PDA

View Full Version : Kanadaning kampyutér téxnikliri iz-Qoghlap tekshürüsh arqiliq



Unregistered
31-03-09, 14:44
103 Dölette intérnét arqiliq heriket qiliwatqan jasusluq tori ashkarilandi
Muxbirimiz weli
2009-03-30

Kanadaning kampyutér téxnikliri iz-Qoghlap tekshürüsh arqiliq, intérnét torliri ara heriket qiliwatqan bir chong jasusluq torini éniqlap chiqti. Tekshürüshte, bu jasusluq torining muhim tügünliri xitayda ikenlikini bayqalghan.

AFP Photo

Xitaynidiki melum intérnét mulazimet torxanisidin bir körünüsh.
Bu jasusluq tori 103 dölette 1295 kampyutérda iz qaldurghan
Özining bu qétimqi tekshürüsh paaliyitini 'sheytan torini éniqlash' dep atighan bu guruppining doklatigha qarighanda, intérnétte heriket qiliwatqan bu jasusluq tori 103 dölettiki 1295 kampyutérgha tesir körsetken.

Buning %30 i chetellerning ministir, bash elchiliri, hökümetke béqinmaydighan xelqaraliq teshkilatlarning we meshhur uchur wastilrining kampyutérliri. Buning ichide hetta dalay lamaning shexshiy ishxanisining kampyutérlirimu bar. Bu jasusluq tori tesir körsetken yaki bulghighan kampyutérlarning hemmiside özining izini qaldurmay kételmigen. 'Sheytan torini éniqlash' guruppisi dunyadiki siyaset tüzgüchilerge agahlandurush bergendin kéyin... Sheytan torini éniqlash guruppisi özining doklatini, dunyadiki siyaset tüzgüchilerge agahlandurush bérip axirlashturghandin kéyin, awstraliyide chiqidighan 'kambérra waqit géziti' , awstraliyan géziti' qatarliq gézitler, sabiq awstraliye dölet mudapie ministiri joél fitzgibbonning xitayning meshhur bay we chong saxawetchisi lyu xanim bilen bolghan munasiwitining tekshürülüsh jeryanini ashkarilidi.

'Kambérra waqit géziti' bügün, téxiche weqeni ésige alalmay turghan sabiq awstraliye dölet mudapie ministiri joél fitzgibbon ependige, 2002 ‏- Yili, eyni waqitta xongkongda 10 ming kishilik ezasi bar bir chong jemiyetning muawin reisi dep atalghan lyu xanim (chetelche ismi xélin lyu) ning, kiristimas bayrimini tebrikelesh namida bergen ziyapitide, xitayning 6 neper üch yultuzluq générali, 60 neper töwen derijilik ofitséri we xitay shirketlirining 700 neper muawin reisi bilen birlikte melum bir besh yultuzluq méhmanxanida bille bolghandiki foto süritini esletti.

' Awstraliyan géziti' bolsa, joél fitzgibbon dewride ashkarilinip qalghan awstraliyining térrorizmgha qarshi urushqa ewetken qisimliri we nato qisimliri heqqidiki uchurlarni we eyni waqitta, dölet mudapie ministirlikining tekshürüsh xadimliri öz ministirining üstide mexpiy razwét élip bérip, uning meshhur bay we saxawetchi dep atalghan lyu xanim bilen uchrashqanda tartiwélinghan foto süretlerni ashkarilidi.
'Boshün tor béti' mu özi topliyalighan uchurlarni élan qildi
Xelqarada xitayche neshr qilidighan 'boshün tor béti' qatarliq uchur wasitilirimu bügün, özliri topliyalighan uchurlarni élan qildi. Awstraliye gézitliride meshhur bay we chong saxawetchi 'lyu xanim' dep atighan kishini, 'boshün tor béti' xitay azadliq armiye bash shitabining ayal jasusi lyu xeyyen, dep atidi. Uningda bayan qilinishiche, joél fitzgibbon ependige lyu xanimni 1986 ‏- Yili chingdawdiki bir qawaqxana xojayini tonushturup qoyghan. Shuningdin kéyin lyu xanim birdinla chong baygha aylinip awstraliyige kelgen.

Lyu xanim 89‏- Yilidiki oqughuchilar herikitide, xitaygha qarshi namayishlarda qehrimanliq körsetken. Uning bilen bille kelgen éri birnechche yildin kéyinla ghayip bolghan. Shuningdin kéyin, u barghansiri béyip, hetta sédni shehrining déngiz boyidiki 'dabolbey' méhmanxanisining ikki qewitini sétiwélip, awstraliyining bu sabiq dölet mudapie minisitiri bilen dost bolup ötken. Lyu xanimning emel-Mensepliri "xelqara bilyard shirkiti, junggo muhajirliri jemiyiti" dégendek chong shirket yaki teshkilatlarghiche kéngeygen. Awstraliyidiki emgekchiler partiyisige bashtin axir zor miqdarda pul iane qilip turghan. Uning xitay bilen awstraliye arisidiki sayahetliri köpeygen.

Boshün tor bétide bayan qilinishiche, meshhur bay we chong saxawetchi lyu xanim chetellerde xitay muhajirliri üchün échilghan ümid' dep atilidighan mekteplerning eng chong saxawetchisi bolupla qalmay, u yene chégra rayonlarni güllendürüshkimu köngül bölidighan saxawetchi. Uning xitayda yéngi mektep, kütüpxana, tenterbiye sariyi, dini ibadetxana salidighan ishlargha bergen ianilirining sani, hetta uyghur aptonom rayonining sabiq reisi tömür dawamet bilen körüshkende, toqsun nahiyiside bir milliy mektep sélish üchün bergen 1 milyon 500 ming yüen pulining sanimu tizimlikte turuptu.
Xitayning nyuyorktiki elchixanisi bu jasusluq tori bilen bolghan munasiwitini ret qildi
Amérika awazning bayan qilishiche, kanadaning kampyutér téxnikiliri mushu 10 ay ichide, bu jasusluq tori oxshimighan 4 mulazimet apparati (proksi) din paydiliniwatqanliqini, bu jasusluq tori nishanlighan kishilerning kampyurtérliri, hetta turalghulirimu alliqachan nazaret astigha élinghanliqini bayqighan.

Bundaq shumluqlar tesir körsetken kampyutérlarning hemmiside özining izlirini qaldurup ketken. Emma xitayning nyuyorkta turushluq elchixanisi bügün bir bayan élan qilip, özining bu sheytan tori bilen bolghan munasiwitini ret qildi.

Unregistered
31-03-09, 20:51
xewerge rexmet, oqup qoyidighan xewerken.

Unregistered
02-04-09, 01:51
hitayla uygurlargimu mikrup ivetidigu ?