PDA

View Full Version : Exmetjan Osman : Milliy Dawayimizdiki En'eniwiy Qalpaq we Tonlar



Exmetjan Osman
18-09-08, 09:45
Exmetjan Osman : Milliy Dawayimizdiki En'eniwiy Qalpaq we Tonlar

--------------------------------------------------------------------------------

http://www.uyghur1.com/uyghur/viewf...cb4c8c2d7f2ea5e

Milliy Dawayimizdiki En'eniwiy Qalpaq we Tonlar
( Exmetjan Osman )

Bilemsiz, hormetlik oqurmen, Uyghur xelqining ozige xas en'eniwiy kiyim-kechekliri bolghinidek, ularning milliy dawasidimu uzundin buyan ozining elan-sen'etlik ehmiyitini yoqatmay keliwatqan en'eniwiy qalpaq we tonlar mewjut. Uyghur siyasiy kurishining teshwiqat dukinidiki bu kiyim-kechekler her waqit bizning ashkara-yoshurun gherezlirimizni emelge ashurushta ozining unumchanliqi pewqul'adde yuquri bolushtek alahidilikke ige wastiliq rolini jari qildurup kelmekte. Eger sizmu birer siyasiy yaki shexsiy muddiayingizni emelge ashurmaqchi bolsingiz, hech ikkilenmeyla udul bu dukan'gha kirisiz-de, xalighan qalpaqni elip xalighan kishining beshigha keydurup qoyisiz, weyaki, xalighan tonni elip ozingiz kiyiwalisiz! Bilemsizkin, bu bir igisi yoq dukan bolup, istigen qalpaq-tonliringizgha bir tiyin xerjlimeyla erisheleysiz.

Bu dukanda, ajayip-gharayip uch qalpaq bilen heshemetlik uch ton bolup, sizning barliq teliwingizni qamdiyalaydu. Lekin, shuni bilishingiz kerek-ki, siz emelge ashurmaqchi bolghan gherez yaki bu gherezning obekti choqum siyasiy bilen munasiwetlik bolishi kerek. Undaq bolmighanda, bu en'eniwiy kiyimlerning hechqandaq bir istimal unumi bolmaydu-de, u chaghda siz xata dukan'gha kirip qalghan bolisiz. Mushundaq xataliqning yuz bermesliki uchun, towende sizge mezkur uch qalpaq bilen uch ton heqqide qisqiche chushendurush berip otimen.

Aldi bilen, gepni en'eniwiy qalpaqlirimizdin bashlay.

Birinchi, MILLIY XAIN QALPIQI. Bu qalpaq heddidin ziyade chong bolup, siz uni keydurmekchi bolghan ademning beshi mueyyen hejimge ige bolushi shert. Demekchimenki, bu qalpaqning obekti Uyghur siyasiy sehniside mueyyen salmaqqa ige adem bolushi kerek. Eger bu qalpaq adettiki bir kishige keydurilip qoyulsa, uning astida putun beshi korunmey qalidu-de, kimliki bilinmigen biraw supitide kishilerning diqqitini qozghiyalmaydu. Ikkinchi, KAPIR QALPIQI. Bu qalpaq heddidin ziyade eghir bolup, siz uni keydurmekchi bolghan ademning beshi mueyyen eghirliqni kotureleydighan bolushi shert. Demekchimenki, bu qalpaqning obekti Uyghur ediologiyisi sahaside mueyyen nopuzgha ige adem bolushi kerek. Undaq bolmighanda, bu qalpaqning astida mijilip qalghan biraw bashqilarning diqqitini qozghash uyaqta tursun, belki, anga bu qalpaqni keydurguchi mesxiride qalidu. Uchinchi, APTONUMIYICHI QALPIQI. Bu tolimu sehirlik qalpaq bolup, siz uni keydurmekchi bolghan adem choqum Uyghur siyasiy teshkilatlirining biride mueyyen orun'gha ige bolushi shert. Bolmisa, bu qalpaq oz sehrini korsitip korunmes bolup qalidu-de, sizning ejringiz bikargha ketidu!

Emdi, en'eniwiy tonlargha keleyli.

Birinchi, MILLIY INQILAPCHI TONI. Eger siz ozingizde hechqandaq bir iqtidarning yoqliqigha ishensingiz, kichikingizdin tartipla ata-aningiz we jemiyetning zulm-xorliqigha uchrighan bolsingiz, pul bilen nam-ataqning kelish menbesini zadila tapalmighan bolsingiz, hayatingizda axirqi bir tewekkulchilik qilip beqish qararigha kelgen bolsingiz, undaqta choqum bu tonni kiying! Kim bilidu, bu tonning ichide teliyingiz ongdin kelip qalsa, u chaghda sizde bir iqtidarning barliqi bayqilidu, ata-aningiz we Uyghur jemiyitidin ochingizni alisiz, beshingizgha bayliq qushi we shohret qushidek siz zadila korup baqmighan ajayip qushlar kelip qonidu. Ikkinchi, TEQWADAR MUSULMAN TONI. Eger siz axiretlikingizni utupla qalmay, yene dunyaliqingiznimu utay desingiz, choqum bu tonni kiyiweling! U chaghda, jemiyette yoq orningiz bar bolidu, shexsiyitingiz bir omur erishelmigen hormetke erishidu, Uyghurning oghrisimu toghrisimu, xainimu inqilapchisimu sizni bu tonning ichide korgende qolini koksige qoyup egilip salam berishke mejbur bolidu. Uchinchi, MUSTEQQILLIQCHI TONI. Eger siz ozingizni Uyghur siyasiy pa'aliyetchilirining biri dep hesaplighan bolsingizmu bashqilar sizge ehmiyet bermigen bolsa, qiliwatqan siyasiy keriketliringizning baziri chiqmay, eksiche kasatlishiwatqan bolsa, u chaghda siz choqum bu tonni kiyiweling! Biraq, shunimu bilishingiz kerekki, bu tonni kiyish bilen birge qolingizgha "Aptonumiyichi Qalpiqi"nimu eliweling, chunki siz reqiplirim deguchiliringizge bu qalpaqni keydurishingiz lazim. "Musteqqilliqchi Toni"ning selteniti peqetla "Aptonumiyichi Qalpiqi" keydurilgenlerning aldidila gewdilinidu!

Hormetlik oqurmen, axirida shunimu semingizge selip qoyayki, yuqurida zikri qilin'ghan en'eniwiy qalpaq we tonlirimizdek nepis mallar selin'ghan siyasiy dukanning igisimu hem kuzetchisimu bolmighanliqi tupeylidin, Xitay Dolet Xewpsizliki dairilirining mezkur en'eniwiy kiyim-kecheklirimizni xalighanche suyistimal qilishi turghanla gep. Diqqet qilghaysiz!

Unregistered
18-09-08, 10:02
kuzetchi digen ozingiz ozingizge qoyiwalghan qalpaqmu? rexmet.