PDA

View Full Version : xuda uyghurchini bilemdighandu hikaye



Unregistered
22-02-09, 16:24
xuda uyghurchini bilemdighandu hikaye

Apturi : xenjer ( shebnem munbirdin élindi )
Bu hikaye nahayti az , emma bek saz iken .... Bashqa duslarningmu baha bérishni ümit qilimen !



Yash ana ,bashlan'ghuchning tötinchi yilliqida oquwatqan oghligha ayet - kelmilerdin ögitishke bashlidi.
Bala bekmu zirek idi.Közliridin üchqunlar chaqnap turatti,anisidin nurghun-nurghun su'allarni sorayti,könglide bolsa uningdinmu köp su'allar tipcheklep turatti...
Bir yekshenbe küni .Ana oghligha tamaq yiyishtin ilgiri we tamaq yep bolghandin kiyin oqulidighan du'alarni ögitishke bashlidi.
Ana shunche xlas bilen qayta- qayta yitekchilik qilghan bolsimu ,oghlining zihnini yighilmaywatqanliqini körüp sel chichildi:
- Misran ,zihningni yigh ! nime xiyal qiliwatisen ,qozam.Bu du'alarni chuqum biliwélishing kérek ,bu bek muhim..
- Apa - dédi ,misran so'al tökülüp turghan chirayliq közlirini anisining közlirige tikkiniche - sizdin bir so'al sorisam bolamdu?
- Bolidu ,qini sorighin ,emma köp sorimighin ,bügün öginidighining köp...
- Apa ,xuda hemmini bilip turidu ,shundaqmu?..
- Shundaq oghlum ,xuda hemmige qadir ,hemme ishimizni bilip turidu,herqandaq ish-pa'aliyiting uninggha ayan bolup turidu..
- Apa undaqta xuda uyghurchini bilemdu?!...
Ana sel térikti ,shundaqtimu amraq oghligha jawab berdi:
- Elwette ,chüshinidu,qozam ,u hemme tillarning yaratquchisi..
- Wah ,emdi yaxshi boldi!!
Misranning közliri adettikidin bekrek chaqnap ketti.
Ana heyran boldi:
- Néme boldi sanga,némige yaxshi boldi?
- Bek yaxshi boldi,xuda ning uyghurchini bilidighini némishqa burunraq éytmidingiz apa!?
Men emdi könglümdiki tileklirimni ,du'alirimni öz tilimda qilimen.Sizning ögetkenliringizni yadqa alghinim bilen héchnémini bilelmidim...
- Undaq qilsang.......Yaq eng yaxshisi men ögetkenlirimni yadqa alghin ,buni chong bolghanda chüshinip qalisen..Hazir men qandaq ögetsem shundaq ögen'gin ,ayet-sürilerni ögen'gende köp so'al sorisang yaman bolidu...

- Yaman bolidu?!
Misran apisigha bekmu amraq idi.Apisi namaz ötigen chaghlirida apisining heriketlirini dorap teng <<ناماز>>öteyti.U anisidin yene ichkirilep so'al sorimidi,uning qelbide gunah atalghusi heqqide türlük qiyaslar dawamlishatti....
U astaghine pichirlap qoydi:
- Xuda rastinila uyghurchini bilemdighandu?

Unregistered
22-02-09, 17:35
rastinla peyzi hikaye iken, apturgha hem chaplap qoyghuchigha rexmet!....