PDA

View Full Version : Uyghurlar heqqide béyjing shehiri bashliqigha xet !



Unregistered
13-01-09, 11:08
Uyghurlar heqqide béyjing shehiri bashliqigha xet !

http://groups.yahoo.com/group/uygurlar/message/6856


Uyghurlar heqqide béyjing shehiri bashliqigha xet !
Bashqurush eskeritmisi :
[Bu yazma xabnam terpidin échiwétildi(2009-01-13)wen yenxey ependining béyjing sheherlik j x idarisining bashliqigha yazghan xéti :]
Shinjangliq uyghurlarning béyjingda turushi, ijtima'iy qurulush we swhiye – saqliq saqlash mesililiri toghrisida
Aptor : wen yenxey (béyjing “ eyjishing”tetqiqat ornining bashliqi)
Idare bashliqi ma jénchuen ependi :

Men wen yenxey, béyjing shehirining ahalisi , el arisidin teshkillen'gen eydiz késilidin mudapielinish xizmiti bilen shughullinimen.
Bügün chüshtin kéyin, yeni 2009-yil 1-ayning 11-küni pidaiylarning hemrahliqida béyjing dashingdiki shinjangliq uyghurlar top olturaqlashqan mehellige bérip, eydiz wrusi yuqturuwalghan bireylenni we eydiz késili bilen éghirliship qalghan yene bir ayalni yoqlap bardim. Biz uning öyige barghan chaghda u oruqlap iskilittekla bolup qalghan iken, u késel azabida ingrap yatatti, bizdin qandaq qilghanda zeher tashlighili we eydiz késilini dawalighili bolidighanliqini soridi. Biz etisi uni doxturxanigha élip baridighanliqimizni éytip uning bilen xoshlashtuq. Bextke qarishi bügün axsham bu ayalning alliqachan jan üzgenlik xewirini tapshurup aldim. Bu ayalgha waqtida yardem bérelmiginimdin tolimu ökündüm. Bu bir hepte ichide men anglighan yene bir uyghur ayalning eydiz késili bilen ölüp ketkenlik xewiri idi. Men bu ayalning bextsizlikige échinipla qalmastin belki bizning bu sheherning shinjangdin kelgen uyghur xelqige yaxshi mu'amile qilmighinighinini héch chüshinelmidim. Bu ayal doxtur-dora kem emes bir paytextte jan üzdi, u jan üzüsh aldida méditsinaning yardimige érishelmidi, élimiz hökümitining namrat eydiz bimarlirini heqsiz dawalash siyasiti élimizning herqaysi chong sheherlirining bulung-puchqaqlirida sersan bolup yürgen uyghur xelqige qilchilik nep bérelmidi, halbuki , ularning mutleq köpinchiliri bundaq siyasetning barliqini bilmeydu hem bundaq siyasetning illiqliqidin behrilinelmeydu. Bügün chüshtin kéyin biz mushu rayonni ziyaret qiliwatqan chéghimizda men bizning bu xizmet guruppimiz nahayitit köp qétim anglighan j x tarmaqliri bu olturaq rayondiki ijare öy igilirini chaqirip ulardin shinjangliqlargha öy ijare bermeslikni telep qilghanliqitoghriliq bir xewerni anglidim.
Ötken 10 yilda, béyjingdin ibaret bu sheherde biz shinjangliqlarning topliship olturaqlashqan “ wéygongsun” ( uyghur begkiri nehellisi) din genjyakogha , gherbiy wogzalgha, wenchuensi we hazirqi herqaysi kichik-kichik mehellilerge köchkenlikini körduq. Men sheherdiki shinjangliq uyghurlar topliship olturaqlashqan mehellilerde nurghun amanliq mesililirining saqliniwatqanliqigha, buning tolimu bash qétinchiliqi keltüridighan mesile ikenlikige diqqet qilip keldim. Emma men qet'iy yosunda shinjangliqlar mehellisidiki amanliq mesililiri, ammiwi sehiye mesililiri we siyasiy mesililerni bir terep qilishta j x tarmaqlirini öz ichige alghan béyjing sheherlik hökümetning aldi bilen uyghur xelqining köchüsh we olturaqlishish hoquqigha hörmet qilinishi , belki mesile saqlan'ghanliq seweblik ularni xahlighanche qoghliwetmeslik, xahlighanche tutup solimasliq kérek , dep qaraymen. Del shuning eksiche teklip bérimenki, béyjing sheherlik hökümet tarmaqliri mexsus tür meblighi ajritip sheherning bulung-puchqaqlirida yürüwatqan az sanliq milletlerning tereqqiyatigha, ularning waqitliq turush kinishkisigha érishishige yardem bérip, ijtima'iy ish orni terbiyisini qanat yaydurushi we ish orni pursiti yaritip bérishi kérek, ularning perzentlirining hemmisi béyjing shehiride mektebke kirishi kérekki hazirqidek hemmisi oqushsiz qalmasliqi kérek, élimiz hökümitining eydiz bimarlirini heqsiz dawalash we ulargha yardem bérish siyasitini chüshendürüp, zeherning ziyinini töwenlitidighan sehiye mulazimiti bilen teminlishi , uyghur xelqini paytexttin ibaret bu sheherge sighdurushi , döletning kishilik hoquqqa we xelqning saghlamliqigha köngül bölidighanliqi we mes'ul bolidighanliqini ulargha hés qildurushi kérek.
Men bizning bu shehirimizning uyghurlargha yürgüzgen töwendikidek kemsitishlirige , bezi kemsitishlerning ochuqtin ochuqla béyjing shehiridiki j x tarmaqlirining qanun ijra qilish herikitidin kelgenlikige diqqet qilip kéliwatimen :
1. Tekiyxana (méhmansaray)lar omumyüzlük halda shinjangliqlarning ( bolupmu uyghurlarning) turushini qobul körmeydu, bezi tekiyxanalar 2008-yili 10-ayda méning rehberlikimdiki apparat (eyjixing tetqiqat orni) bilen yighin'gha méhmansaray ishlitish kélishimi imzalighanda uyghurlarni qobul körmeslik buyruqining j x tarmaqliridin chüshürülgenlikini éniq izahlap ötti;
2. Shexsler öylirining shinjangliqlargha bérilmesliki belgilen'gen;
3. J x tarmaqliri uyghurlargha waqitliq turush kinishkisi béjirip bermigen;
4. J x tarmaqliri zeherge zerbe bérish namida uyghurlar top olturaqlashqan mehellilerdiki xelqni xahlighiniche tutqun qilghan we ularni qoghliwetkende qanun'gha we paktqa asaslanmighan;
5. Gerche biz bu ajizlar topining ötüp ketken mushu bir heptide ölüp ketken ikki eydiz bimarlirini öz ichige alghan bextsizliki we uchrighan ziyankeshliklirige sijil diqqet qilip kelgen bolsaqmu ,uyghurlar paytextning siyasiy muqimliqi üchün tehdit, dep terghib qilin'ghan;
6. Balilar oqushqa kirish pursitidin mehrum qilin'ghan;
7. Turidighan öy bolmighanliqtin turmush sharaiti bekla nacharliship ketken;
8. Ulargha nisbeten eqelliy sehiye terbiyisi we sehiye mulazimiti kemchil bolup, ular élimizning eydiz bimarlirini heqsiz dawalash siyasitidin xewersiz qaldurulghan;
9. Ular élimiz hökümiti eydiz bimarlirini heqsiz dawalash mulazimiti we méhribanliq mulazimitidin mehrum qaldurulghan;
10. Ular élimiz hökümiti zeher istémalchilirini teminleydighan méshadon(methadone ) teqlidiy buyumliri bilen dawalash mulazimitige érishelmigen;
11.Bixeter muhit kemchil bolghanliqtin, ular sijil we omumyüzlük pakiz yingne-shiprislargha érishelmigen;
12. Hökümetning siyasiti we iqtisadiy qollishi bolmighanliqtin, pidaiylar we ijtima'iy teshkilatlarning zor tewekkülchilik qilishigha toghra kelgenni az dep saqchilarning tutushi we késel yuqup qélishighimu duch kelgen;
Yuqiriqi ehwallar toghrisida béyjing sheherlik hökümet, bolupmu béyjing sheherlik j x idarisige shundaq küchlük iltija qilip teklip bérimenki :
1.Uyghurlargha qaritilghan herqandaq gheyriy dostane heriketni toxtitish, uyghur xelqining béyjing shehiride xatirjem tirikchilik qilishigha yardem bérish;
2. Siyaset tüzüp we meblegh ajritip, uyghur mehellilirining ma'aripini rawajlandurush, mehelle ijtima'iy teshkilatlirini rawajlandurush, ish orni pursiti yaritish , sehiye-dawalash mulazimitini öz ichige alghan tereqqiyatini qollash;
3. Mehellilerning ijtima'iy teshkilat tereqqiyatini jiddiy qollash, uyghur xelqi arisida saghlamliq terbiyisini omumyüzlük qanat yaydurup, saghlamliq mulazimiti bilen teminlesh;
4. Texrsiz halda dawalash-qutquzush yardimi meblighi ajritip, texrsiz halda mexsus dawalash apparatliri orunlashturup eydiz bimarlirini dawalash we ulargha ghemxorluq qilish'
5. Uyghurlar arisidiki zeher istémalchilirini zeher tashlitish mulazimiti bilen teminlesh we azar bérishni töwenlitish mulazimiti bilen teminlesh'
6. Mekteblerni uyghur balilarni oqushqa qobul qilishqa seperwer qilish;
7. Alaqidar mesililerge qarita ijtima'iy tekshürüsh we siyaset tetqiqatini qanat yaydurup, sotsiyalistik inaq jem'iyet berpa qilishqa we milletler ittipaqliqigha uyghun kélidighan siyasetlerni tüzüp yolgha qoyush.
Wen yenxey
2009-Yil 1-ayning 11-küni
Béyjing shehiri bashliqining xet sanduqigha, béyjing sheherlik sehiye idarisige, béyjing sheherlik eydiz késellikidin mudapielinish komitéti ishxanisigha, béyjing sheherlik jinsiy késellikler-eydiz késelliki jem'iyitige, sehiye ministirlikige yollandi !

<[ Bu yazma TarimDadxah terpidin2009-01-13 01:16de qa ] >

http://www.uighurbiz.cn/bbs/viewthread.php?tid=222118&extra=page%3D1&page=1


http://bbs.xabnam.com/read.php?tid-90830.html

http://www.uighurbiz.cn/forum/viewthread.php?tid=619&extra=page%3D1

Unregistered
14-01-09, 06:54
yaxshi pikirler barken dostlarning bolupmu dunyaning her qaytsi jayliridiki teshkilatlarning oqup paydilnishi kireklik bolghan uchurlarmu bardek qilidu ( meningche )

Unregistered
14-01-09, 19:15
bir xitay aghzinghgha selip bergen ikki eghiz gepke ozungning opikirini yazalmay yaki kormeysen nime mu qilarmiz eger uyghurdin birsimiz yazghan bolsaq eduq u chaghda tillashqa yaki qasashqa yugurgen bolar iduq,

yaxshi oqup oylinish kirek