutexesisliri bu téma toghrisida nurghun analizlarni qildi . Méningche uyghurlarning derdini ichkirdiki 90% jungguluqlarning chüshenmeydighanliqi ras bolishi mumkin . Uyghurlarning derdining zadi qaysi derijige yetkenlikini merkezdikilerning toluq bilip ketmeydighanliqimu rast bolishi mumkin . Ularning anglaydighini , xam eshya we énirgiye bazisi bolghan uyghur diyarining ichkiri junggu üchün yildin yilgha köpiyiwatqan bayliq teminati we dölet xezinisige töküwatqan pulliridin ibaret . Emma bu bayliqlarning heqdar igilirining qanchilik namrat , muhtaj ikenlikini ashu , jintaw ependimning toluq chüshinishimu natayindur .
Hörmetlik ilham toxti ependining uyghur diyaridiki mewjut mesililerni dadilliq bilen xenzu xelqige we dunyagha anglatqanliqi büyük bir jasaret . Millitimizning ziyalilardin kütiwatqinimu del mushu jasaret ! bu jasaret milletler ara öchmenlikke chek qoyidu , merkizi hökümetning adil siyasetlirining uyghur diyarida xalighanche burmilinishigha chek qoyidu , muhimi , zorawanliqqa chek qoyidu .
40-yillardiki tarixni bilgüchilerge melumki ,muhemmet imin bughra , mes'ut sebiri ( bayquzi )eysa yüsüp aliptékinlermu del jungxua min'goning merkizi bolghan nenjingde , gomindangning yürikide turup uyghur millitining derdini anglatqan idi . Hetta ular pirqiliq hökümetning qurultiyida "shinjang "dégen namning ornigha "chini türkistan " dégen namni qollinish teklipini béreligen . Uyghur diyarigha ali muxtariyat telep qilalighan .
Bügünki uyghur ziyaliliridin buni kütüsh qiyin . Chet ellerdiki "milli bölgünchiler" ghaye qilghan nersilernimu héchkim bu ziyalilardin kütmeydu . Millet kütüwatqan we zörür boliwatqini kichikkine jasaret !
Hörmetlik ilham toxti ependige oxshash ,döletning asasi qanunigha xilapliq qilmighan , milletler ittipaqliqini buzmighan , döletning pütünlükige tesir yetküzmigen asasta milli tiritoriyelik aptonumiye qanunini qoral qilip turup , uyghur dertlirining mingdin birini bolsimu dadil anglitish arqiliq azaplirini yiniklitishke hesse qoshush her bir ziyalirilimizning insani , wijdani hem imani burchi idi !

Hörmetlik ilham toxti ependining hozurigha xelqimizning yiraq-yéqindin yollighan salimi we rehmitini sunimiz ........
-------- tordin
Tehrir ilawisi : __ eqil - idrakqa toyun'ghan tepekkür igisige nispeten , mezkur témida otturigha qoyulghan merkizi idiye we nuqtinezerni chüshinish tes emes .. Munber bixeterliki közde tutulup téma taqaq tehrirlendi