PDA

View Full Version : Dunya Uyghur Qurultiyi Nur Bekrining Rabiye Qadir we Dunya Uyghur Qurultiyigha qaratq



WUC/DUQ
12-09-08, 23:42
Dunya Uyghur Qurultiyi Nur Bekrining Rabiye Qadir we Dunya Uyghur Qurultiyigha qaratqan hujumini eyipleydu

http://www.uyghurcongress.org/Uy/News.asp?ItemID=-650237855


Xitay höküméti 9 – ayning 10 - küni Ürümchide chaqirilghan „kadirlar yighini"da, Sherqiy Türkistanda 1990 – yillardin buyan yüz bérip kelgen her türlük qarshiliq heriketlirini birdek halda „térroristik heriket" dep eyiplepla qalmastin, bu heriketlerni pilanlighuchi, qozghatquchi „düshmen küchler"ning tizimlikini élan qildi.

Atalmish Uyghur Aptonum Rayonluq Partkomning sékrita Wang léchuen we qorchaq reisi Nur Bekri qatarliqlarning doklatlirigha asaslanghanda, bu atalmish „düshmen küchler"ning biri; „xitayni gheripleshtürüsh, parchilash" niyitidin yanmighan we “Uyghur bölgünchiliri”ni qollawatqan gherip elliri, ikkinchisi; Sherqiy Türkistangha qoshna bolghan döletler, üchinchisi, Dunya Uyghur Qurultiyi we uning reisi Rabiye Qadir xanim, tötinchisi; Sherqiy Türkistan islam herikiti küchliri.

Démek, Xitay höküméti bu yighin arqiliq, dunya jamaitige qarita töt chong bayanat élan qildi.

Bu bayanatning biri: siyasiy, iqtisadiy, déplomatik munasiwéti dawam qiliwatqan we yillardin buyan Xitay dölitining iqtisadi jehettin yüksilishige zor yardem bérip kelgen gherip démokratik ellirini we bu ellerdiki kishilik hoquq organlirini birdek halda “düshmen küchler” tizimlikige kirgüzdi.

Bu bayanatning ikkinchiside, Shangxey hemkarliq teshkilatigha eza döletlerni hem özliri iqtisadi we herbiy yardem bilen eyni zamanda béqindi halgha keltüriwalghan Awghanistan, Pakistan qatarliq döletlerni „düshmen küchlerning bazisi" dep jakalap, aridiki ishenchisizlikni we u döletlerge qarshi düshmenlik idiyilirini ashkare jakalidi.

Bu bayanatning üchinchiside, démokratik eller teripidin Sherqiy Türkistan milli herikitining wekillik orgini dep tonulghan, BDT nizamnamisi we bashqa xelqara qanunlargha muwapiq rewishte paaliyet élip bériwatqanliqi étirap qilinghan Dunya Uyghur Qurultiyini „térroristik teshkilat" hem „térrorluq heriketlerning pilanlighuchi, ghozghatquchi orgini" dep jakalap, insan heqliri dunyasigha haqaret we jeng élan qildi. Bolupmu, Sherqiy Turkistan xelqi teripidin „Uyghurlarning Anisi" sheripige érishken, Sherqiy Türkistan milli herikitiningla emes, hetta xelqara kishilik hoquq kürishiningmu bayraqdarigha aylanghan, Uyghur millitining kishilik hoquq, démokratiye we erkinlik kürishining simwoli bolup dunyagha tonulghan, bu seweptin yillardin buyan Nobil ténchliq mukapatining namizati bolup kéliwatqan, Rafto Kishlik hoquq mukapatigha érishken, Amerika, Yawrupa we BDT rehberlirining qobul qilishi hem étirap qilishigha érishken hörmetlik Rabiye Qadir xanimni „térroristlarning kattiwéshi" dep jakalap, öz hökümétining kishilik hoquq, démokratiye we erkinlik bilen qarshilishish idiyisini, siyasiy epti – beshirisini yene bir qétim ochuq ashkarilidi.

Ejeplinerlik bolghan yene bir teripi shuki, Rabiye xanimni „Nobil mukapatini aldap éliwalmaqchi" déyish arqiliq, bir tereptin yüz yildin buyan yüksek shöhretke, adaletke ige bolup kéliwatqan Nobil mukapatigha ,uni bahalash komitétigha we Nobil mukapatigha érishküchilerge haqaret qilsa, yene bir tereptin Xitay dölitide aldash bilen, süyqest bilen, yalghanchiliq bilen hemme nimige érishkili bolidighan chériklikni namayen qildi.

Sherqiy Türkistan mesilisi dunyaning küchlük diqqet - étibarini tartiwatqan halqiliq bir peytte, Xitay höküméti milli dawayimizni ajizlashturush, yoq qilish we bu dewaning kündin-künge küchliniwatqan xelqaraliq tesirini xunikleshtürüsh, bu arqiliq xelqara jamaetning hésdashliqi, qollishidin yétim qaldurush üchün, yillardin buyan pütün déplomatik hünerlirini we her hil taktikiliq küchlirini ishqa sélip, BDT din Yawrupa Parlaméntigiche, milliy hökümetler hem parlaméntlardin taki xelqara teshkilatlarghiche tesir qilishqa urunup, milliy herikitimizni, jümlidin Dunya Uyghur Qurultiyi we uning rehbiri Rabiye xanimni "térrorizim" qalpiqi bilen ujuqturushqa tériship keldi.

Wehalenki, Dunya Uyghur Qurultiyi we Rabiye xanimning Xitay hökümetining her xil siyasiy oyunliri, süyqestliri we hile-mékirlirige sezgürlik bilen taqabil turushi netijiside, Xitay hökümétining yillardin buyan xelqarada Sherqiy Türkistan Milli Dewasi, jümlidin Rabiye Qadir xanim we Dunya Uyghur Qurultiyi üstidin élip barghan qarilashliri, siyasi süyqestliri, töhmetliri bazar tépish tügül, özini pash qilishtin bashqa aqiwet peyda qilalmidi.

Bügün meyli Rabiye xanimning yaki u riyasetchilik qiliwatqan Dunya Uyghur Qurultiyining obrazi we orni bolsun, xelqare sehnide yüksek hörmetke hem étirapqa érishmekte. Xitay hökümétining siyasi oyunliri üzlüksiz meghlubiyetke uchrimaqta.

Xitayning töhmetliri we Nur Bekridek millet xainlarning sözliri Uyghur xelqining qelbide Xitay hökümétige nispeten téximu qattiq ghezep, nepretlerni qozghisa, xelqarada Xitay hökümétining yene bir qétim özini pash qilishigha we mat bolushigha sewep bolidu.

Shuni tekrar tekitleymizki, Sherqiy Türkistan milliy herikiti haman ghelibe qilidighan heriket. Uyghur millitining qelbidin orun alghan yüksek ghaye choqum bir küni emelge ashidu. Xitayning ölüm girdawida halaket tiniqliri bilen salghan barliq chuqanliri, özini meghlubiyet azgiligha tizraq ittirishtin bashqigha yarimaydu!

Biz __ Dunya Uyghur Qurultiyi, dunya jamaitini xitay höküméti we Nur Bekri kebi xainlarning milli rehbirimiz Rabiye xanimgha we Dunya Uyghur Qurultiyigha qaratqan esebilerche hujumlirigha yéqindin diqqette bolushqa chaqirimiz, Xitayning Gherip démokratik döletlirige, Kishlik hoquq teshkilatlirigha we Nobil mukapatigha qaratqan haqaretlirige tégishlik inkas bildürishini ümid qilimiz.



Dunya Uyghur Qurultiyi

2008-yili 9-ayning 12-kuni