PDA

View Full Version : Igisi yoq uyghur kizliri!!!!!!!!!!!!!



Unregistered
13-03-09, 15:30
Yerlik hökümet dairiliri aghrip qaytip kelgen 'éshincha emgek küchlirdin' jerimane alghan weqe heqqide ....


Uyghur aptonum rayonidiki yerlik hokumetning jenuptiki yezilarni asas qilip , toy qilish yeshidiki yash Uyghur qizlirini ijtimai muhiti , til orup- aditi jehettin putunley natonush bolghan ichki olkilerge erzan emgek kuchi qilip yotkewatqanlighigha 3 yil boldi . Mana bugunki kunge kelgende bu xil siyaset tupeylidin kelip chiqiwatqan turluk pajieler koz aldimizda turuptu .Towendikisi ene shularning ichidiki bir tamchidinla ibaret xalas!

Hemmimiz bilimiz , jenubi uyghur rayonini asas qilip yürgüzüp kéliwatqan "éshincha emgek küchlirini sirtlargha yötkesh siyasiti" jeryanda nurghun uyghur qiz - Oghulliri ichki ölkilirige yötkelgen idi.

Biz yéqinda igiligen melumatlargha qarighanda, ichki ölkilirige yötkelgen bezi qizlar muhit, hawa kilimati qatarliq sewebler tüpeyli aghriq - Silaqtin xali bolalmay öyige qaytip kélishke mejbur bolghan. Halbuki, yerlik hökümet dairiliri aghrip qaytip kelgen qizlarning doxtur chiqimini kötürüshning ornigha, eksiche ulardin jerimane alghan.

"Ikkiylen kötürüp ekirip bériptu qizimni, bu yil 12 - Aydin béri bir az yaxshi bopqaldi" "Ikkiylen kötürüp ekirip bériptu qizimni, bu yil 12 - Aydin béri bir az yaxshi bopqaldi" Yuqiriqidikisi Ichki ölkige bir qizini ishleshke ewetip talapet yégen opalliq déhqan osman bextining bayanliridur.

Uning ailisi bu xil siyaset tüpeyli pütünley ziyan tartqanni az dep, nariside qizidinmu ayrilip qélish xewpige duch kelgen. Osman bextining éytishiche, qizi turnisagül tyenjinge yolgha chiqqanda saq - Salamet ikenduq, qizi ishlewatqan zawutta aghrip ornidin turalighudek derijide zeipliship yene dawamliq ishlitish mumkinchiliki bolmighandin kéyin, qayturiwétilgen. Yerlik hökümet dairiliri osman bextige bu ishni xewer qilghan we qizi aghrip qélip qaytip kelgenliki üchün uningdin tölem töleshni telep qilghan.

Melum bolushiche, 2007 - Yili 4 - Ayning 4 - Küni opal yézisidin ikkinchi türküm qizlar tyenjin shehirige jaylashqan melum bir kiyim tikish zawutigha élip méngilghan bolup, turnisagülmu shu bir türküm qizlar bilen birlikte tyenjinge élip méngilghan. Turnisagülning bildürüshiche, ular bilen bir qarar tyenjinge chiqqan qizlar arisida 4 - 5 Neper qiz aghrip qélip öyige qayturulghan. Turnisagülning dadisi osman bextining béshigha kelgen kün belkim baliliri aghrip ishliyelmey yénip kelgen bashqa déhqanlarning béshighimu kélishi mumkinliki perez qilmaq tes emes. Emma biz hazirche bashqa qizlarning kéyinki ehwali heqqide bashqa uchurlarni igiliyelmiduq. Uningdin bashqa, öyige halsiz halda kelgen turnisagül 5 - 6 Ay kütülgendin kiyin biraz yaxshi bolushqa qarap yüzlengen bolsimu, u özini yenila rohsiz hés qilidiken.

2006 - Yildin buyan téximu kücheytip élip bérilghan "éshincha emgek küchlirini sirtlargha yötkesh" dawamida minglighan uyghur oghul - Qizliri ichki ölkilerge ishleshke yötkelgen bolup, hökümet mezkur siyasetni déhqanlarning kirimni ashurushta "eng ünümlük" dep süretlep kéliwatqan idi. Eksiche, osman bextining béshigha mezkur siyaset tüpeyli mejburi téngilghan qismetler uni bihude chiqimdar qilghan.

Anglimaqqa yaxshidek tuyulidighan, éshincha emgek küchlirini sirtlargha yötkep ishqa orunlashturush siyasiti yene qanchilighan osman bextilerni bihude chiqimdar qilghanliqi, qanchilighan turnisagüllerni menggülük késellik asaritige muptila qilghanliqi bizge namelum, emma mezkur siyaset yürgüzülüp yüzligen, minglighan uyghur qizliri chet ichki olkilerdiki sheherlerge yötkilishke bashlighan künlerdin bashlapla, yéqinqi zaman uyghur tarixidiki bu hadise pütkül uyghur jemiyiti qimmet qarishigha, uyghur jemiyet her bir ezasi soghuqqanliq bilen oylishishigha tégishlik bir wijdani soalni qaldurghan idi.

Ejiba ichkiridin kelgen " xelq ishchiliri:ghga 12 saette ish tepip berishni wede qilghan rehberler bu ziminning esli igisi bolghan Uyghurlarning bu pajielik qismitige qol qoshturup qarap tursa- he?!
Uyghur aptonum rayonida " muqumluq hemmidin muhim" ni tekitlewatqan " , " Chegra rayonda esker kopeytish" ni teshebbus qiliwatqan janabiy reisimiz Nurbekri ependide namratliq destidin ingrawatqan qerindashlirining haligha yeteligudek hisyat texi oyghanmighanmidu ?! Yaki u ozi alibir zamanlarda ichkiridin kelgen melum rehberler bilen korushken cheghida eytqinidek Uyghgur aptonum rayonining yene bir baylighi " Qizlar baylighi" ni ichki olkilerge " aka milletler" ge sogha qilishni , u yerlerge mengguluk yerleshturushni oylawatamdighandu ?!
[ 本帖最后由 Sirdash 于 2009-3-14 00:05 编辑 ]

www.uyghurbiz.cn din elindi.