PDA

View Full Version : Tagham Amanulla Musani esleymen



Ihtibar Yasin
14-11-08, 16:03
Tagham Amanulla Musani esleymen

Ötken heptilerde Erkin Asiya Radiosidin Musa Türkistanining "Türkistan Pajiesi" mawzuluq ötken esirning 30-yillirida Qeshqerde yüz bergen bir qatar weqeler heqqidiki eslimisining bash qisimlirini anglap, shuningdek bu kitabning türkiyide neshir qilin'ghan nusxisini oqup, bowam Musa ependi yeni Musa Türkistanining 1984-yili uni Seudi Erebistanning Medine shehiride körgen waqtimdiki méhriban chirayi köz aldimgha kélip, uni qaytidin chongqur eslewatqan bu künlerde yene bir qayghuluq xewer méni chongqur azablidi. Bu bolsimu, 11-noyabir küni chong tagham, yeni Musa Türkistanining wetendiki birdin bir tewerük oghli Amanulla Musaning tuyuqsiz wapatidur. 12- noyabir küni bu qayghuluq xewerni anglap, yürikim chongqur azablandi hemde buningdin ikki yerim yil ilgiri men Amérikigha méngish aldida tagham bilen xoshlashqan axirqi minutlar köz aldimgha keldi. Buning axirqi qétimliq didarlishish we ayrilish ikenlikini tagham hés qilghan bolsa kérek, u manga "qizim yiraqlargha kétiwatisiz, men hemmini chüshinimen, bu tolimu uzun we qiyin musape, belki bu bizning axirqi qétimliq körüshishimiz bolup qalidu, sizni allagha tapshurdum, ailingiz bilen jem bolup, perzentliringizni weten-milletke yaramliq qilip terbiyilenglar" dégen idi. emdi bilsem, bu emeliyette uning manga qilghan wesiyiti iken !

Chong tagham Amanulla Musa, 1934-yili Qeshqerde tughulghan. U waqitta Musa ependi Qeshqerdiki Sherqiy Türkistan Islam Jumhuriyiti axirliship, Shéngshisey hakimiyetni igiligendin kéyin, Sowét Ittipaqi we Shéngshisey uni tutush üchün heriket qilghanda kozi yorsuh aldida turghan ayalini bixeter orunlashturghandin keyin, anisi we chong oghli Muhemmet Emin qatarliq ailisidiki bir qisim qerindashlirini élip Hindistan arqiliq Seudi Erebistan'gha qéchip ketken. Musa ependi seperge atlinip, Qeshqerdin ayrilghanda uning ayalining oghul tughqanliqi heqqidiki xewerni anglaydu. Qaytip oghlini körey dése, qolgha chüshüp qélishi mumkin, undaq qilmay dése, köngül unimaydu. Ene shundaq qiyin ehwal astida u xewer yetküzgüchilerge "oghlumning ismini Aman Allah qoysun, Allah aman qilsa, bir küni körüshimiz" dep seperini dawam itidu. 1979 – yili oz-ara hayatliq xewirige iriship, 1981 – yili, yeni 47 yildin keyin Seudi Erebistanda oz-ara yüz körüshidu. Démek chong tagham Amanulla bir ömür ata méhrisiz, qiyinchiliqlar ichide chong bolghan shuningdek tiriship oqup, oz talanti bilen tonulghan ziyaliy bolup yétiship chiqqan idi. Allahtin Yatqan yérining jennettin bolushini tileymen!

Amanulla ependi 50-yillarda tunji bolup Uyghurlar ichide mexsus pelsepe kespiy oqughan. uzun yillar shinjang uniwérsitétida oqutquchiliq qilghan hemde medeniyet inqilabida eghir azablarni tartqan.70-yillarning axirida qaytidin qoligha qelem élip, bir yaqtin oqughuchilargha pelsepe dersi berse, yene bir yaqtin tetqiqat élip bérip, Uyghur pelsepisi boyiche köpligen maqalilarni élan qilghan. Abdushükür Muhemmed imin bilen birge 80-90-yillarda Uyghur pelsepe tarixi tetqiqati boyiche maqalilarni yazghan hemde proféssorluq unwanigha sazawer bolghan idi. Eyni waqitta taghamning Uyghur pelsepe tarixigha ait maqaliliri xelq ichide yaxshi tesirat qozghighan idi.

Késip éytimenki, Amanulla Musa Uyghurlarning öz milliy pelsepe tarixi , jümlidin ottura asiya pelsepe tarixini tetqiq qilishta bashlamchiliq rolini oynighan , bu sahe yash ewlad alimlarning yétiship chiqishigha tegishlik hesse qoshqan munewer Uyghur ziyaliysi idi. U, öz millitige sadiq, öz xelqige xizmet qilishni könglige pükken , aq köngül, tertiplik insan idi. U ailiside bir mesuliyetchan er, balilirigha mehriban qattiq teleplik ata, oqughuchilirigha sewirchan ustaz, tughqanlirigha koyumchan kishi idi. U ömrining axirqi yillirida bir qatar eserlerni yézishni pilanlighan hemde yazghan idi.

Men Ürümchide oqush we xizmet qilish jeryanida taghamning méhribanliqigha köp erishken idim. Biz tolimu mehri – muhabbetlik qerindashlardin iduq. Uningdin ayrilish meni bekmu azablidi. shu tapta Ürümchige uchup bérip, tughaqanlar bilen birlikte qayghuda birge bolghum bar, lékin amal qanche? baralmaymen ! shuning bilen musapirliq ,erksizlik derdim téximu éghirliship, qolumgha qelem élip, chongqur seghinish hissiyatim bilen taghamning weten sirtidiki oqughuchuiliri, dostliri we tonushlirini bu qayghuliuq xewerdin waqiplandurush uchun. addiy bolsimu, mezkur yazmamni yazdim. Mezkur yazmam arqiliq wapat bolghan tagham Amanulla we uning dadisi Musa ependi, yeni bowamni eslidim! Ulugh Allahtin barliq wapat bolghan musulmanlar we tagham hem bowamlarning rohigha eminlik tileymen !

Hörmet bilen

Ehtibar hem uning ailisi

Unregistered
14-11-08, 16:34
Apandim haqeqatan yetexkan ziyali idi,ziyalilar arsida abroyi chong idi,
Alimning yatqan yere jannatta bolghay Amin!!



Tagham Amanulla Musani esleymen

Ötken heptilerde Erkin Asiya Radiosidin Musa Türkistanining "Türkistan Pajiesi" mawzuluq ötken esirning 30-yillirida Qeshqerde yüz bergen bir qatar weqeler heqqidiki eslimisining bash qisimlirini anglap, shuningdek bu kitabning türkiyide neshir qilin'ghan nusxisini oqup, bowam Musa ependi yeni Musa Türkistanining 1984-yili uni Seudi Erebistanning Medine shehiride körgen waqtimdiki méhriban chirayi köz aldimgha kélip, uni qaytidin chongqur eslewatqan bu künlerde yene bir qayghuluq xewer méni chongqur azablidi. Bu bolsimu, 11-noyabir küni chong tagham, yeni Musa Türkistanining wetendiki birdin bir tewerük oghli Amanulla Musaning tuyuqsiz wapatidur. 12- noyabir küni bu qayghuluq xewerni anglap, yürikim chongqur azablandi hemde buningdin ikki yerim yil ilgiri men Amérikigha méngish aldida tagham bilen xoshlashqan axirqi minutlar köz aldimgha keldi. Buning axirqi qétimliq didarlishish we ayrilish ikenlikini tagham hés qilghan bolsa kérek, u manga "qizim yiraqlargha kétiwatisiz, men hemmini chüshinimen, bu tolimu uzun we qiyin musape, belki bu bizning axirqi qétimliq körüshishimiz bolup qalidu, sizni allagha tapshurdum, ailingiz bilen jem bolup, perzentliringizni weten-milletke yaramliq qilip terbiyilenglar" dégen idi. emdi bilsem, bu emeliyette uning manga qilghan wesiyiti iken !

Chong tagham Amanulla Musa, 1934-yili Qeshqerde tughulghan. U waqitta Musa ependi Qeshqerdiki Sherqiy Türkistan Islam Jumhuriyiti axirliship, Shéngshisey hakimiyetni igiligendin kéyin, Sowét Ittipaqi we Shéngshisey uni tutush üchün heriket qilghanda kozi yorsuh aldida turghan ayalini bixeter orunlashturghandin keyin, anisi we chong oghli Muhemmet Emin qatarliq ailisidiki bir qisim qerindashlirini élip Hindistan arqiliq Seudi Erebistan'gha qéchip ketken. Musa ependi seperge atlinip, Qeshqerdin ayrilghanda uning kichik ayalining oghul tughqanliqi heqqidiki xewerni anglaydu. Qaytip oghlini körey dése, qolgha chüshüp qélishi mumkin, undaq qilmay dése, köngül unimaydu. Ene shundaq qiyin ehwal astida u xewer yetküzgüchilerge "oghlumning ismini Aman Allah qoysun, Allah aman qilsa, bir küni körüshimiz" dep seperini dawam itidu. 1979 – yili oz-ara hayatliq xewirige iriship, 1981 – yili, yeni 47 yildin keyin Seudi Erebistanda oz-ara yüz körüshidu. Démek chong tagham Amanulla bir ömür ata méhrisiz, qiyinchiliqlar ichide chong bolghan shuningdek tiriship oqup, oz talanti bilen tonulghan ziyaliy bolup yétiship chiqqan idi. Allahtin Yatqan yérining jennettin bolushini tileymen!

Amanulla ependi 50-yillarda tunji bolup Uyghurlar ichide mexsus pelsepe kespiy oqughan. uzun yillar shinjang uniwérsitétida oqutquchiliq qilghan hemde medeniyet inqilabida eghir azablarni tartqan.70-yillarning axirida qaytidin qoligha qelem élip, bir yaqtin oqughuchilargha pelsepe dersi berse, yene bir yaqtin tetqiqat élip bérip, Uyghur pelsepisi boyiche köpligen maqalilarni élan qilghan. Abdushükür Muhemmed imin bilen birge 80-90-yillarda Uyghur pelsepe tarixi tetqiqati boyiche maqalilarni yazghan hemde proféssorluq unwanigha sazawer bolghan idi. Eyni waqitta taghamning Uyghur pelsepe tarixigha ait maqaliliri xelq ichide yaxshi tesirat qozghighan idi.

Késip éytimenki, Amanulla Musa Uyghurlarning öz milliy pelsepe tarixi , jümlidin ottura asiya pelsepe tarixini tetqiq qilishta bashlamchiliq rolini oynighan , bu sahe yash ewlad alimlarning yétiship chiqishigha tegishlik hesse qoshqan munewer Uyghur ziyaliysi idi. U, öz millitige sadiq, öz xelqige xizmet qilishni könglige pükken , aq köngül, tertiplik insan idi. U ailiside bir mesuliyetchan er, balilirigha mehriban qattiq teleplik ata, oqughuchilirigha sewirchan ustaz, tughqanlirigha koyumchan kishi idi. U ömrining axirqi yillirida bir qatar eserlerni yézishni pilanlighan hemde yazghan idi.

Men Ürümchide oqush we xizmet qilish jeryanida taghamning méhribanliqigha köp erishken idim. Biz tolimu mehri – muhabbetlik qerindashlardin iduq. Uningdin ayrilish meni bekmu azablidi. shu tapta Ürümchige uchup bérip, tughaqanlar bilen birlikte qayghuda birge bolghum bar, lékin amal qanche? baralmaymen ! shuning bilen musapirliq ,erksizlik derdim téximu éghirliship, qolumgha qelem élip, chongqur seghinish hissiyatim bilen taghamning weten sirtidiki oqughuchuiliri, dostliri we tonushlirini bu qayghuliuq xewerdin waqiplandurush uchun. addiy bolsimu, mezkur yazmamni yazdim. Mezkur yazmam arqiliq wapat bolghan tagham Amanulla we uning dadisi Musa ependi, yeni bowamni eslidim! Ulugh Allahtin barliq wapat bolghan musulmanlar we tagham hem bowamlarning rohigha eminlik tileymen !

Hörmet bilen

Ehtibar hem uning ailisi

Unregistered
14-11-08, 19:27
Yatqan yeri jennette bolghay!!!

Amin!!!!!!!