PDA

View Full Version : Öylen'gin



uaa_admin
30-12-08, 11:26
Öylen'gin
Rozi sayit


Rawaqqa chiqiwélip marap qoymay,
Nazida qash étip, chach tarap qoymay,
"Söy" dése, meshuq emes, alwasti u,
Ketkülük peshni qéqip qarap qoymay.

Bénigha tartmisa ya ketküzmise,
"Söy!" dése, gülidin shax egküzmise,
Éghizi puramdikin kasapetning,
Söygende lewlirige lew tegküzse.

"Tapan'gha söy!" dégini sarangliq u,
Zatigha iblis chapqan haramliq u.
Hidlashma azab, numus, söyüsh tügül,
Nijaset dessep yürgen dawamliq u.

Söymiseng cheylemdiken peske chüshüp,
Térengni eylemdiken qestke chüshüp?
Qorqmighin, titreydu u rawiqida,
Orniship olturushmu teske chüshüp.

Gépingche "taz" bolsimu, "ghaz" bolsimu,
Söydürse söygüdeksen "maz" bolsimu..
Bilip qoy, bet ehlining köngli suyuq,
Sen- bizdin gül qizghinar yaz bolsimu.

Gépingche kénizekler basqanda bash,
Tapan'gha söydürmekke chaghlap yawash.
"Yaq" depsen, könelmepsen, söyelmepsen,
Söygüng bar, ishq yükini étip baghash.

Shunga u kechmeydu, sen kéchelmeysen,
U "pes" ke, sen "égiz" ge köchelmeysen.
Sen deysen: ikki qoldin chiqsun chawak,
U deydu: muzlap, köydüng, öchelmeysen!…

Anglisam, "öylenmeymen!" dep yürüpsen,
"Taq" liqtin murad istep chüsh körüpsen.
Nurghun'ghu boytaq "sayim" yurtimizda,
Xotun al, alma üzgin yeng türüp sen!

1996-Yil 20-öktebir, Xoten