PDA

View Full Version : Guantanamodiki uyghurlarning amérikigha qoyup bérilishi qarar qilindi



RFA news
08-10-08, 00:44
Guantanamodiki uyghurlarning amérikigha qoyup bérilishi qarar qilindi
Muxbirimiz gülchéhre
2008-10-07
7 - Öktebir seyshenbe küni washingtondiki, amérika fédératsiye sotida guantanamodiki 17 neper uyghur tutqunlarning amérikigha derhal qoyup bérilishi qarar qilindi shundaqla ularning 10 - Öktebir jüme küni amérika paytexti washingtongha yetküzülüshi buyruldi.


Yette yildin buyan guantanamodiki herbiy türmige qamalghan uyghur tutqunliri üstide échilghan mezkür sotqa, uyghur milliy herikiti rehbiri rabiye xanim bashliq amérikida yashawatqan 50 tin artuq uyghurlar hemde uyghur mesilisige yéqindin köngül bölüp kéliwatqan bir qisim erbablarmu qatnashti. Mezkür xewer , CNN, AFP, VOA qatarliq dangliq xelqaraliq xewer agéntliqlirining bügünki nuqtiliq xewirige aylandi.

Xitay hökümiti amérikining mezkür qararigha qattiq naraziliq bildürgen bolup, bügün xitay tashqi ishlar ministirliqi bayanatchisi ching gang muxbirlarni kütüwélish yighinida " biz amérikining bu uyghur térrorchilarni junggoning bir terep qilishigha qayturup bérishini telep qilimiz " dégen.

Amérikining guentanamo türmisige esli 22 uyghur qamalghan bolup, bularning hemmisi amérika hökümiti teripidin düshmen jengchisi emes dep aqlanghandin kéyin, bularning besh nepiri2006 - Yili aqlinip albaniyige yerleshtürülgen. Bügün amérikigha qoyup bérilishi qarar qilinghan bu 17 neper uyghurni bashqa héchqandaq dölet qobul qilmighan sharaittimu, amérika hökümiti ularni xitaygha qayturup bérishni ret qilip kelgen idi.

Bügün dunya uyghur qurultéyi bu 17 neper uyghurning amérikigha qoyup bérilishi munasiwiti bilen barliq metbuatlargha bayanat élan qilip, " bu uyghurlarning qoyup bérilishi amérikining qanun hem edliye séstimisining adilliqini yene bir qétim ispatlidi we yene xitay hökümitining uyghurlarni térrorchi dep qarilishining pütünley yalghanliqini, xitayning uyghurlar üstidin élip bériwatqan basturush siyasitini échip berdi " dédi.

Xewerlerdin kéyin, guantanamogha qamalghan 17 neper uyghur tutqun heqqide ötküzülgen sotning tepsilati toghrisida melumat anglitimiz.