PDA

View Full Version : "Amirkiliklar kilidu, soal sorisa Hiq nime dimenglar"



Unregistered
07-03-09, 09:41
Bu yahxi tima iken. Uyghurbiz.com din koqurup koydum.

Shehirimizge Amérikiliqlar Kélidiken, Ular Néme Soal Sorisa "Bilmeymen" Dep

Jawap Bérish Kérek


Burun qiziqarliq bir yighin échilghan idi. Bu alahide yighinning échilghinigha ikki yérim yildin ashti. Ötken ishlarni esligende bu yighinda otturigha qoyulghan orunlashturushlar yadimgha kélip qalidu. Shunga bügün yene yadimgha kélip qaldi. Tordashlar toghra chüshen'gey, toghra qarighay.



2006-yili 6-ayning bashliridiki 1- heptisining axirida, shenbe künide Qeshqer shehiridiki barliq idare, organ we mekteplerde rehberler özining xizmetchilirini yighip, keng kölemlik ichki yighin achqan iken. Qeshqer shehiridiki melum bir ottura mekteptimu mushundaq yighin échiliwatatti. Mektep mudiri barliq oqutquchilargha mundaq orunlashturdi. Hemmeylen diqqet bilen anglawatattuq: kéler heptining birinchi küni yeni düshenbe küni Amérikiliq kishilik hoquq ishlirini közitish ornining xizmetchiliri, yeni bu ademler Amérikida turidu, dunya kishilik hoquq ishlirining xizmetchiliri, ular Qeshqer shehirige kélip bizning mektepke chiqidiken. Bizning mektepning bayraq chiqirish ishlirini mexsus köridiken. Shunga siler ulardin qattiq éhtiyat qilishinglar kérek, ular silerdin bezi soallarni soraydu, siler bilen pikirlishidu. Siler Junggoluq, hökümetning nénini yewatisiler, shunga siler eng yaxshisi ular bilen körüshmenglar, alaqe qilmanglar.Ular silerdin qandaqliki soal sorisa, siler "bilmeymen" dep jawab bérishinglar shert. Hetta siz nechche pul maash alisiz? Balingiz qeyerde oquydu? nechche balingiz bar? ayaligiz qeyerde ishleydu? ayalingiz nechche pul maash alidu? siz néme xizmet qilisiz ... qatarliq soallarni sorisa, siler choqum "bilmeymen", "uqmaydikenmen", ésimde yoq, esliyelmidim dégendek jawablarni bérishinglar shert. Bu ishta kim qilche sewenlik sadir qilsa, bu ishtin kéyin biz ular bilen körüshüwalimiz. Ularning xizmitini oylishimiz...



Barliq oqughuchilar imkan bar ular bilen körüshmisun, ulardin yiraq tursun, ular néme sual sorisa "biz oqughuchi, buni bilmeydikenmen" depla jawab bersun, dem élish waqtida siniptin sirtqa chiqmisun. Oqughuchilar karidorda méngip yürmisun, közetküchiler bu ishta oqughuchilarni qattiq bashqursun, sinip mes'ulliri öz oqughuchilirigha qattiq ige bolushi lazim. Mesile chiqip qalmisun. Shundaq qilip yérim künlük yighin axirlashti. Yighindin qattiq ghulghula boldi. Kishiler heyran qaldi.



Derweqe düshenbe küni etigende adet boyiche mekteptiki barliq oqutquchi we oqughuchilar chong meydan'gha yighilip, dölet bayriqi chiqarduq, Amérikiliq héliqi méhmanlrmu teq bolup yiraqta bizge qarap turatti, ular bizning bayraq chiqirishimizni kördi, bizning barliq oqutquchi we oqughuchilarning dölet bayriqi aldida turup ong qolimizni kötürüp qesem bérishlirimizni kördi. Ular 10 gha yéqin kishi bolup, ayropilandin chüshüpla udul bu yerge kélishi iken. Er -ayal arilash iken. Ayalliri wijik pakar, erliri igiz, qawul we bestlik iken. Bayraq chiqirish murasimi tügigendin kéyin barliq oqutquchi we oqughuchilar belgilep bergen yol we yönilish boyiche qatar bolushup öz ishxana we siniplirigha kirip kétishtuq, 4000 din artuq oqughuchi we oqutquchilardin birmu adem ularning aldigha bérip körüshmidi. Ulargha salammu bermidi. Hetteki ular turghan jaygha 100 métirdin artuq ariliq qaldurup ulargha yéqinmu yolimidi. Shunche ademdin birer insan insanliq ghururi we insanliq burchi bilen ularning aldigha bérip "yaxshimu sizler, siler shunche yiraq jaydin bizning bu qedimiy shehirimizge qedem teshrip qilipsizler, kelgininglarni qarshi alimiz " dep bir éghiz tinchliq salamlishish sözinimu qilmidi hem qilalmidi. Tolimu epsus, tolimu epsus, hey adimiylik, hey ghéripsinip qalghan adimiylik qéni sen, nelergemu yoqap ketkensen, nelergimu mökünüwalghansen? dep öz özümge chongqur xitab qildim. Hazir bu ishlarni oylisam "qorqunchluq bir chüsh körgendekla hés qilidighan bolup qaldim". Anglisam u méhman Amérikiliqlar héch kimdin héchqandaq bir soal sorimaptumish. Hich qandaq bir adem bilen yaki oqughuchi bilen shexsiy söhbetmu qilmaptumish, shuning bilen ular Qeshqer sheherlik JX idarisige bérip, u yerni közdin köchürüp bolup, shu küni chüshtin kéyin özliri kelgen mexsus ayropilan bilen udul Ürümchige qarap uchuptumish.Ürümchige barghandin kéyin ehwalgha qarap ish körüp, andin Xanbaliqqa yeni paytextimiz Béyjinggha qarap yol alghanmish .

shahit
07-03-09, 15:31
Xitay moda kiyim artisliri ichide 3 neper uyghur qiz-ughul bir Xitay guruppisi ichide yawrupagha kelgen bulup,tamashibin arisidin bir kishi-arangladiki bezi artisler bizning yawrupaliqlargha tolimu oxshaydiken?dep sorisa gurup baxhliqi-shundaqmu?artislirimizning hemmisi xity milliti.dep jawap bergenti.

Bu shermendilikni anglighan tamashibin ichidiki Uyghurlar sekrep chiqip-gurup bashliqi xitay yalghan sozlewatidu artisler ichidiki bu bu numurdikiler Uyghur lar dep etiraz bildurgende numussiz gurup bashliqi xitay,biz bu heyetni elip kelguchi nime diyish bizning ishimiz.dep jawap bergenti.

Anglidinglamu?Qerindashlar!Xitaylar atalmish oz terturyeside Uyghur digen bir milletning yashaydighanliqinimu mumkin qeder yushurup kelmekte!

Shuning uchun biz her-bir xitay puqrasimu bizning dushminimiz disek xatalashmaymiz!(kumpartiye dushminimiz xeliqte gunah yoq)bu bir deplomatik jawap xalas!