PDA

View Full Version : D u q we sherqiy türkistan ammiwi teshkilat rehberliri uyghur oghlani memettursun epe



Unregistered
17-10-08, 01:07
D u q we sherqiy türkistan ammiwi teshkilat rehberliri uyghur oghlani memettursun ependini teqdirlesh murasimi ötküzdi
Muxbirimiz arslan
2008-10-16
Her qandaq bir xelq özining qehriman oghul ‏ - Qizlirini söyidu, esleydu we béshida kötüridu. Zulumgha qarshi turushta özining hayatini qurban qilishtin qilche ikkilenmey ölümge tewekkül qilghan shexisler xelq teripidin eng söyülgen shexslerdur. Undaq shexsler tarix sehipisige altun hel bilen yézilidu.

AFP Photo
Süret, 8 - Awghust künidiki namayishta özige bénzin chéchip ot qoyuwetken memet tursun uyghur türkoghli "yashisun sherqi türkistan!" dep tawlimaqta. Éghir yaridar bolghan memet tursun ependi qutuldurush mashinisi bilen doxturxanigha élip kétilgen. Memet tursun ependi 4 - Ayning 3 - Küni istanbulda olimpik meshilini öchürüshke temshilip muweppeqiyetlik bolalmighan iken.

2008 ‏ - Yilliq olimpik musabiqisi harpisida türkiyining enqere shehride xitaygha qarshi ötküzülgen namayishta, xitayning chidighusiz zulumigha qarshi ghezep nepritini ipadilesh üchün özini köydürüshke jüret qilghan memettursun uyghur ependi ikki aydin artuq waqit ichide doxturxanida dawalanghandin kéyin 13 ‏ - Öktebir düshenbe küni doxturning ruxsiti bilen doxturxanidin öyige qaytip keldi. Memet tursun ependining salametliki yaxshi bolsimu téxiche pütünley eslige kélelmigen shuning üchün yene bir qanche ay öyide yétip dawalinidiken.

2008 ‏ - Yili 16 ‏ - Öktebir peyshenbe küni sherqiy türkistan yashlar teshkilatining merkizide dunya uyghur qurultiyi qatarliq sherqiy türkistan ammiwi teshkilat rehberliri uyghur oghlani memettursun ependidin hal sorash we uni dunya uyghur qurultiyining namida sherep taxtisi bilen teqdirlesh murasimi ötküzüldi. Murasimgha dunya uyghur qurultiyining muawin bashliqi shundaqla qeyseri shehride paaliyet qiliwatqan sherqiy türkistan medeniyet we hemkarliq jemiyitining bashliqi séyit tümtürk ependi, sherqiy türkistan maarip we hemkarliq jemiyitining ijraiye reisi ablikimxan mexsum, sherqiy türkistan köchmenler jemiyitining muawin bashliqi yaqupjan, sherqiy türkistan yashlar teshkilati bashliqi tibet yüjetürk qatarliq shexsler ishtirak qildi.

Murasimda dunya uyghur qurultiyining muawin bashliqi séyt tümtürk ependi söz qilip, memet tursun ependining özini köydürüshke jüret qilghan jasaritini tebriklidi shundaqla, dunya uyghur qurultiyi teripidin teyyarlanghan " millitige körsetken pidakarliqi " sherep taxtisini teqdim qildi shundaqla dunyaning herqaysi jayliridiki millet söyer uyghurlar teripidin iane qilinghan jemiy 10500 ( on ming besh yüz) amérika dolliri pulni memet tursun ependining dawalinishi üchün teqdim qildi.

Murasimda yene sherqiy türkistan maarip we hemkarliq jemiyitining ijraiye bashliqi ablikimxan mexsum memettursun ependini yene bir qétim tebriklesh bilen birge salametlikining tézraq eslige kélishige tilekdashliq bildürdi.

Ablikimxan mexsum sözde yene " memet tursun ependining xitayning chidighusiz zulumlirigha qarshi ghezep ‏ - Nepritini ipadilep özige öt qoyghanliqini bir milyard üch yüz milyon xitaygha qarshi turushta 30 milyon uyghur xelqining iradisining boshashmighanliqini ipadilesh, dep baha berdi. Ablikimxan mexsum memet tursun ependini yene bir qétim tebriklesh bilen birge salametlikining tézraq eslige kélishige tilekdashliq bildürdi.

Biz murasim axirida dunya uyghur qurultiyi muawin bashliqi séyt tümtürk ependi bilen söhbet élip barduq.

www.rfa.org

Unregistered
17-10-08, 07:32
axiri qolgha chushti.