PDA

View Full Version : Abduhaliq Uyghur



Unregistered
08-02-09, 12:03
Bardur

Abduxaliq Uyghur
=====
1921-yili

Jahalet semeresidin bizge bir kün köp japa bardur,
Éytingizchu, bügünki halimizning qaysi biride sapa bardur.

Zamanning halidin waqip bolup turmaqning ornigha,
Birini shangyu saylap arqidin dewayimiz bardur.

Ilimning ijtihadigha köngülni qoymiduq bizler,
Oqurmiz-oquturmiz séghiz chaynashmiz bardur.

Teawunu-tenasur ornigha bizlerde bir adet,
Yéngi bashni kötürgenni urup yiqqanimiz bardur.

Yene yurt paydisigha jem'iy bolmaqliq besi müshkül,
Eger bir yerde toy bolsa, bérip yatqanimiz bardur.

Omumning paydisigha yüz yilda hem esla chüshenmeymiz,
Ziyan qilmaq üchün bolsa ejep chaqqanimiz bardur.

Biri bir yaxshiliq qilsa, uning yadini qilmaq yoq,
Épi kelse bérip ewretlirini achqanimiz bardur.

Eger millet üchün bir pul chiqish kelse tapalmasmiz,
Chiqimi yoq nawa pulgha tola ixlasimiz bardur.

Ixwan hem buraderlik nishani qalmidi bizde,
Meger dost bolsaqmu esli, bölek muddiayimiz bardur.

Xataen dostimizda bir eyib zahir bolup qalsa,
Yoshurmay birge onni tépip qatqanimiz bardur.

Babalar shöhriti, gheyritini héch séghinmasmiz,
Qélip gheplet jahalette yumup köz, po atqanimiz bardur.

Kéreksiz mustehep ishlar üchün janni pida qilmaq,
We lékin hejge baj alsa, tozup qachqanimiz bardur.

Oyun-chaxchaq tüpeylidin öz'ara biep bolsaq,
Yarashturup qoyush nede, arigha ot yaqqanimiz bardur.

Xushamet babida bizdin bölek ustisi hem yoqtur,
Quwlughu shumluq bilen rengmureng yalghanimiz bardur.

It urghanni tonur dep bar idi bir temsili,
Loyi, ambal we darin dep sémiz baqqanimiz bardur.

Ilim-pen'ge yürüsh qilghan uchar kökte-üzer suda,
Minishke qotur éshek yoq, piyade qalghanimiz bardur.

Gürkirep kelse aptomobil, néme bu ey xudayim dep,
Eqilni ishlitelmey hang-tang qétip qalghanimiz bardur.

Hüner bilen sanaette "yétishtuq" emdi ish pütti,
Umach ichmekke xumdanda ghédir quyghanimiz bardur.

Misli jennet taghu-deryani bézeshke yoq kishi,
Yastuqni qirlap qoyup bighem yatqanimiz bardur.

Munejjim hem injénér, alimlarning ornigha,
Tonur selle, nepsi bala mollimiz-sultanimiz bardur.

Qizil közlük, körelmeslik we ya özi qilalmasliq,
Qilay dep bel baghlighanlargha türlük tümen böhtaminiz bardur.

El-yurtning derdige qilchimu derman bolmiduq bizler,
Kélur bir kün ashu chaghda ornigha kelmes pushmanimiz bardur.

Abduxaliq bes, yéter aware bolma, qaqshima,
Shu chagh kelgende bizlerde azabqa teyyar wijdanimiz bardur.

Unregistered
08-02-09, 15:31
Merhumning yatqan yeri jennet b olsun, Amin.shuning uchun men chong oghlumning ismini Abdulhaliq Uyghur dep qoydum, qeni mendin bashqa kim oghligha yaki nebiresige shundaq at qoydi,?zaten mening bir terepim Turpan baghriliq, yani merhum Abdulhaliq Uyghur bilen yurtluq.mende yuzde 12.50 pirsent Turpan baghriliqning qani bar,

Unregistered
08-02-09, 19:07
Bu shiir hazirqi zamanda yezilghan shiirdeq qilidighu? Yalghandin Abduhaliq Uyghurning ismini qoshuwalmighansiler? Bu shiirda eks itilgen Uyghurlar bugunki Uyghurlarning uzilighu, bolupmu chet'elde yashawatqan Uyghurlarning? Rast Abduhaliq Uyghur yazghan shiir bolsa Uyghurlarning aditidiki bu kissellik 90 yildin beri peqet saqiyay dimeptu-de? Gherpning mediniyet tesiriningmu qilche shipasi bolmighini eniq. Way, Uyghurum, Abduhaliq atimiz agalandurghandek saqaymay olip kitidighan ohshaysen.