PDA

View Full Version : DUQ Ijraiye komitètining ikkinchi nöwetlik yighini resmi bashlandi.



DUQ Xewiri
15-07-05, 16:25
DUQ Ijraiye komitètining ikkinchi nöwetlik yighini resmi bashlandi.

Dunya Uyghur Qurultiyi Ijraiye komitèti ikkinchi nöwetlik kèngeytilgen yighinining èchilish murasimi
Muweppiqiyetlik dawam qilmaqta
Dunya Uyghur Qurultiyi Ijraiye komitètining ikkinchi nöwetlik kèngeytilgen yighini Bügun __ 7 - ayning 15 - küni chüshtin kèyin saet 19.00 da, Germaniyining München Shehridiki Rozei Rèstoranida bashlandi. Dunya Uyghur qurultiyi yighin programmisining rohigha binaen, aldi bilen yiraq musapilarni bèsip, ikkinchi nöwetlik ijraiye komitet yighinigha qatnishish üchün qedem teshrip qilghan mèhmanlar sheripige kütiwèlish ziyapiti orunlashturup, ulardin qizghin hal soridi we ularning Sherqiy Türkistan milliy mujadilisi üchün serip etken mihnetlirige teshekkürler èyitti. Ziyapet dawamida, Mèhmanlar özara qizghin söhbetlerde bolup, qurultay qurulghandin buyanqi bir yil ichide qolgha keltürgen utuqlar heqqide memnuniyet izhar qilishti. Ziyapet axirlashqandin kèyin, èchilish murasimi riyasetchisi we ushbu ziyapetning sahipxani Erkin Aliptekin ependi, kech saet 21 bilen, Dunya Uyghur Qurultiyi ikkinchi nöwetlik Ijraiye komitèti kèngeytilgen yighinining resmi bashlanghanliqini tentenilik jakalidi.
Dunya uyghur qurultiyining bu qètimqi Ikkinchi nöwetlik Ijraiye komitèti yighinigha Asiya, Amèrika we yawrupa elliridiki Qurultay daimi komitèt ezaliridin sirt, herqaysi ellerde paaliyet èlip bèriwatqan qurultay tarmiqidiki bir qisim teshkilatlar rehberlirimu ishtirak etti. Ushbu yighin`gha qedem teshrip qilmaqchi bolghan Amèrika, Kanada, Awistraliye, Qazaqistan, Qirghizistan, Türkiye, awistiriye, Swètsiye, Norwigiye, Engiliye we Germaniyidiki teshkilat mes`ulliri hem daimi komitèt ezaliri asasen digüdek öz qerelide toluq yètip kèlip, ikkinchi nöwetlik ijraiye komitèti yighinining muweppiqiyetlik èchilishi üchün deslepki shertni hazirlidi. Èchilish murasimigha yene Xeliq`ara kechürüm teshkilati, Xeliq`ara insan heqlirini qoghdash teshkilati, Xeliq`ara mezlum ellerni qoghdash teshkilati, Bawariye rayunluq hökümetning wekili, Xeliq`ara muxbirlar we munchèndiki Uyghur jamaiti qatnashti.

http://www.uyghurcongress.org/Uy/ne...mID=-1047550160