PDA

View Full Version : Pexirlik Tarix (7)



Erdem
15-11-08, 20:53
Pexirlik Tarix (7)


Bu dehshetlik hujumdin jan – mani chiqqan xitaylar her terepke pétirap qéchip, axiri yene chigra mudapiye qoralliq saqchi etriti aldigha yighilip qaldi. Eger bu xildiki hujum Qeshqerde bashqa yerlerdimu yüz bériwatqan bolsa, ular üchün bashqa jan saqliyalaydighan hichqandaq kamar tépilmayti.

Etrapta üchinchi bir küchning yoqliqini, mashinidiki uyghurning allaburun halidin ketkenlikini, özlirige shir – yolwastek étilghan ademning tenha ikenlikini, uning qoralidiki oqi tügep, xenjer bilen hujumgha ötkenlikini bir qur ésigha alghan xitaylar hushini tépip, birla buyruq bilen derhal qorallinip jeng meydanigha qarap yügürdi. Aridin peqet besh minutche waqit ötti.

Ular, ikki uyghur térroristning qolida bu qeder éghir chiqimgha uchrighanliqini yuqiri derijilik organlargha herqanche qilipmu chüshendürelmeyti, özlirini aqlashqa qadir bolalmayti. Bir pütün jungxua millitining shan – sheripining yer bilen yeksan bolishidek haqaretni zimmisige élishqa bolupmu, olimpik ötküziliwatqan bu halqiliq peyitte hich jür`et qilalmayti. Milyonlighan eskiri küchini körek qilip, uyghur xelqige jungxua millitining küch – qudritini tonutup qoyushni, uyghur térroristlirining quruq dawrangdin bashqigha küchi yetmeydighanliqini ispatlash wezipisini zimmisige alghan bu qisim üchün, sayning téshidek yer chishligen eskerliri toghruluq yuqirigha melumat bérishtin qorqunushluq ish yoq idi.

Toluq qorallanghan bu jallatlat “shatliq méhmanxanisi” aldigha yétip kelgende, halsizlanghan Qurbanjan qérindishi Abduraxmanni qéchip kétishke ündesh bilen aware boliwatatti. Abduraxmanda qéchip qutulush idiyisi mewjud emes idi.

Axirqi tiniqqiche éliship ölüp kétish iradisi qelbige möhirdek ornap ketken Abduraxman, qurbanjangha teselli bériwatatti. Ularning üsti – béshi gheriq qan idi.

Etrapta bashqa bir qarshiliq küchliri yoqliqini toluq jezimleshtürgen Xitaylar ularni qorshawgha aldi. Neq meydanda étip tashlash tamamen mümkin idi. Lékin héliger xitaylar özlirining 30din artuq adimining béshigha chiqqan bu térroristlarni öltürüp qoyup, yuqirining ghezipige qélishtin qoruqti. Abduraxman bilen Qurbanjanni dessep pétiqlidi…….


“shatliq méhmanxanisi” gha orunlashqan 20din artuq chet`ellik, bomba partlighan we oq awazi yangrighanda béshini derizidin chiqirishqa jür`et qilalmighan bolsimu, jeng tügigende sunaylinip yatqan xitaylarning qiyapetlirini resimlerge tartiwélishqa jür`et qilishti. Eger ular köz aldida sadir bolghan bu qorqunushluq weqeni derhal öz döletlirige masaj arqiliq yolliwetmigen bolsa, 8 – ayning 4 – küni qeshqerde yüz bergen bu weqe dunya axparat saheside zil zile peyda qilmighan bolatti. Shinxua agénitliqimu, özliri üchün éghir tehdit hem haqaret peyda qilghan bu weqeni derhal jakalashqa mejbur qalmighanmu bolatti.

(dawami bar)

Unregistered
21-11-08, 14:30
yaxshi yezilghan maqale iken!!!!