PDA

View Full Version : Amérika dölet mudapie istratégiyisini özgertti



Unregistered
12-08-08, 12:32
7–ayning 31–küni, Amérika dölet mudapie ministirliki ‹‹
amérikining 2008– yilliq dölet mudapie istratégiyisi›› ni élan
qildi. Bu istratégiyining asasliq mezmuni, Ikkige kapaletlik qilish,
Birni özgertish yeni amérika armiyisining uzaqqiche dawamlishidighan
térrorluqqa qarshi turush urushida ghelbe qilish iqtidarigha ige
bolushqa kapaletlik qilish bilen birge, Adettiki herbiy ishlar
saheside yétekchilik ornini saqlap qélishqa kapaletlik qilish;
Amérika armiyisining herbiy küchke ziyade béqinish halitini
özgertip, Qattiq küch bilen yumshaq küchni birleshtürüp, Térrorluqqa
qarshi turushtin ibaret adettin tashqiri urushta ghelbe qazinishidin
ibaret boldi.
Bu istratégiyige asaslan'ghanda, Amérika armiyisi térrorluqqa
qarshi turush urushini yadroluq wezipe qatarigha qoyushi, Iraq we
afghanistan bu meydan urushning merkizilik ornigha qoyulishi kérek.
Bu istratégiyide yene munular otturigha qoyuldi, Körülüsh
mumkinchiliki bolghan ‹‹téximu küchlük dölet›› ning amérika
yétekchilikidiki xelqara tertipke riqabet élan qilishigha taqabil
turush üchün, Amérikining yushurun reqibi bolush mumkinchiliki
bolghan junggo we rosiyining kelgüsi yüzlinishige yéqindin diqqet
qilish kérek, Amérika junggo we rosiye bilen hemrahliq munasiwiti
ornitishqa tirishishi lazim.
Amérikining herbiy ishlar we bixeterlik istratégiyisining
kelgüsi yüzlinishige yétekchilik qilidighan programma xaraktérlik
höjjet bolghan ‹‹ amérikining 2008–yilliq dölet mudapie
istratégiyisi›› — amérikining 2002–yili we 2006–yildiki ‹‹dölet
mudapie istratégiyisi›› shuningdek amérikining 2006–yildiki ‹‹ 4
yilliq bahalash doklati›› da otturigha qoyulghan istratégiyilik
tesewwurning dawami. Mesilen, Térrorluqqa qarshi turush urushida
ghelbe qazinishni dawamliq halda amérika armiyisining 1– muhim
wezipisi qilish qatarliqlar. Emma, Aldin zerbe bérishni muhim nuqta
qilmastin, Yumshaq küch we xelqaraliq hemkarliqtin köprek
paydilinip, Térrorizimni yoqitish tekitlendi. Bu xil özgirishi—
xelqaraliq we dölet ichi arqa körünüshige ige.
Tashqi munasiwet jehette, Amérika hazirghiche afghanistan we
iraq urushi patqiqigha chongqur pétip turmaqta. Amérika armiyisining
afghanistanda talapetke uchirighan eskiri 560 nechchige, Iraqta 4
ming 100din köprekke yetti. Bu ikki meydan urush üchün, Amérika 860
milyard amérika dolliri xejlidi. Amérika armiyisi afghanistanda
turushluq esker sanini zor nisbette köpeytken bolsimu, Bixeterlik
weziyiti özlüksiz nacharlashmaqta. Amérika dölet mudapie
ministirliki yéqinda élan qilghan bir türlük doklatta, ‹‹taliban we
baza teshkilatining arqa–arqidin hojum qilishi bilen afghanistan
uzaqqiche qalaymiqan bolush weziyitige duch kelmekte, Afghanistan
merkizi hökümitining paytext kaboldin bashqa rayonlarni kontrol
qilish iqtidari yoq déyerlik. Iraqta, Weziyet bir az ongshalghandek
qilsimu, Yushurun xewpler yenila saqlanmaqta. Afghanistan we
iraqtiki qalaymiqanchiliq térrorchilarni zor paaliyet boshluqi we
bahanige ige qildi›› , Déyildi. Buningdin bashqa, Amérika dölet
ichide, Urush chiqimining ziyade köp bolushi nurghun tenqidi
pikirlerni peyda qildi. Iraqtin esker chékindürüshni telep
qilidighan awazlar özlüksiz yuqiri kötürülmekte. Bu nuqtidin
qarighanda, Bu istratégiye xelq rayigha yaqidighandek qilidu.
Afghanistan we iraq urushi amérikigha shuni éniq tunuttiki,
Herbiy jehette aldin zerbe bérish arqiliq qisqa mezgillik ghelbini
qolgha keltürgili bolsimu, Ishghal qilin'ghan rayondiki awam
puqraning qollishigha érishkili shundaqla xelqaraning qollishigha
érishkili bolmaydu. Shuning üchün, ‹‹amérikining 2008–yilliq dölet
mudapie istratégiyisi›› de, Amérika térrorluqqa qarshi turush
urushida axirqi ghelbini qolgha keltürüsh üchün, Yumshaq küchke
ehmiyet bérishi kérek. Bu, Ittipaqdash döletler bilen bolghan
xelqaraliq hemkarliqni kücheytish, Afghanistan we iraq dölet
ichidiki oxshash bolmighan mezhep we guruhlarning chüshinish hasil
qilishini ilgiri sürüsh, Shu jaylardiki ahalilarni asasiy turmush
buyumliri bilen teminlesh we ul muesseseler qurulushi élip bérish
qatarliqlarni öz ichige alidu, Dep otturigha qoyuldi. Amérikining
dölet mudapie istratégiyisidiki bu xil tengshesh élip bérish—
kelgüsidiki xelqaraliq weziyetning yüzlinishige muhim tesir peyda
qilghusi.

Unregistered
12-08-08, 18:58
bu hewerni amirika wetinimizni azat kilip beridu dewatkanlar chushinip bir okup baksun.