PDA

View Full Version : Rabiye Qadir Xanim Jenwede BDT Xadimliri bilen Körüshti



Unregistered
04-03-09, 16:36
Rabiye Qadir Xanim Jenwede BDT Xadimliri bilen Körüshti

Uyghur milliy herikitining yétekchisi, Dunya Uyghur Qurultiyining reisi Rabiye Qadir xanim, 2009 - Yili 3 ‏- Mart küni, Shwétsariyining Jenwe shehiride Birleshken Döletler Teshkilati kishilik hoquq ali komutétining mesulliridin Yuliyan Burgér xanim we uning yardemchisi bilen körüshti.

Rabiye Qadir xanim körüshüshte ulargha, dunyaning herqaysi jaylirida yashawatqan uyghurlarning ehwali, weten ichidiki uyghurlarning xitay hökümitining siyasiti astidiki weziyiti heqqide etrapliq melumat berdi, shuningdek Yuliyan xanimning Guantanamodiki uyghurlarning mesilisige alaqidar soallirigha jawab berdi .

Rabiye Qadir xanim Yuliyan Burgér xanim bilen bir saettin artuq söhbetleshkendin kéyin, Birleshken Döletler Teshkilati kishilik hoquq ali komutétining Xitay ishliri bölümige mesul Kristina Chong xanim bilen körüshüp, uningghimu uyghurlarning weziyitini , bolupmu Olimpik Tenheriket yighining aldi keynide Xitay hökümiti uyghurlarning kishilik hoquqini eghir halda depsende qilghanliqini , hetta nurghunlighan bigunah kishilerning türmilerge qamalghanliqini tepsili tonushturdi.

Bu heqtiki uzun söhbettin kéyin, Rabiye Qadir xanim, Birleshken Döletler Teshkilati kishilik hoquq ali komutétining térrorliqqa zerbe bérish bölümining xadimi Sauniya Kironén xanim bilen söhbet ötküzdi.

Rabiye Qadir xanim, Jenwede Birleshken Döletler Teshkilati kishilik hoquq ali komutétining mesulliri bilen ayrim - ayrim söhbet élip barghandin kéyin, shu küni chüshtin kéyin Shiwétsariyidiki nopozluq axbarat orunliri muxbirlirining ziyaritini qobul qilip, ularghimu uyghurlar nöwette duch kéliwatqan siyasiy, iqtisadi, irqiy weziyet toghrisida melumat berdi.

4 ‏- Mart yeni bugun, Rabiye Qadir xanim Shwétsariyining paytexti Bern shehiride Shwétsariye tashqi ishlar ministirliqining xadimliri bilen körüshüsh, ulargha Shiwétsariyidiki uyghurlarning mesilisi hemde Guantanamodiki 17 neper uyghurdin 3 uyghurning Shiwétsariyige orunlishish iltimasi üstide toxtilish hemde Shwétsariye parlaménti kishilik hoquq komutet reisi we mezkur komutet millet wekilliri bilen tonushup ular bilen söhbet élip bérish qatarliq paaliyetlerni élip barghandin sirt, Rabiye Qadir xanim yene Shwétsariyining Bernde turushluq 3 chong gézit muxbirining mexsus ziyaritini qobul qildi.

Rabiye Qadir xanimning Shiwitsariyediki paaliyiti nahayiti ongushluq bolmaqta. Rabiye Qadir xanimning bu qetimqi Shiwitsariye ziyaritige Dunya Uyghur Qurultiyi muawin reisi Esqerjan ependi hemrah boldi.



Dunya Uyghur Qurultiyi Neshiryat Teshwiqat Merkizi

2009- yili 4- Mart