PDA

View Full Version : Uyghurlar üchün Yengi bir ümüt Nuri- İlham Toxti-3



M.Azat
29-03-09, 14:26
Uyghurlar üchün Yengi bir ümüt Nuri- İlham Toxti-3

M.Azat
3. Ghaye we kuch
Hayatta her kishining ghayisi bolidu.teshkilatlar,partiyeler,hökümetler “ghaye”diyish ornigha “pilan”sözini ishlitidu.5yilliq,10 yilliq,20 yilliq… pilanlar tüzülidu.
Hayatning qimmitini,özining insani qimmitini bilgüchi her kishining ghayisi bolidu.biz Uyghurlar milli hakimiyitimizni yoqutup qoyghan millet bolush süpitimiz bilen,tarixta atalirimizning yoqutup qoyghanlirini tepiwelishni arzu qilimiz.yürektiki gepni echip eytidighan bolsaq,qesir-saraylarda altun tawaqta tamaq yeydighan,erkinliktin merhum qul bolushtin,chöldiki toghraq kamirida yetip-qopup,achqanda yawa toshqan tutup yep,ussighanda dum yetip lay su ichip erkin yashash elbette men üchün bexit hesaplinidu.mutlaq köp sandiki Uyghurlarningmu manga oxshash chüshünidu dep oylaymen.chünki,dunyada insan balisi üchün erkinliktinmu qimmetlik hich bir nesre yoq.
Bügün,wetinimizning Zhunggoning bir qismigha aylandurulghanlighi,Uyghurlarning Zhunggo wetendishi ikenligi bir rialliq.
Zhunggo 20.esining beshidila shinhai inqilawidin buyan dawamliq amiti keliwatqan,algha qarap ilgirlewatqan bir dölekte aylandi.keyinki 30 yilliq tereqqiyat ilgirki 300 yilliq tereqqiyatni besip chüshidu.dunyaning 3.ji ixtisadi kuchigha aylandi.dunyadiki 5 chong herbi kuchning birsi we bir yerim milyartqa yeqin xelqni kontirolida tutwatidu.kücheygen Zhunggo,öz wetendashliri bolghan Uyghurlarning erkinligini,ixtisadi menpetini berishtin qorqmaslighi kerek idi.eksiche bizge bolghan tengsiz muamile,besim,yeklesh küchiyip ketiwatidu.qandaq qilishimiz kerek?Ghayini emelge ashurush üchün kuch kerek.u kuch bizde barmu? İlham Toxti rialliqqa uyghun bir teklipni hem Uyghurlargha,hem Zhunggo hökümitige suniwatidu.uning ixtisatshunaslighi belki bu qarargha kelishide muhim rol oynighan bolishi mumkin.chünki,ixtisat ilmida tesewwurgha orun yoq.hesap-kitap yanchuqtiki bar pulgha qarap qilinidu.u,mewjut mesililerni,hel qilishning charilirini otturigha qoydi.hel bolamdu-yoq?buning ispatlinishi üchün biraz waqit lazim.İlham Toxtining waqitqa ihtiyaji bar.
Biz bolsaq “musteqilliq”deymiz.100 yildin ashqan pajiyelik milli teqdirimiz we bügünmü kelechegimizde ümitning bolmaslighi belki,millitimizning tamamen yoq bolup ketish xewipi bizge “musteqil”bolmastin heqiqi qutulushning qolgha kelmeydighanlighini ispatlimaqta. Weten ichide teshkillik halda meyli siyasi küresh,meyli quralliq küresh elip berish imkaniyiti yoq.weten sirtida nahiyiti az bir qisim pidakarlar taghdek engir yükni,chümülining küchi bilen sörep mengishqa mejbur qeliwatidu.quralliq küresh qiliwatqan bezi milletlerge oxshash biz bilen chigridash qerindash milli döletler barliq kelechek qayghusini unutup,Zhunggo bilen bolghan tijari menpetining arqisidin yügürmekte.xoshna döletlerning hich birside biz baza qurghudek,yaki chekingende toxtiyalghudek yer yoq.weten üchün,millet üchün ölüp tügeyli disekmu sherep bilen etiship ölüshke sharayit yoq.weten sirtidiki siyasi küreshler xelqimizge biwaste menpeet birelmeywatidu.
Milli mesuliyetni Allah aldida,tarix aldida zimmisige alghan kishiler yalghuz olturup,namaz qilidighanlar jeynamazda ehtikapta olturup,namaz qilmaydighanlar bolsa kiche jimjitlighida tenha halda öz imanimiz,wijdanimiz,mesuliyet tuyghulirimiz bilen oylap baqayli,wetenni qaysi kuch bilen,qandaq azat qilimiz?qayil qilarliq jawap bolidighan bolsa elbette ortaqlishayli. eger bir qanche,bir qanche yüz,bir qnche ming ademning shehit bolishi bedilige musteqqilliq alghili bolidighan bolsa,Uyghur we Uyghur dosliridin yeterlik sandiki shehit bolghuchi pidayilar yeghish imkaniyiti bar.bir qanche ming ademning qenini qurbanliq qilish bilen wetenni musteqil qilish mumkinmu?xelqimizning,yaridar bolghanlarni saqlash,dawalash,urush qiliwatqanlargha yengi jengchi yollash,arqa sep xizmiti berish imkaniyiti barmu?Uyghur xelqining qaysi küreshke hazir,qaysi küreshke hazir emesligini az-tula bilimiz.xelqning biwaste pidakarliq rohi,qollishi bolmay turup,herqandaq quralliq yaki siyasi küreshte ghelibe qilish,hich bolmisa mewjut kuchni saqlap qelish mumkin emes.emma xelqimiz az bir qisim pidakar kishilerdin ghayet zor ümit kütüwatqanlighimu bir heqiqet.ziyalilirimizning boyni maash sirtmighi bilen Zhunggo hökümiti teripidin baghliwelinghan.dihqanlirimiz ach we yoqsul,qosaq derdide we tarqaq.ottura haldin bay tijaretchilirimizning mutlaq köp qismi “muqimliq”ning,ailewi rahitining bozulishini xalimaydu.Uyghurlarning ishchilar sinipi yoq.herbi telim körgen Uyghur yoq diyerlik.siyasi küresh qilayli disek wetinimizde demokiratik tüzüm yoq.waqit bolsa ötüp ketiwatidu…
İlham Toxtining teshebbus qiliwatqini,quralliq küresh emes.siyasi küreshmu emes. “berdim digen hoquq qolumizgha tegmidi.u qayerde?”digenla gep.buning üchün muresse qilishqa,yalwurushqa mejbur.
Beziler bolsa oylimayla jawap berishke bashlidi “kapirlar bilen muresse qilghuchilar mushrik”, “kapir”.”wten xaini”.undaq digüchiler teximu charisiz.bu toghra jawap emes.bu yerdiki tima İlham Toxtining siyasi köz qarishini qollash,pikiri biz bilen oxshash bolmisimu qollash,yaki tosalghu bolmasliq toghrisida ketiwatidu.amma, özige oxshash pikir qilmighanlarni “mushrik”,”kapir”gha chqiriwatidighan qerindashlirimgha ular inkar qilalmaydighan bir misal birishni uyghun körimen, dini bilimdin xewiri barlar İslam tarixida meshhur bolghan“Hudeybiye kelishimi”ni yaxshi bilidu.bu süyümlük Hz. peyghemberimiz (a.s.a) teripidin Mekke mushirikliri bilen tüzülgen kelishim.
Hijiriyening 6.yili idi.Hz.peyghember (a.s.a) 1500 sahabi bilen birlikte medinedin ömre heji üchün mekkige yolgha chiqti.karwan Hudeybiyege kelip chüshkende Hz.peyghember (a.s.a) mekkiliklerning Hz.Pyghemberghe qarshi urush echish üchün jiddi teyyarliq qiliwatqanliq xewirini aldi.Hz.peyghember(a.s.a) Mekkige Qureyish qebilisige elchi ewetip,hej qilish,yurtini körüshtin bashqa niyiti yoqlighini yetküzdi.elchi Hirash (r.a)mekkiliklerdin aran jenini qutuldurup qechip keldi.Mekkilik müshriklerning neyiti yaman idi.bu qetim Hz.Osman Mekkige ewetildi.H.z.Osman “Muhammed Mekkige kirgüzülmeydu”jawabini aldi we müshrikler teripidin tutup qelindi.arqidin Hz.Osmanning “öltürüldi”digen xewer Hz.Pyghemberge (a.s.a)we sahabilargha yetip keldi.musulmanlargha urush qilishtin bashqa chare qalmighan idi.biraq H.z.Peyghamber(a.s.a)ning kelishim qilish arzusi bar idi.tughulghan yurti Mekkini seghinghan idi.sahabilar “urush”üchün teyyarliq qiliwatatti.Hz.Peyghember (a.s.a) “ ulugh Allah,kelishim qilishni emretti”didi.(hedisi-shrif Ümmü Umare anglatqan) del bu chaghda mekkidin müshriklerning elchiliri yetip keldi we kelishim hasil qilindi.nöwet kelishimni yezishqa kelgen idi.yezish wezipisi Hz.Aligha tapshuruldi.
Hz.peyghember (a.s.a) “yaz Ali,bismillahirrahmanurrahim!”(rahman we rehim bolghan allahning ismi bilen)
Mekkelik elchilernig bashlighi Süheyil,Hz.Alining qelem tutqan qolini tutti ;
-biz bu geplerni bilmeymiz.yezishingni qobul qilmaymiz.”
-nime dep yazayli?
-burun senmu ishlitidighan ,biz ishlitiwatqan “bismikallahümme!” (allahning ismi bilen)dep yaz!
Hz.Ali we barliq sahabiler derghezepke keldi.Süheyil ning pikirini birdek ret qildi.Süleyil ornidin turdi,
-undaqta memnu qaytip kitimen.
Hz.peyghember (a.s.a)
-bimikallahümme mu güzel söz. Yaz Ali,dedi.
Musulmanlarning narazilighi küchlük bolsimu,Resulillah (a.s.a)ning hörmiti üchün hichkin awazini chiqarmay süküt qilip turdi.Hz.peyghamber (a.s.a)axirqi jümlilerni eytishqa bashlidi;
-bu,Allahning peyghembiri Muhemmedning SüHeyil bin amir bilen ijira qilish üchün tüzülgen ehdinamidur.
Süheyil yene Hz.Alining qolini tutti we Hz. Peyghember (a.s.a)yüzlendi;
-biz sening rastinla Allahning peyghembiri ikenligingni qobul qilghan bolsaq.seni Mekkige kirgüzmey,sening bilen urush qilishqa teyyarliq qilmayttuq.eng yaxshisi biz qobul körgen jümlilerni yaz!
-Qandaq yazayli?
-Abdullahning oghli Muhemmed dep yaz!
-Bumu güzel söz. Shundaq yaz! Men hem Abdullahning oghli,hem Allahning peyghembiri…yaz Ali! Aldinqi jümlini üchüriwet!
Musulmanlar özini tutalmidi. Bezilir oronliridin turup Süheyil ge waqirashqa bashlidi.
-Allahning peyghembiri digen geptin bashqisini yazdurmaymiz.
-Ali sen yazma!qalghan ishni endi qelichlirimiz hel qilidu.
-Biz bu haqaretlerni qobul qilalmaymiz.
Hz.peyghember (a.s.a)qol ishariti bilen sahabilarni sükütke chaqirdi.
Hz.Ali bolsa “Allahning peyghembiri”digen jümlini üchürelmeymen” dep üchürüshni ret qildi.
Hz.peyghember (a.s.a) üchürilidighan jümlini körsitip birishi eytti,Hz.Ali körsetti,Hz.peyghember (a.s.a) “Allahning peyghembiri”jümlisini oz qoli bilen üchürdi.”Abdullahning oghi Muhemmed”jümlisini yazdurdi.
Kilishimdiki maddilarning birsi,Mekkiliklerdin musulmanlarning arisigha qechip kelghenlerni Mekkiliklerge qayturup berish,musulmanlar arisidin Mekkige qechip beriwalghanlarni qayturup bermeslik digen madda bar idi.del kelishimge imza qoyidighan waqitta,Mekke tereptin qolliri zenjir bilen baghlanghan birsi yetip keldi.u,Mekke hey’itining bashlighi Süheyilning oghi Ebu jendel idi.Ebu jendelning putidimu zenjir bar idi.u,musulmanliqni qobul qilghini üchün put-qollirini zenjir-kishen bilen baghalap solap zindangha solap qoyulghan bolup,qechip chiqip musulmanlardin pana izdep kelgen idi.Süheyil,oghilini Hz.peyghemberning aldida qolidiki tayaq bilen urup yüzini qnatti.Hz.peyghember (a.s.a)yalwurupmu Ebu jendelni qutquzup qalalmidi. “musulmanlar mini qutquzuwelighlar!”dep peryat qildi.Hz.peyghember(a.s.a);
-Kelishimge texi imaz atmiduq.Eb jendel ni kelishimdin ayrim tutayli men bilen qalsun.didi.Süheyil bolsa;
-Ya,Mumemmed,kelishimning maddilirini yezip bolduq.buzalmaysen ,dedi.Hz.peyghember(a.s.a) imza qoyushqa mejbur boldi. Ebu jendel mekkige heydep ketildi.
Musulmanlar kelishimge emel qilip Mekkige kirmey,Medinige qaytti.kilishimge asasen 2.yili hejge keldi. Bu kilishimning mudditi 10 yil idi.Hz.Peyghember(a.s.a) 10 yil kelishimge emel qildi.bu kilishim heqqide İslam tarixchiliri teripidin yezilghan yüzligen kitap bar.

Tarixta,Hz.peyghemberimiz(a.s.a)da bolmighan möjize,bizdek addi insanlarda hich yoq.
Qurani kerim aldi bilen bir ilimdur.ilimda xiyalpereslikke yer yoqtur.kelishim demek-tinichliq demektur.İlham Toxtining teshebbus qiliwatqini kelishimge sadiq qelishtur.tenichliqtur. “milli teritoriyelik aptonomiye qanunui” bir wedidur.bir terepning imzasi bolmighan(tengsiz bolsimu)kelishimdur.Zhunggo hökümitini sözide turushqa chaqiriwatqan İlham Toxti awazi boghulghan,süküttiki bir milletning wekilidur.u,milletning awazidur.
Men,hemmimiz ghyimizdin waz kechip,İlham Toxtigha egiship mangayli dewatqinim yoq.
İlham Toxtining pikirige,köz qarishigha hörmet qilayli,uninggha tosalghu bolmayli,yaki uninggha düshmen bolup yupurulup chiqmayli dewatimen.
Yeqindin beri,internette “tinich yol bilen küresh,insan hoquqi, aptomimiye.. “ dep teshebbus qilghuchilar “xain”,”jasus”,”weten satquch”.”mushrik”dep yeziwatqanlar,hetta kimning nime diginini bilmey turup haqaret yaghduruwatqanlar bar.haqaret,ajiz,qorqunchaq ademlerning qoghdunush qalqanidur****slarda bir xelq temsilisi bar “chishleydighan it qawimaydu”.

Ghaye-nishan,kuch- wastidur.arzu qilghan ghayige elip baridighan waste-kuchtur.
Zhunggo hökümiti “teritoriyelik aptonomiye qanuni”ni chiqirip,adettin tashqiri kuchini qollunup,”qanun”ni qeghez yüzide tutup turiwatidu.biz, “musteqilliq program”lirini tüzüp,adettin tashqiri kuchsizlighimizdin “program”ni qeghez yüzide tutup turuwatimiz.
Ejel qamchisi Uyghur millitining beshida oynawatidu.milli wujudimizda keche-kündüz qan qayip boliwatidu.İlham Toxti,milli wujudimizdin eqiwatqan qanni toxtutush üchün tit-tit bolup yügrewatidu.bizning eqlimizdiki “ghaye”lerni uningdin telep qilishimiz mentiqqa Uyghun emes.

Zhunggo hökümitining bundin keyin Uyghurlargha bolghan niyitini ölcheydighan tirmomitir-İlham Toxtidur.uninggha tutulghan pozitsiyedin,Uyghurlargha yamanliqmu yaki yaxshiliqmu kelidighanlighi toghrisida toghra qaragha keleleymiz.

İlham Toxti,kichik ghaye bilen döletning ghayet zor küchini seperwer qilish üchün “wijdan tesirlendurush”sepirige chiqti.u ghelibe qilsun,yaki meghlup bolsun,Uyghur milli hayatigha zor tesir elip kilidighanlighi shöhbisiz.
Qerindishim İlham Toxti, yolung uchuq bolsun!

4.Ziddiyet we Menpetlerning Tügün Noqtisida-İlham Toxti

Dawami bar

2009.03.28

Unregistered
01-04-09, 14:58
ilham tohtining hayat yaqi olgenligi toghriliq RFA hewer berse?ihtidarliq we hormetqe sazawer muhbir shohret hoshur uningdin choqum hewri bar!!! hewerni yasidingiz muashni aldingiz ,muqapatmu bolushi mumqun?hewerning ahirichu?ilham nerde?

chetelge chiqiwelip "yureqliq" sozligen RFAdiqi uyghureqler,sizler nime oylawatisiler?Ilham tohti ependi nede?sizler bu sualgha jawap bermey weten ichidiqi haliqni ras sozleshitin,millet uchun sozleshtin qechquzmeqchimu?ozenglerni heliqtin sesqindurmeqchimu?