PDA

View Full Version : Chokum korung



Unregistered
10-09-08, 18:33
Uyghur élidiki xitay uchur wastiliridin ashkarilinishiche, 9 - Séntebir uyghur aptonom rayoni 24 - Nöwetlik oqutquchilar bayrimini tebriklesh we qosh til maaripidiki munewwerlerni mukapatlash yighini ötküzgen.


Yighinda xitayning uyghur élige qoyghan partkom sékritari wang léchüen söz qilip " uyghur aptonom rayonining qosh til maaripi, siyasiy éngi mustehkem, kespi sapasi yuqiri oqutquchilar qoshunigha muhtaj, hökümet qosh til oqutquchilar qoshunini yenimu kücheytish, yétildürüshke ehmiyet bérip keldi, partiye hem hökümet dawamliq türde silerning qosh tilliq maarip xizmitini omumyüzlük yaxshi ishlishinglar üchün kesipte tereqqi qilish pursitidin bashqa turmush sharaitliringlarnimu yaxshilashqa tirishidu" dégen.

U yene yighinda yigirme neper munewwer qosh til oqutquchilirini mukapatlighandin kéyin, xitay hökümitining barliq oqutquchilardin némilerni kütidighanliqini tekitlep " oqutquchilar yéngi weziyetke we wezipige yüzlenmekte, dewir barliq oqutquchilardin uyghur aptonom rayonining qosh tilliq maaripini ilgiri sürüshte tewrenmes idiye bilen yéngiliq yaritishni kütidu" dégen.

Xitay hökümiti qosh tilliq maarip siyasitini yolgha qoyghan 2000 - Yildin tartip bir tereptin eslidiki uyghur tilida ders bériwatqan oqutquchilarni xitay sewiye imtihani arqiliq shallash élip bériwatqan bolsa, yene bir tereptin xitayning her qaysi jayliridin qosh til oqutquchiliri namida xitaylarni uyghur éli maarip sahesige qobul qilmaqta.Uyghur éli maarip nazariti tor bétidin melum bolushiche, 8 - Ayning axiri shibéy pidagogika uniwérsitétini püttürgen 171 neper xitay aqsu tewesidiki qosh til mekteplirige xizmetke orunlashturulghan.