PDA

View Full Version : Uyghur erkeklirige ikki kelime söz!



Unregistered
08-11-08, 01:39
Uyghur erkeklirige ikki kelime söz!

- 06/12/2008
Melum tor bétide élan qilinghan bir neper uyghur mezlumening " erlerge ikki kelime söz " mawzuluq maqalisini yighlap turup yénishlap- Yénishlap oqup chiqtim. Uyghur qizliri, uyghur ayalliri, uyghur anilar mushu künge qaldimu? qéni heqiqiy erler? burut qoyup alsila er kishi héisablinamdu? bel tasma baghlap alsila er kishi héisablinamdu? er kishining ismini qoyuwalsila er kishi héisablinamdu?
Er kishining weten, jemiyet, millet, aile aldidiki mesuliyiti néme? haywan jénida özining ailisini, özining topini qoghdaydu, uyghurning bezi atalmish erkeklirichu ? qarighanda, haywanningmu mesuliyet éngi bar iken, ademning, uyghur erkeklirining némisi bar ?

Mezlume maqalisini mundaq bashlaydu: "ayallarning xorlinishi we balilargha ige bolmasliq... Erlerning talagha qarishidek pajielerge kimler jawabkar?! ejiba bu krizista ayallarning mesuliyiti barmidu ? erlerning mesuliyiti yoq dep kimmu meyde kirip chiqalaydu?! ?- Ritorik soraqtin kéyin aptur sözini yene mundaq bashlaydu, ?- Er razi, xuda razi... Qedimqi zamanlarda döletning chong ishlirini bir terep qilish, hakimiyetni mustehkemlesh, yurtni yawuzlarning tajawuzidin saqlap, ailini qoghdashtek chong ishlarni erler zimmisige alghachqa...Bowaqliri oghul tughulghan aililer alemche ümid bilen cheksiz shadliqqa chömüp tentene qilishqan."

Aptur maqalisini mundaq dawamlashturidu: " bügün bezi erlirimiz ichide bixutluq awup ketti... Ajiz- Mezlume hésablanghan ayallargha mesul bolush, atiliq burchini ada qilip balilirigha ige bolushtek muqeddes burch tuyghusi bir qisim erlirimizde suslushup ketkechke...Bir türküm bolumsiz, hurun, shallaq, hesetxor, texsikesh, xushametchi, béli bosh, iradisiz erler peyda bolup, heqiqiy erlerning obrazigha dagh tekküzmekte...Ular hetta ailige, jemiyetke yük bolmaqta... Jedwelge imza qoyghanda aile bashliqi, qimar sorunlirida pulni buzup - Chéchiwatqan baywetchilerge néme dégülük ? ayrim xanilarda bez marighan müshüktek olturushqan erlirimiz...Ayallirini yadigha alamdighandu ? bir demlik shehwaniy nepisi üchün qizi démetlik "güzeller" ge saqal tashlap, shölgeylirini éqitip yürgen chaghlirida ' qizlirim qaysi yoldidur, oghullirim qaysi owdidur' dep oylamdighandu? dert-Hesretni yetküche tartqan tul ayalning közliridin tökülüwatqan ilajsizliq yashliri, qaysi erning yürikini titritip, hésdashliqini qozghap baqtikin? "

Aptur mundaq dawamlashturidu: " yétimlik kochisida ténep-Temtirep boyun qisqan narisidilerni hamiliqqa alidighan dadilar qéni? ene shu qizlar, tul ayallar, erlerning qirindishi, anisi emesmidi ? ayallarning xorlinishi, tashliwétilishi we balilirigha ige bolmasliq sewebidin gunahsiz yétimlerning köpiyishi...Pajielerge kim jawabkar?...Derdimizni ichimizge yutup ailidin ibaret wetenning yatlarning tajawuzigha uchrap weyran bolup kétishidin qorqup, eyibni yenila tuzaqtiki ayallargha artishqa mejbur bolimiz...Erler ailini tashlap yamanlap chiqmaqta. Buninggha qarita ayallar ganggirash, téngirqashtin bashqa chare tapalmaywatidu."

Aptur maqalisini yene mundaq dawamlashturidu: " bilinglarki, ayallar bügüni kiyip etisi sélip tashlaydighan kiyim emes. Baqqusi kelmise bazargha élip bérip siétiwétidighan haywanmu emes...U sizning ömürlük yoldishingiz, hemrahingiz, dilkishingiz, halal jüptingiz. Bügünki jemiyitimizde yüz biriwatqan exlaqta chiriklishish, ichimlik, chékimlikke özini urush, balilargha ige bolmasliq, ayallarni xarlash, erlik burchini ada qilmasliq, qizlarning buzulup yoldin chiqishi, ayallarning ayalliq mesuliyitini tonumasliqi, ayalliq nazakitini yoqitishidek pajieler erler üchün nomus emesmu ?"

Küreshchan ependi nomus dégen néme, pishanini silap béqish dégen néme? dep soal qoydi uyghur mezlume. Bu soaldin küreshchanning pishanisi illiq terlidimu yaki soghaq terlidimu? erlerning ippiti weten, weten sétish ippetni sétishqa barawer dep yazghan idi bir shair. Uyghuristanda zéminu - Tupraq silkinmekte ! némishqa ?!

Erkekmen dep meydisige urup, erkek bolalmighan erkeklerning, zéminning üstige dessep yürgenlikidin silkinmekte. Uyghuristanning heqiqiy erkekliri étilip chiqti ?- Yu, lékin yalghuz bolup qaldi. Uyghuristanning qizliri, aililiri, ayalliri sanga muhtaj uyghur erkekliri! sen oylinidighan waqit yitip keldi, sen bash qaturidighan waqit yitip keldi, sen xalta kochidin qaytip chiqidighan waqit yitip keldi. Hésabsiz jahan bolmaydu elwette, uyghur erkekliri!