PDA

View Full Version : Amerika Tashqiy Ishlar Minister Rice Rabiye hanim bilen korushti



Unregistered
09-09-08, 23:33
http://www.uyghuramerican.org//articles/2117/1/Ms-Rebiya-Kadeer-Meets-with-US-Secretary-of-State-Condoleeza-Rice/index.html

towende RFA niing hewerini korung:

Amérika tashqi ishlar ministirliqi amérika musulmanlirigha ramizan yüzisidin iptar ziyapiti berdi

Muxbirimiz jüme xewiri

2008-09-09

Tünügün yeni 8 - Awghust kechqurun, amérika tashqi ishlar ministirliqi amérikidiki musulman ammisining ramizan éyini qutluqlash yüzisidin, amérikidiki bir qisim musulman erbabliri, meshhur musulman zatlar, her qaysi musulman döletlerdin kelgen musulman diplomatlarni amérika paytextige teklip qilip iptar ziyapiti berdi.

Source: State.gov
Amérika tashqi ishlarministiri kondaliza rayis bir bayanat élan qilish yighinida.
Iptar ziyapitige yene amérika tashqi ishlar ministiri kandiliza rays xanimni öz ichige alghan yuqiri derijilik dölet erbabliri ishtirak qildi.
Ziyapetke rabiye qadir xanim alahide teklip bilen qatnashti

Ziyapetke amérikidiki uyghur musulmanlargha wakaliten dunya uyghur qurultiyi reisi, uyghur milliy herikitining yétekchisi rabiye qadir xanim we uyghur amérika birleshmisining bash katipi alim séyitoflar alahide teklip bilen qatnashti. Melum bolushiche, bu amérikidiki uyghurlar wekilining ikkinchi qétim amérika döletlik iptar ziyapitige teklip qilinishi iken.

Iptar ziyapiti bashlinishtin ilgiri amérika tashqi ishlar ministiri kandiliza rays xanim nutuq sözlep amérikidiki barliq musulmanlarning ramizan éyini qutluqlaydighanliqini bildürdi.
Kandiliza rays ": bir milyarttin artuq insan islamdin ümid we eminlik tapqan "

Amérika tash ishlar ministiri kandiliza rays xanim, ötken bir nechche yil jeryanida ötküzülgen iptar ziyapetliri arqiliq özining amérikidiki nurghun musulman qérindashlar bilen uchrishish, söhbetlishish hemde bu uluq ayni téximu chongqur chüshinish pursitige érishkenlikini bildürdi we mundaq dédi: "bir milyarttin artuq insan islamdin ümid we eminlik tapqan bolup, ramizan ularni dua - Tilawet, qurbanliqlar we xeyri - Saxawetler arqiliq imanini kücheytishke ilhamlanduridu. Bashqa dinlardiki kishilermu, aile söygüsi, jemiyetke özini béghishlash we xudagha bolghan minnetdarliqtin ibaret ramizan rohidin zoqlinidu."
Kandiliza rays:" kishiler iman - Ibadetliri tüpeyli jazagha tartilmasliqi kérek"

Kandiliza rays xanim, islamningmu amérikini téximu güzelleshtüridighan hemde amérikining eng ésil tereplirini namayan qilidighan nurghun medeniyet we dinlarning biri ikenlikini otturigha qoydi we: " heqiqiy amérikiliq bolush dégenlik, dölitimizning bash prinsipi bolghan, hemme ademning teng barawer yaritilghanliqi, her bir ademning uniwérisal we tartiwalghili bolmaydighan hoquqlardin teng behrimen bolidighanliqini yolgha qoyush bolup, bu hoquqlar bésimdin xali hayat kechürüsh, iman - Ibadetliri tüpeyli jazagha tartilmasliq, ochuq - Ashkara oylash we sözlesh hemde erkin halda teshkillinish hoquqi qatarliqlarni öz ichige alidu."
Kandiliza rays: " siler her biringlar bir ulugh imanning, tinchliq we muhebbet dinining igiliri"

Kandiliza rays xanim nutqida yene, amérikining yene nurghun jehetlerde yétersiz terepliri barliqini, shunglashqa amérikini kelgüside téximu démokratik we barliq insanlar arzu qilidighan bir jemiyet qilip qurup chiqish üchün tirishiwatqanliqini bildürdi.

Kandiliza rays xanim sözining axirida bu iptar ziyapitige qatnashqan barliq kishilerge amérika tashqi ishlar ministirliqigha wakaliten rehmet éytti we: "siler her biringlar bir ulugh imanning, tinchliq we muhebbet dinining igiliri. Silerning emgikinglar eslidinla bay medeniyetning téximu güllep yashnaydighanliqini kapaletke ige qilidu. Rehmet silerge. Merhaba ramizan," dédi. Kandiliza rays xanimning bu sözliri qizghin alqishqa érishti.
Rays xanim uyghur mesilisige köngül bölidighanliqini bildürgen

8 - Séntebir amérika tashqi ishlar ministirliqida oyushturulghan iptar ziyapiti jeryanida dunya uyghur qurultiyi reisi rabiye qadir xanim tashqi ishlar ministiri kandiliza rays xanim bilen uchrashqan. Alim séyitofning bildürüshiche, rays xanim uyghurlarning hazirqi ehwali, jümlidin rabiye qadir xanimning türmidiki perzentliri ablikim we alim abduréhimlarning mesilisige köngül bölidighanliqini bildürgen.

Ramizan dunyaning her qaysi jaylirida herxil shekilde kütiwéliniwatqan, jümlidin amérika hökümitimu ramizan éyini musulmanlar bilen birlikte qutluqlap iptar ziyapetliri orunlashturuwatqan mushu peytlerde, uyghur ilidiki uyghur qatarliq musulman qérindashlarning ramizan éyi xitay hökümitining yéngidin yolgha qoyghan cheklesh wasitiliri bilen dexlige uchrimaqta.

Alim séyitofning bildürüshiche, uyghur musulmanlar éghir cheklimilerge we bésimlargha uchrawatqan minutlarda rabiye qadir xanimning amérika tashqi ishlar ministirliqi orunlashturghan döletlik iptar ziyapitige qatnashqanliqi xitayning uyghur élide yürgüzüwatqan basturush siyasiti bilen roshen sélishturma peyda qilghan.