PDA

View Full Version : Qeshqerde öy chiqish, torda ray sinashning netijisi:



Unregistered
02-04-09, 17:13
Qeshqerde öy chiqish, torda ray sinashning netijisi:

ray sinash torining cheklimisi bolghachqa 100 adem qatnashqandin kiyinla taqilip qaptu. Tordashlarning toghra chüshinishini ümid qilimen. Töwendikiler netijisi:

98% tordashlar qeshqerde öy chéqishqa qarshi iken.
88% tordashlar shu keng öy ziminni, hoylilarni chiqiwitip ornigha katekchidek bina öy berse adilliq bolmaydu dep qaraydiken.
90% tordash her bir öy igisining qanun boyiche mejburi köchürüshke qarshi turush, öz ziminini qoghdash hoqoqi bar dep qaraydiken.
79% tordash öyni mejburi chéqishqa jéni bilen qarshi yaki qarshi iken.
71% tordash eger etrapidiki öyler chiqilghan teqdirdimu hemme ademning öz aldingizgha tallash hoqoqi bar dep qaraydiken.
90% tordash her bir öy igisining qanun boyiche mejburi köchürüshke qarshi turush, öz ziminini qoghdash hoqoqi bar dep qaraydiken.

Kishini intayin epsuslandurudighini shuki:
53% tordash hökümet öylerni mejburi chaqidu , 74% tordash qeshqerlik emeldarlar mushu qurulushta paraxorluq qilidu dep qaraydiken. Uningdin bashqa aran 25% tordash qeshqer sheherlik, wilayetlik hökümetning we qeshqerdiki qanun saqchi organlirining heqiqi xelq üchün xizmer qilidighanliqigha , we adil ish qilidighanliqigha ishinidiken , qalghan 75% ti ishenmeydiken yaki bilmeydiken.

Buningdin shuni bilishke boliduki, köpinche tordash öy chiqishqa qarshi, lékin köpinchisi hökümetke ishenmeydu we ümitsiz qaraydu.

Méning shebnem toridin we tor ehlidin ötünüdighinim bu ishqa sel qarimisa, téximu chong kölemde torda ray sinash élip barsa (méning aran mushu 100 kishilik ray sinashqa qurbum yetti), xelq menpeetini qoghdash we uyghur mediniyitimizning saqlinip qilinishi üchün birlikte küch chiqarsaq deymen.

Qeshqer sheherlik hökümetke ochuq xet
anglisam qeshqer kona sheher rayonidiki 50 mnngdin artuq öylerni chéqip 200000din artuq ahalilerni bina öyge köchüridikensiler. Buning sewebi nechche yüz yildin béri yer tewreshte örülüp chüshmigen öyler yer tewreshke chidamliq emesmish. Men mushu öylerning ichidiki bir öyning hoqoqdari bolush süpitim bilen öy chéqish we köchürüshke qet'i qarshi.

Birinchidin bu qeshqer xelqning tüp menpeetige uyghun emes. Qeshqerdiki öylerning hemmisi astida tupraq , üstide kün nuri bar, yer mülük hoqoqi bar öyler. Bu öylerni her qandaq igisi özi chéqip nechche qewetlik, shexsi hoylisi bar, bagh waranliri bar qilip özgerteleydu hem xalighanche kéngerteleydu. Hem bu öylerning hemmisi sheherning merkizide. Siler qandaqtur sheher sirtidiki hem tupriqi hem asmini yoq katekche bina öydin oxshash chongluqta öy bersenglar, u öylerni xelq özgertelmise, yaki hoyla , bagh waran yasiyalmisa, silerche mushu qeshqer xelqi üchün adilliq bolarmu??? Mushu öylerni chaqqandin kéyin bina salsanglar , bir öyni on öy qilip qimmet bahada satsanglar (hétkar katta baziri buning tipik misali) mushu qeshqer xelqi üchün adilliq bolarmu???
Bolidu, aghzinglarda digendek emiliyette adil, inaq jemiyet qurup xelqni razi qilip xizmet qilimiz diyishinglar mumkin. Undaq bolsa méning qeshqer xelqini razi qilip inaq adil jemiyet qurushqa töhpe qoshush meqsidige yetkili bolidighan tekliwim bar. Mushu 50 ming aililikke qeshqer shehrining merkizidin oxshash choqluqta yer béringlar, burun nechche qewet öyi bolsa shunche qewet öy sep béringlar. Bu yerning üsitde asman, astide tupraq bolishi, hoylisi bolishi, bagh waran yasighili bolishi kérek. Mushundaq shertler hazirlansa bizning öyni chéqishni oyliship baqsaq bolidu. Eger hazirlanmisa bu tengsizlikke men qet'i qarshi turimen.

Ikkinchidin eger mejburi köchürimen disenglar bu dölitimizning qanunigha xilap. Hélimu ésimde turuptu 2 yil burun ürümchidiki idarida bina salmaqchi bolup kona binani chaqmaqchi boldi. Bir nechche aililik bir kuwadrat métirgha 20 yuen berseng chaqisen dep turuwalghachqa bu pilan toxtutuldi. Chünki qanunda öy hoqoqdarini razi qilmisang mejburi köchürüshke yol qoymaydiken. Qanun bolidiken meyli béyjingda bolamdu, yaki ürümchide bolamdu yaki qeshqerde bolamdu oxshash ijra qilinishi kérek. Yene birsi, öy köchürüshtiki belgilime siyaset belgilimilerning özi qanun emes. Xelqning qanun'gha boy sunush mejburiyiti bolghan bilen siyaset belgilimilerge pikir qilish hoqoqi bar. Siyaset we belgilimilerni qanun dewilip mejburi ijra qilsanglar keng xelq ammisining neziridin chüshüp kétisiler, ammining naraziliqi qozghilidu, énaq we xatirjem jemiyet qurushqa tesir yétidu.

Üchinchidin bu öyler yer tewreshke chidamsiz emes. Chünki bu öyler nechche yüz yildin buyan yer tewreshte örülüp chüshken emes. Uning üstige bu öylerni sichüendiki mektep binaliridek qurulush shirketliridin para yep süpetsiz yasatqan emes. Qeshqer xelqi bu öylerni heqiqi hünerwenlerni teklip qilip para almay puxta saldurghan. Qandaqtur sichüendiki nachar binalarning yer tewreshte örülüp chüshkini qeshqerning öylirining chidamsizliqini ispatlap bérelmeydu. Eger qeshqer hökümiti heqiqeten yer tewreshtin ensirise , eng awal qeshqerdiki binalarning süpitini yaxshi tekshürishi ,süpiti nacharliri bolsa shularni chéqip qayta silishi kérek.

Tötinchidin qeshqerde milliy alahidilik barghansiri yoqap kétip bériwatidu. Qeshqerde hette turpanchilikmu milliy puraq yoq bolishi mumkin. Kona sheher rayoni tipik milli puraqqa ige rayon, uningsizmu bu rayonning ichide mediniy miras qilip saqlisa bolidighan nurghun qoyuq milli puraqqa ige olturaq öyler bar. Bu jehettin qeshqerdiki, pütün shinjangdiki, pütün jonggodiki , hetta pütün dunyadiki uyghur we bashqa milletler bu milliy alahidilikni yoqitiwitshni toghra körmeydu. Shunga hökümettin bu toghriliq qattiq oylinishini soraymen.

Men bu timini özemning ailisining menpeeti üchün we bizge oxshash keng xelq ammisining menpeeti üchün yazdim. Bu tima hem hökümet organliri, qanun we siyaset tarmaqlirining menpeetige uyghun, chunki hemmisi keng xelq ammisining menpeeti üchün xizmet qilidu. Men qeshqer sheherlik we wilayetlik hökümetning keng xelq ammisining qanunluq hoqoq menpeetini chiqish qilip turup qeshqer kona sheher rayonini chaqmasliqini we milliy mediniyitimizni qoghdishini chin könglümdin ümid qilimen. Chaqqan teqdirdimu men yuqirida digendek adil teleplerni orunlishi, xelq ammisini razi qilishni heqiqiy qanun boyiche ish körüshini soraymen. Hem hökümet organlirining qeshqerde heqiqi we emiliy halda inaq jemiyet berpa qilidighanliqigha ishinimen. Shundaqla qeshqer xelqining pikirlirini ilmiy halda ipadilep, ishenchlik halda öz köz qarishini otturigha qoyup, qanun bilen öz hoqoq menpeetini qoghdiyalaydighanliqigha we inaq jemiyet berpa qilish üchün töhpe qoshalaydighanliqigha ishinimen

Men tor ehlidin bu timining ilan qilinishini we öchürülmesligini ümid qilimen we telep qilimen. Pikiri barlar men bilen biwaste alaqilashsa bolidu.


Ray sinashning esli sanliq melumati:
qeshqer kona sheher rayonining chiqilishi torghriliq torda ray sinash paaliyiti

1. Qeshqer kona sheher rayonining chiqilishigha qandaq qaraysiz?
Qarshi turimen 97.8%
qollaymen 2.2%

2. Sizning yurtingiz qeyerdin?
Qeshqer 43.7%
xoten 12.6%
aqsu 11.5%
qizilsu 4.6%
bayin'gholin 6.9%
ürümchi 11.5%
turpan 2.3%
qumul 0.0%
ili 2.3%
altay 0.0%
tarbaghatay 0.0%
bortala 3.4%
sanji 0.0%
chet'el 1.1%

3. Qeshqerde chiqilidighan öyler bilen biwaste yaki wastiliq alaqingiz barmu yoq ?
Biwaste alaqem bar 28.9%
wastiliq alaqem bar 14.5%
hichqandaq alaqem yoq 56.6%

4. Sizningche shu keng öy ziminni, hoylilarni chiqiwitip ornigha katekchidek bina öy berse adilliq bolamdu?
Adilliq bolmaydu 88.3%
adilliq bolidu 5.2%
bilmeymen 6.5%

5. Sizningche qeshqer sheherlik hökümet puxralarning öyini mejburi chaqarmu?
Mejburi chaqalmaydu 32.5%
mejburi chaqalaydu 53.0%
bilmeymen 14.5%

6. Sizningche her bir öy igisining qanun boyiche mejburi köchürüshke qarshi turush, öz ziminini qoghdash hoqoqi barmu yoq?
Hoqoqi bar 90.0%
hoqoqi yoq 5.0%
bilmeymen 5.0%

7. Eger hokümet mejburi chaqimen dise siz qandaq qilisiz ?
Jénim bilen qarshi turimen 48.1%
qarshi turimen 30.4% 24
elehmulla dep maqul deymen 7.6%
bilmeymen 13.9%

8. Eger etrapingizdiki öyler chiqilsa sizning öz aldingizgha tallash hoqoqingiz barmu yaki köpchilikke boysunup öyingizni qosh qollap chéqishqa bériwitemsiz?
Méning öz aldimgha tallash hoqoqum bar 71.3%
ehwalgha qaraymen 16.3%
köpchilikke boysunimen 5.0%
bilmeymen 7.5%

9. Sizningche qeshqerdiki emeldarlar mushu qurulushta paraxorluq qilarmu?
Qilidu 74.0%
qilmaydu 2.6%
bilmeymen 23.4%

10. Siz qeshqer sheherlik, wilayetlik hökümetning we qeshqerdiki qanun saqchi organlirining heqiqi xelq üchün xizmer qilidighanliqigha , we adil ish qilidighanliqigha ishinemsiz?
Ishinimen 25.6%
taza ishinip ketmeymen 28.2%
ishenmeymen 26.9%
bilmeymen juma 19%

Netijisige pikiri barlar bolsa men bilen biwaste alaqilashsa esli nusqisini ébertip bérimen.

Menbe: http://bbs.xabnam.com/read.php?tid-104192.html