PDA

View Full Version : Wang Léchuen bilen Nur Bekrining Saqal – Burut toghriliq Söhbiti



Koltekin
19-02-09, 19:45
Wang Léchuen bilen Nur Bekrining Saqal – Burut toghriliq Söhbiti

(Izahat: Wetendiki Melum Bir Tor Bétige chaplinip, Kéyin èlip Tashlanghan Eser)


__ Yaxshimu Siz Wang Shuji? Méni chaqirtiptikensiz?

__ Kéling, Kéling.. Nur zhushi, Sizni saqlap olturghanidim. Paranglishidighan Muhim ish bar idi!

__ Lebbey….

__ Mundaq gep Nur zhushi, Siz bilen Uyghurlarning Saqal – Burut mesilisi toghruluq bir söhbetlishey déwidim.

__ Saqal – Burut mesilisi toghruluq demsiza, Wang Shuji? He, he, he, bolidu, bolidu. Qéni sözleng, sözleng.

__ Biz Saqal – Burut mesilisi toghruluq 1997 – yilidin bashlap xéli jiq, keskin yolyoruqlarni berduq. Hökümet xadimliri, Oqutquchilar, Qanun sahesidikiler we bashqa idare – organlardiki xéli jiq milliy kadirlar bu yolyoruqning rohigha angliq emel qildi. Lékin bir qisimliri, bolupmu Aliy we Ottura mekteplerdiki oqutquchilar bu yolyoruqqa dégendek boy sunmidi. Mekteplerni Saqal – Burutsizlashturush xizmiti bügüngiche köngüldikidek emelileshmidi. Pilanliq tughut siyasiti, Qoshtilliq maarip emelilishiwatqan yerde, Saqal – Burutsizlashturushning emelileshmesliki normal hadise emes – de?. Siz bilen bügün mana mushu mesile toghruluq sözleshsem deymen, Nur Zhushi!

__ Hörmetlik Wang Shuji, Méningche bolsa Merkezdin yaki SH U A R partkomi we xelq höküméti namidin resmi bir höjjet chüshürmigiche, bu mesile emelileshmeydighan oxshaydu. Maarip Nazariti pütün charilarni qollinip baqti. Saqal – Burutning Medeniyetlik, Pakizliq, Ilmilikke zit ikenliki toghrisida yillap teshwiqat élip bérildi, hetta bezi Rayunlarda Mektepler Oqutquchilarning Maashini tutiwélip baqti, xizmettin toxtutup baqti, chong yighinlarda tenqitlep baqti, türlük bésimlarni ishlitip baqti… lékinze…, toluq emelge ashmidi. Bolsa, Bu mesilini Qanun maddisigha kirgüzüp…

__ Yaq, yaq, yaq, Nur zhushi, Bu toghruluq Merkezdin yaki SH U A R partkomi we xelq höküméti namidin resmi höjjet chüshürüshke bolmaydu. Qanun maddisigha kirgüzüshke téximu bolmaydu. Chet`eldiki kishilik hoquq teshkilatliri buning Partiye – Hökümetning buyruqi bilen boliwatqan ish ikenlikini bilip qalsa, Bizdin qusur tapalmay aran turghan bu eblexler jahanni béshigha kéyidu. “Junggoda Az sanliq Milletler hetta özining Saqal – Burutighimu ige bolalmaydu!” dep jar silip, dölitimizning yüzini töküwétidu. Siyasiy tüzülmimizni qarilaydu. Dölet bashliqlirimizni déplomatiye sorunlirida qéyin ehwalgha chüshürüp qoyidu. Manga qarang Nur zhushi, bezi ishlarni höjjet chüshürmey, éghizaki buyruq bilenmu bir terep qilghili bolidu. Bezi nazuk mesililerni éghizdiki qanun bilenla hel qilghan yaxshi. Düshmen küchlerge Quyruqimizni tutquzup qoymasliqimiz kérek. Chet`ellikler nimishqa bizni hemme tereptin eyipleyduyu, yiterlik delil - ispat körsitelmeydu? Chünki pakitqa érishelmigen. Gep dégenning renggi, wezni yoq. Qolda turmaydu. Nazirlargha keskin buyruq bersek, ijra qilmay amali yoq. Chataq chiqsa, yerliktiki bir – ikkisini emelidin élip tashlap, hemmini shuningga artip ishni tügitidighan gep.

__ Toghra, toghra, toghra deysiz Wang Shuji, chüshendim, chüshendim. Men Maarip Nazaritining Naziri bilen etila tüzük bir sözlishey.

__ Emma Méni éghizgha élishning hajiti yoq jumu, Nur zhushi! Wang Léchuenning buyruqi bu, dep salsingiz, Milliy bölgünchilerge bolup béridu….

__ Chüshendim, chüshendim… Öz namimda sözley, toghra, chüshendim Wang Shuji ….

__ Dölitimizning bayliq ghezinisi bolghan Shinjiangni bashquriwatqan ademler turup, mushunchilik addiy bir ishni hazirghiche hel qilalmisaq, qandaq bolidu – he? Xeq bizni yarimaslar dep tillimamdu?

__ Elwette hel qilip kétimiz. hel qilip kétimiz … lékinze…..

__ “Lékin” dep qaldingizmu, Nur zhushi ?

__ Özingiz bilisiz Wang Shuji, Bu bir nazuk mesile. Qarimaqqa kichik ishtek qilsimu, lékin bu, bu, bu … Uyghurlarning milliy héssiyatigha bérip taqishidu….

__ Qéni, qéni, Nur zhushi, Erkin _ Azade Sözlewéring, ikkimiz könglimizdiki gepni diyishelmisek, bu rayunni qandaq bashqurup kételeymiz?

__ Saqal – Burut dégenghu…, bir erzimes Tük. Uning it bilen choshqining tükidin perqi yoq. Lékin, Saqal – Burut qoyush Uyghurlarning nechche ming yilliq en – enisi. Kochida éqip – yürgen bezi gepler quluqimgha kirip qaldi. Bir qisim ademler “Saqal – Burut ___ Uyghur dégen bu millet bilen bille törelgen. Bedinimizning bir terkiwi. Uni qandaq bir terep qilish özimizning hoquqi. Erlikning zinniti bilgenler üchün u bir tutiya. uni yarashturup qoyup hozurlinidu. Xalimighanlarning neziride gendichilik qimmiti yoq. Biz emdi özimizning Saqal – Burutighimu ige bolalmamduq? Allah bergen bu hoquqtin bizni nimishqa mehrum qilidiken? Hökümetning nerige putlishiptu? Xizmetning nerige putlishiptu? Tereqqiyatning nerige putlishiptu?... „ dégendek itirazlarni bildürüp yürgidek. Metbuatlardimu ashkare naraziliqlarni otturigha qoyuptu. Qarimaqqa jimdek körüngen bilen, jemiyetni her xil naraziliq inkasliri qaplaptu. Bolupmu, Mekteplerde Oqutquchilarning naraziliqi bek küchlükken. Yene téxi…

__ Qarang Nur zhushi, bu geplerni menmu anglidim. Men yene shunimu anglidimki, Saqal – Burut qoyghanlarning hemmisi dégüdek Diniy we Milliy héssiyati küchlük ademlerken. Saqal – Burutni yoqitishtiki meqsedmu, del bezi esheddiy Diniy, Milliy unsurlar bilen bashqa itaetmen, mulayim xeliqni perqlendürüshtin ibaret. Mesilining nigizi Saqal – Burutta emes, belki Diniy, Milliy héssiyatta. Maarip sépidin bu xil Diniy, Milliy héssiyatni pak – pakiz süpirip tashlimighiche, Shinjiangning uzun yilliq muqumliqini kapaletke ige qilghili bolmaydu. Muqumluq birinchi! Barliq charilerni qollinip muqumliqni qoghdash kérek !

__ Chüshendim, chüshendim, Wang Shuji…..

__ Siz reislik xizmitini zimmingizge alghili uzun bolmidi, shunga bezi ishlarning sizge qéyin tuyulishi ejeplinerlik emes, biraq Nur zhushi, Partiye rehberlikige sadiq bolsaq, her qandaq qéyin ishnimu bir terep qilalaymiz. Eng muhimi sadiqliq. Eyni yilliri uyghur déhqanlar pilanliq tughut siyasitige qarshi qanchilik naraziliq bildürdi? Pilanliq térilghugha qarshi qanchilik naraziliq bildürdi? Qosh tilliq maaripni qanchilik Oqutquchi qollidi? Ichkirige éshinche emgek küchlirini yötkeshke qarshi qanchilik naraziliqlar bash köterdi? Ichkiridin ishlemchilerning kélishige uyghurlar razi bolup baqtimu? Démek, pütün naraziliqlar, qarshiliqlar axirqi hésapta bésiqip qaldi. Tedbirlik bolsaq, keskin bolsaq, rehimsiz bolsaq, hemmini bash egdüreleymiz. Buning aldida Saqal – Burut dégen nimiti?

__ Toghra, toghra, toghra deysiz Wang Shuji, Saqal – Burut dégen nimiti? Men etila Maarip Nazaritining Naziri bilen rawurus bir sözlishey. Saqal – Burutini almighanlarni qattiq bir terep qilmay bolmaydu!

__ Yaraysiz Nur zhushi! Sizning istiqpalingiz köp parlaq jumu!? Biraq, bu ishning dagh – dughusi bek chong bolup ketmisun!

__ Chüshendim, chüshendim, Wang Shuji…..

__ Saqal – Burutning yene bir ziyanliq teripini siz hés qilmighan bolishingiz mümkin. Saqal – Burut milletler ittipaqliqigha tesir yetküziwatidu. Bizning ichkiridin kelgen bezi yoldashlar Uyghurlargha yéqinlishay disimu, Saqal – Buruti sürlük körünüp yéqinlishalmaydiken. Özini xuddi chet`ellikler bilen bir yerge kep qalghandek qorunup, erkin – azade bolalmaydiken. Hemmimiz bir junngoluq bolghandikin, aridiki sürlük perdilerni yirtiwétip, özara ijil – inaq ötsek yaxshi emesmu? Milletler ittipaqliqi muhim – de? Shundaqmu – emesmu Nur zhushi?

__ Shundaq, shundaq, Wang Shuji. Milletler ittipaqliqi hemmidin muhim. Milletler ittipaq bolmighiche, dölitimizning zimin pütünlikini qoghdap qalghili, üchxil küchlerni yoqatqili bolmaydu! Bolsa, Xenzular bilen Uyghurlarning toylishish ishlirini keng teshwiq qilip, ikki millettin toylashqanlargha béridighan mukapat sommisini köpeytip, quda – baja bolup ketsek, yene bir nechche ewlattin kéyin saqal – burutluq Uyghurlarmu qalmayti….

__ Hebbelli, mawu gépingiz téximu toghra boldi, Nur zhushi!.

__ Yézilardiki déhqanlarningmu Saqal – Burutini…

___ Yaq, téxi baldur. Yézilargha hazirche chéqilghili bolmaydu. Aldi bilen sheherdiki saqal – burutlarni pakiz tazilap tügiteyli, andin yézigha köchimiz.

__ Bolidu, chüshendim. Emise men etila Maarip..

__ Bügünla deng. Ete qilidighan bashqa ish bar.

__ Bolidu. Bolidu. Men hazirla Saqal – Burut dégenni eshu ….

Unregistered
19-02-09, 20:35
bu bir yaxshi eser iken, Rexmet!

Unregistered
19-02-09, 23:42
Heqiqiten isil eser boluptu. Qolingizgha dert yetmesun!

Unregistered
20-02-09, 16:17
Bu taza bir yahshi yazma boptu, likin wang hittay hargizmu Wang bekrining aldida (Nurbekring Sherkiy Turkistanda atilshi) bir ishlarni maslahat katarida dimaydu. Wang bekrimu hargiz unungha Uyhgurlarlarning hisyati tohrista gap kilalmaydu. Nawada U Wang hittayning ahzhidn chikip bolhiche ijra kilip boludu. Hatta bazi bassillarda Wang ning aldiha otiwalidu. Shunga Wang ning haraktiri Uyhgurlarning hisyatiha karap ish tutudhan, Wang bekring haraktiri mlli ishlarha kalgenda oylap ish kildihan bolup taswirlininp kaptu.

Unregistered
20-02-09, 21:02
Tazaquxinelmey kapsiz...