PDA

View Full Version : Uyghur xelqning béshigha kelgen " 5 ‏- féwral ghulja qetli'am" héchqachan untulmaydu



Unregistered
07-02-09, 04:54
Uyghur xelqning béshigha kelgen " 5 ‏- féwral ghulja qetli'am" héchqachan untulmaydu

"5 ‏- féwral ghulja weqesi" uyghurlar üchün échinishliq bir künni eslitidu, buningdin del 12 yil ilgiri yeni 1997 ‏- yili 5 ‏- féwral küni ghuljida kup sanda uyghur yashliri xitay kommunist hakimiyitining natoghra siyasitige qarshi élip barghan naraziliq namayish pa'aliyiti xitay kommunist hakimiyiti teripidin wehshiyane basturulghan idi. Dunyaning her qaysi jayliridiki uyghurlar xitayning bu jinayi qilmishlirini héchqachan untup qalmidi

Dunyaning héchqandaq yéride namayish qilghanlarni öltürüsh, yaki türmige qamash mewjut emes. Tinch usul bilen naraziliqini ipadilep namayish qilish nurghun döletlerde insani heq hoquqi dep qarilidu. Emma xitay diktator kommunistliri özlirining zalimliqni ashkarilap rezil siyasetlirige naraziliqni ipadiligen xelq ammisigha zorluq qilip, qural ishliitp nurghun bigunah xelqni qetli'am qildi. Bu namayishini basturush üchün xitaylar zamaniwi qorallar bilen meydan'gha chiqip er - ayal , qérish ‏- yash, ayrimastin qara - quyaq oq chiqirip, 300 din artuq shexsni shéhid qildi. Qollirida tömürning parchisi yoq gunahsiz xelq ammisi xitaylarning qattiq basturushigha düch keldi, bu weqede insan qélipidin chiqqan xitay yawuzliri nurghun yashlarni öltürüp nurghun yashlarni qolgha aldi. Xitaylar qolgha alghanlarning put - qolini baghlap qoyup, qehritan soghuqta üstige su quyup muzlitip wehshiyane qiyin qistaqqa aldi.
Aridin 12 yil ötken bügünki kündimu bu weqege munasiwetlik dep qarap qolgha élin'ghan nurghun uyghurlar xitayning qarangghu türmiliride qamaqta yatmaqta. Igilishimizche shu chaghda tutqun qilin'ghanlarning ichide 70 yashliq buwaylarmu bar bolup bezliri 18 yilliq bezliri muddetsiz türmige qamalghan biz bularning isim familisi, yéshi we adréslirini qolgha chüshürduq. Xitay hakimiyiti bu qilmishlirini étirap qilmisa delil pakitni otturigha qoyalaymiz.
Xitay hakimiyiti emgek bilen özgertish dégenni bahane qilip, ularni tash izish, tash toshush dégen'ge oxshash éghir emgekke sélip, qattiq qiynimaqta . Xitay kommunist hakimiyiti bu jinayi qilmishliri sewebidin xelq'ara sotqa tartilishi lazim. Xitay kommunistliri sotqa tartilishi we qamaqta yatqan uyghur yashlirini shertsiz qoyup bérishi üchün pütkül dunya jama'itining, xelq'ara kishilik hoquq we insan heqliri teshkilatlardin , özlirini démokratiye we erkinlikning bayraqdari körsitiwatqan döletlerdin xitaygha bésim ishlitishini telep qilimiz. Ghulja weqeside shehid qilin'ghan uyghurlarning a'ilisige bedel puli tölem tölishi qolgha élin'ghan uyghurlar derhal we shertsiz qoyup bérilishi lazim.
Bügün yeni 2009 ‏- 5 ‏- féwral dunyaning her qaysi jayliridiki uyghurlar xitaygha bolghan ghezep nepretlirini ipadilep namayish pa'aliyiti élip bardi. Dunyaning her qaysi jayliridiki uyghurlar "5 ‏- féwral ghulja weqesi" ni untup qalmidi. Uyghur xelqining béshigha kelgen bu échinishliq tragédiye héch qachan untulmaydu.

Arslan ‏07‏/02‏/2009
menbesi:www.maariponline.org